Математикалық линейка

Дымбілмес, бүгін тағы математикадан «2» алғанбысың?

- Қойшы, Білгіш, математиканы оқу маған не үшін қажет? Көбейту кестесін білемін, қосу, азайтуды білемін.Маған синус пен косинустың не керегі бар, ақша есептеу білсем болды емес пе?

- Дымбілмес, сен «Ақыл-ойды тәртіпке келтіретін математика, сондықтан да оны оқу керек» деген дана сөзді білесің бе? Миды жаттықтыру үшін адамға математиканы үйрену, есеп шығару өте қажет. Біздің өміріміздегінің бәрі бір-бірімен байланысты. Математиканың басқа ғылымдармен байланысын атап өту керек. Оның физикамен, химиямен, биологиямен, информатикамен тығыз байланысында дау жоқ.

1-оқушы

Математика ғылымдар патшасы деп

Мойындаған ғалымдар жер шарында,

Сол қағида тағы да дәлелденбек

Осы апталық бағдарлы жоспарында.

2-оқушы

Қиын пән химия да арқа сүйер

Реакция теңдеуін құрған кезде

Тарих пен география карталары

Масштабпен жасалар білгендерге.

3-оқушы

Физика жақын туыс мына бізге

Қозғалыс, энергия, қуат, күш те,

Біздерсіз есептелу мүмкін емес

Жария ғып айтайықшы мұны біз де.

4-оқушы

Дүние тану менен биология

Ауа райын өлшейді, күн қызуын

Мақтанбаймын бұған да қатысым бар,

Өсімдіктер өседі шашып бүрін.

5-оқушы

Сызу, сурет бұлардың тармақтары

Өлшеу, салу бұлардың қармақтары,

Енді қалай айтпайсың дене шынықтыру

Жарыс сәтін есептеп салмақтайды

6-оқушы

Болашақ білім, ғылым тұтқасында

Мұны әркез әркім есінде ұстасында

Заманның компьютердей кезеңінде

Математика тағы тұр көш басында

-Дымбілмес, енді түсінген боларсың, математика сонымен бірге логика. Логикалық және математикалық есептердің көмегімен логикалық ойлауды ерте жастан дамытуға болады, дамыту керек те. Логика ол спортшыға да, бишіге де, жазушыға да керек. Өз ойыңды, сезіміңді логикалық тұрғыдан жеткізе білу - үлкен өнер.Математиканы оқып үйрену есеп шығаруды үйрену үшін ғана емес, қабілетіңді жетілдіру үшін қажет.

7-оқушы

Сіздерді апталыққа шақырамыз

Есеппен бастарыңды қатырамыз.

Математиканы ұғындырып,

Аз да болса білімдеріңді толтырамыз.

8-оқушы

Апталық бүгін басталды,

Ұмыт болғанды еске салды.

Қиын болса да қызық сабақ,

Жұмыс істетейік бастарды.

9-оқушы

Архимедтердей жаңалық ашар,

Болса үміткер осы апталыққа үлес қосар,

Ұлы математик ізін басар

Біздерде жоқ па талапкер?

10-оқушы

Қатысыңыздар, қолдаңыздар,

Есептен шет қалмаңыздар!

Ойнаңыздар, ойлаңыздар,

Есеп додасы басталды,

Кірісейік жұмысқа!

Бәрі

Жайбарақат болмаңыздар,

Қатыратын бастарыңды

Апталық, міне басталды!