Жаныңда жүр жақсы адам

Жанымда жүр жақсы адам

Елбасы өзінің «Болашаққа бағдар: рухани жаңғыру» мақаласында қазіргі кезеңдегі әлемдік жаһандану жағ­да­йында заман ағымына икемделуді, жаңа дәуірдің озық үлгілерін бойымызға сіңі­руді, ұлттық кодымызды сақтауды міндеттеді. «Мен халқымның тағылымы мол тарихы мен  ықылым заманнан арқауы үзілмеген ұлттық салт-дәстүрлерін алдағы өркендеудің берік діңі ете оты­рып, әрбір қадамын нық басуын, бола­шаққа сеніммен бет алуын қалаймын», – деп жазды.

Иә, ақиқатында этносты (халықты) анықтаушы бір белгі, ол – этникалық мәдениет. Сол мәдениетке халықтың тілі, ділі, діні, салт-дәстүрі, әдет ғұрпы, музыкасы, өнері, т.б. кіреді. Бұлар ұлттық кодтың элементтері. Олай болса, ұлттық түп-тамырымызды, ұлттық құндылықтарымыздың бірі – ата-баба­мыздан келе жатқан дәстүрі­міздің озық үлгілерін атадан балаға мирас етіп, жас ұрпақты жаңа жетістіктерге жетелеп жүрген адам жоқ емес.Сондай жақсы жанның бірі -  Аскенова Бәйгібала Әскенқызы.

Бар ғұмырын ұстаздыққа  арнаған Аскенова Бәйгібала Әскенқызының да көктемі мен жазы, қыруар күзі  жас ұрпақты тәрбиелеуге арналған. «Ұстазым менің ұстазым,өзіңмен өткен қыс, жазым» деген ыстық махаббат осындай ұлағатты ұстаздарға арналса керек.

Өнегелі  де ардақты жан Аскенова Бәйгібала апамыз – үлгілі отбасының қамқоршысы. Отағасы — Сұлтан атамызбен тату-тәтті өмір сүріп,   перзенттерін ұяға қондырған бақытты ата-ана, бес-алты немерелі абзал жандар.

Аскенова Байгибала Әскенқызы 1942 жылы 13 ақпанда Алматы облысы Іле ауданы Жаңадәуір ауылында дүниеге келген. Ардагер ұстаз Жаңаталап ауылы № 25 орта мектебінде мектеп директоры болып 20 жылдан астам еңбек етіп, зейнетке шықты. Ұстаз- ардагер, «Қазақ ССР халық ағарту ісінің озық қызметкері», «ҚСРО білім беру ісінің үздігі» атақтарының иегері.Қазіргі таңда Байгибала Әскенқызы әлі де еңбек етуде: ауылдағы қоғамдық жұмыстарға белсене қатысуда, туған елге, жерге деген сүйіспеншілігі мен қоғамдық жұмыс жолында, жастар арасында патриоттық тәрбиені нығайтуда үлесі көп.

Ауылымызда жергілікті өзін өзі басқару қоғамдастықтың мүшесі ретінде ауыл зиратын қоршауға, мектептегі жөндеу жұмыстарына т.б. қосқан үлесі орасан зор.

Ерте кезеңнен ақ ата-бабаларымыз бала, ұрпақ тәрбиесіне көп көңіл бөліп, оларды үлкенге тағзым, кішіге ілтипат етіп, бауырмалдыққа, мейірімділікке, ізеттілікке баулыған. «Тәрбие – тал бесіктен баста­лады», «Ұяда не көрсең, ұшқанда соны ілесің» деген ұлағатты сөзді жадына әбден тоқыған.  Сондық­тан да баланың бауыр­мал,  қайырымды азамат боп ержетуі, алдымен, ата-ана­ның тәрбиесіне, қоршаған ортаның үлгі-өнегесіне байланысты.Осындай шешілуге тиісті түйіні қиын істердің басы-қасында болып,жүретін- апаймыз!

Қазақ арасында «әке көрген оқ жа­нар, шеше көрген тон пішер», не «ағасы бардың жағасы бар, інісі бардың тыны­сы бар», т.с.с. мақалдар көп сақ­талған. Осындай ұлағат­ты сөздердің арқасында ұлды батырлыққа, ептілікке, дала тірші­лігіне баулыса, қызды – үй тіршілігіне үйреткен. Мәселен, «қыз – жат жұрт­тық» деп,  нағыз жұртына (жігіт үйі) барғанда төселіп, бір үйдің тұрмыс тір­шілігіне тез бейімделсін, отанасы болу­ға үйренсін деген тілекпен үй тұрмы­сына: кесте, киім тігуге, кілем тоқуға, тамақ пісіру, тазалыққа үйреткен. Ақыл­ды, елге сыйлы, отбасының бірлігі мен ағайынның тұтастығы үшін қызмет ететін ақылгөй ана­ларды дәріптеп, ер азаматтың басын қадір­леуді де  үйрет­кен.  Ал ер-азамат отбасы­ның тірегі дей отырып, ер балаларды түздің жұмы­сына, яғни, садақ, жамбы ату, атқа оты­ру, шаруашылықпен айналысу, үлкен­нің сөзін бөлмеу, қарсы келмеу, ақы­лын тыңдау, т.с.с. қалыпта тәрбиелеген. Отба­сында ер азамат  сыйлы болса, содан бала үлгі алады, сол отбасының баласы тәрбиелі, өнегелі болып қалып­тасады.

Сондықтан да ата-бабалары­мыздың өмір тәжірибесімен қалыптас­қан әдет-ғұрып, салт-дәстүрлерімізді ұлттық кодымыздың анықтаушы бір элементі ретінде қоғамдық, отбасылық іс-әреке­тімізде, тұрмыс-салтымызда ұстануды, ұлттық әдет ғұрып, салт дәс­түрлер арқылы – қазақ халқының өзіндік дәстүрлерін бойына сіңіре білетін, салт-дәстүрлерімізді ұғына білетін, оны ұрпақ­тан-ұрпаққа жалғастыруды дәріптеп, насихаттау жұмыстарын жүргізуден талмайтын жан!

Дәстүр – ұлтқа рух беріп, оның ішкі, сыртқы кел­бетін өрнектеп көрсетіп тұратын сипаттардың бірі. Дәстүр – адамдардың ғасырлар бойы қалыптас­тырған құнды­лығы, әлеуметтік-мәдени мұрасы екендігін және салт-дәс­түрлер арқылы ауылымызда осындай жұмысты шаршамай жүргізуде.Ұлттық коды­мызды сақтау үшін дәстүрдің озық үлгі­лерін насихаттап, ұлттық тәрбиеміздің ірге­тасы етіп жүрген адамның бірі – Бәйгібала апамыз!

Атап айтсақ, ауылдағы өмірге белсене қатысып, барлық көмекке мұқтаж жандарға əрқашан көмек беріп жүреді.

Осыған қарап өмірде жақсы адамдар аз деп айта алмаймын. Сондықтан осындай жанымызда жүрген жақсы адамдардың қадірін біліп, құрметтеп, сыйлап жүрейік. Əрбір адамның қасында жақсы жанның жүруін тілеймін.

Алматы облысы

Іле ауданы Жаңаталап ауылы

№ 25 орта мектеп директорының тәрбие ісі жөніндегі орынбасары Н.Жолдыбаева