Ақсу ауданы
Қарашілік орта мектебі
Есімбекова Назгул
Өзін- өзі тану сабақ жоспары
Тақырып: Жаныңда жүр жақсы адам
Құндылық: Дұрыс әрекет
Қасиеттер: Қамқорлық
Сабақтың мақсаты:
- Оқушылардың жақсылық, игілік, адамгершілік қасиеттер туралы түсініктерін дамыту.
Білімділігі:- Оқушылардың ізгілік, жақсылық туралы ұғымдарын кеңейту;
Дамытушылығы: - Оқушыларды жақсылықты бойына сіңіруге, жағымды қарым- қатынас жасай білуге үйрету;
Тәрбиелілігі: - Сүйіспеншілікке, ойлылыққа, сезімталдыққа тәрбиелеу.
Сабақ барысы:
- Ұйымдастыру кезеңі (сәлемдесу, түгендеу, 5 құрал- жабдық, оқулық дәптер, күнделік, қалам, бейджик)
Тыныштық сәті:
Су асты патшалығына ойша саяхат
Көзіңізді жұмыңыз және бірнеше рет терең тыныстаңыз:денеңізді босатыңыз. Бірнеше секундтан соң теңіз түбіне саяхат жасаймыз.
Теңіз жағасымен келе жатқаныңызды елестетіңіз. Толқындардың жеңіл шалпылына, шағалалардың шуылына құлақ түріңіз. Жалаң аяқтарыңызбен құмды сезініңіз. Шалғайдан қара нүкте көріп тұрсыз: ол жақындаған кезде дельфин екенін түсіндіңіз. Ол сізді теңіз түбіне алып кету үшін келді. Ол өте әдепті жәндік, сізді шыдамдылықпен күтіп тұр. Жайлап оның арқасына отырыңыз, мықтап ұстап, жолға шығыңыз. Дельфиннің арқасында жайланып отырып, өзіңді қауіпсіз сезіну, су астында жүзу қандай керемет. Жан- жағыңызға қараңыз: мұнда кемпірқосақ тәрізді арлы- берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қараңызшы, қандай орасан зор балықтар, ал енді анау жаққа көз тастаңыз. бұл орасан зор сегізаяқ. Су асты неткен қызықты әрі ғажап әлем. Сіз бір нәрсені байқадыңыз ба? Мұнда неткен тұңғиық, толық тыныштық. Осы тыныштық күйде болыңыз. (үнсізді к)
Ал кәзір жоғарыға, өз әлеміңізге кері қайтуға дайындалыңыз. Айналаға қараңыз. Ғажайып түстерге тағы бір рет қараңыз және тыныштыққа құлақ түріңіз. Осындай тыныштық сізге самалдай әсер береді.Енді дельфин екрі қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасыннан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз.
Сыныпқа оралыңыз және өз орныңызға келіңіз. Бірнеше секендтан соң көзіңізді ашыңыз, осы түйсінген тыныштықты өз бойыңызда сақтауға тырысыңыз.
- Үй тапсырмасын тексеру
- Мәтінмен жұмыс О. Бөкей повесінен үзіндімен танысу, талдау
- Автор әкесі жайлы қалай толғанады?
- Баланың әкеге деген махаббаты туралы не айтар едіңдер?
- Ұрпақ жалғастығы дегенді қалай түсінесіңдер?
- «Жаныңда жүр жақсы адам» деген сөздің мағынасы неде деп ойлайсыңдар?
- Туған жердің адам сезіміне қандай әсері бар?
- Дәйексөз.
Жақсы деген кісінің
Алды- арты бірдей жарық болар,
Жақсы деген ісіңнің
Бас- аяғы бірдей анық болар.
Бөлтірік би
- Шығармашылық жұмыс.
«Жаныңда жүр жақсы адам» деген тақырыпта шағын әңгіме жазу
- Үйге тапсырма.
М. Мақатаевтың өлеңін жаттау.
- Топпен ән айту
Әже туралы ән
Сөзі: Қ. Мырза- Әлидікі
Әні: Н. Тілендиевтікі
Соңғы тыныштық сәті немесе сабаққа белсенді қатысқан оқушыларды бағалау, марапаттау. Бір- біріне жақсы тілектер айту.
