Просмотр содержимого документа
«Жаныңда жүр жақсы адам»
Тақырыбы:Жаныңда жүр жақсы адам
Мақсаты:«Сыйластық» құндылығы туралы түсінік кеңейту, ризашылық пен алғыс туралы,үлкенге деген сыпайылық қарым-қатынасын дамыту, әдептілікке, кішіпейілділікке, ізеттілікке тәрбиелеу. Көрнекілік: Мақал-мәтелдер, нақыл сөздер: «Жақсы жұмыс –жанға тыныс», «Еңбек түбі – зейнет», «Еңбексіз өмір – сөнген өмір», Білім үздігі ,ардагер -ұстаз Р.Р.Туюшевтің өмірбаяны, суреттері, т.б.(слайд)
Барысы:
Мұғалім:«Жақсы сөз айту, жақсылық жасау - әрбі адамның міндеті.
Ризашылық – адамның басқа адамнан көрген жақсылығы, көмегі, көңілі үшін қанағаттанушылық және алғыс білдірушілік сезімі. Алғыс – адамның адамға жасаған жақсылықты оның ойы мен іс-әрекетіне, жасаған істеріне жоғары баға беруі» -дей келе ұстаз адам баласының жанашыры , өмірге бағыт бағдар беруші ,ұстаз білімнің нәрімен сусындатып, еңбекке үйретуші жан.Осы ғасырлық мектебіміздің жанашыры еңбекқор ұстаз ,бірнеше,құрметке лайык аңыз адам ол-Равиль Рафкатович.
Слайд
Білім үздігі,ардагер-ұстаз Туюшев Равиль Рафкатұлының қысқаша өмірбаянына үңіліп көрейік. 1948жылы мамырдың 11-і күні дүниеге келген. Әкесі: Туюшев Рафкат Ахмедович: Ұлы Отан соғысына қатысқан майдангер. Анасы:Кузминцева Антонина Александровна № 5 мектеп-лицейінде сол кездері бастауыш сынып мұғалімі болып жұмыс жасаған. Туюшев Равиль Рафкатұлы №5 мектепте(сол кезде №439 мектеп) оқып білім алып, Орал қаласындағы мемлекеттік Педагогикалық институтынан мұғалім мамандығын алып шықты. 1981 жылы №39 мектептің директоры қызметіне кірісті. Білім саласында, яғни мектеп директоры қызметінде 30жылдан артық, кіршіксіз еңбек етіп, «СССР-дің Білім үздігі», «1941-1945 жылдардағы Ұлы Отан соғысы жеңісінің елу жылдығы» мерекелік медалінің иегері, «Қазақстан Республикасы Тәуелсіздігіне 10 жыл» , «Қазақстан Республикасына 20 жыл», мерекелік медальдарының иегері. 2016 жылы «Жыл адамы» атағын алды.2013-2016 жылдар аралығында қала сыртындағы жазғы «Тұлпар» лагерін басқарды.20 жылдан астам уақытын мұз айдынында сырғанаумен айналысып, хоккей ойынының майталманы болды.Әлі де болса мектеп ардагерлерімен қосылып хоккей ойнаудан қалыс қалмайды. Срнымен қатар Равиль Рафкатұлын суретші,мүсінші деуге де болады. Киелі ордамызды жасыл желекке бөлеп, күнделікті көңіл күй сыйлап отырған ғажайып адамды жасыл бағбанымыздың иесі деп те айтсақ артықтық етпейді.
Ардагер ұстазымыз Равиль Рафкатұлы жетпістен асты. Осы ретте бойынан кейінгілерге үлгі болар сан түрлі мінез үйлесім тапқан тұлға туралы өз білгенімізді жеткізсек деген тілек қана. Ол туралы шағын мақалада да түгел айтып тауысу, әрине, мүмкін емес.
Санжар: Ұстаз деген – анасы ол адамның. Бүкіл әлем мойындайды еңбегін, Сен де одан адам болып жаралдың. Ұстазыңды түсінген сен тереңнен,
Жаннұр: Бар әлемге еңбегімен еленген. Сенің бағың өрге қарай өрлесе, Ол да бірге қуанышқа кенелген. Сол арқылы сен де өмірді жалғадың Жамила:
Күллі өмірін жеткіншекке арнаған
Мұғалімді ардақтайды барша жан
Ол мектептен шықпаса да қыс- жазы,
Жемісі оның жердің жүзін шарлаған
Бала десе ойламайды өз қамын
Керсем дейді күнге де кол созғанын
Шәкірттерін өзінен де озғанын.
Мадина:
Ұстаздар!
Қандай ғажап халықсыздар!
Шәкіртке шыңдай биік алыпсыздар.
Жан біткен жанарына нұр сыйлаған,
Күндей боп күлімдеген жарықсыздар.
Данияр:
Білдіріп шәкірттердің ақ ниетін,
Ұстаздың алып жүрген атын еркін
Біз сізге өлеңнен өріп ұсындық,
Жүректің алғысы мен рақметін
Енді оқушылар тақтадағы сөз тіркестерінің 3 тілде(қазақша,орыс тілінде,ағылшын тілінде)берілген ,олай болса 1 сөзді алып сол сөздің 3 тілде жазылғанын тауып оқиық.
Мұғалім:
Әр заманның ағымына қарай адам баласы өмір сүреді және сол кезеңнің құндылықтарын қабылдайды. Дегенмен де ұрпақтар арасындағы сабақтастық үзілсе тәрбие де маңыздылығын жоғалтуы мүмкін екенін ұмытпасақ болғаны...
«Жақсы жандар жанымызда әрқашан
Ұлағатты сөзін биік ұстаған» өлең шумақтарын арнасақ та, қанша мақтау сөз айтсақ та тауыса алмаспыз. Туған елге, бірге өскен ауылдастарына, еңбек жолында қызметіне деген ықыласы мен махаббаты арқылы бойына адамгершілік пен қатар қайтпас қажыр-қайратты жинаған ұлы тұлға ардагер-ұстазымыз Туюшев Равиль Рафкатұлына құттықтау жылы лебізімді
арнай отырып, тәрбие сағатымызды «Жаныңда жүр жақсы адам» деп аяқтауды жөн көрдім.
