«Омоним» Сынып: 5 «Б»

Күні

1-күн

1-сабақ

Сабақтың атауы

Омонимдер

Сілтеме

жоспар

Жалпы мақсат

Омоним туралы түсінік беру, омонимнің көп мағыналы сөздерден айырмашылығын ұғындыру.

Оқу нәтижелері

*омоним сөздерді бір-бірімен салыстыра отырып, анықтамасын оқушылардың өздері ойланып шығаруға бағыт беру.

*көп мағыналы сөздер мен омонимдердің айырмашылығы мен, ұқсастығын анықтау.

Сабақта туындаған негізгі идеялар

Омоним сөздердің күнделікті өмірде қолдануы

Тапсырмалар

1.әрекет.суреттер топтамасынан омонимдерді атап, мағынасын ашу.

4.әрекет .Қатесін ажырату.

5.әрекет.Шығарма не өлең шығару.

2.әрекет.Ереже бойынша топтастыру.

3.әрекет.Омоним мен көп мағыналы сөздерді салыстыру(Венн диаграммасы)

Сабақ бойынша мұғалімнің жазбалары

Жабдықтар: парақшалар,маркер, интерактивті тақта,оқулық,семантикалық карта, слайдтық суреттер

Сабақтың әдіс – тәсілі: түсіндру,сұрақ – жауап, суретпен жұмыс,

Сабақ барысы: І.Ұйымдастыру. - Қане, балалар, мені көріп тұрғандар бір шапалақ, естіп тұрғандар екі, көріп әрі естіп тұрғандар үш рет шапалақ ұрыңдаршы. Керемет! Бүгінгі сабаққа келгендерің сезіліп тұр.

Үй тапсырмасын пысықтау сұрақтары:

1.Көп мағыналы сөздер дегеніміз не?

2.Лексика саласы нені зерттейд?

3. Мысал келтіру.

Жаңа сабақ.

Мұғалім әрекеті.ББТ әдісі бойынша кесте толтыру.

Түсіндіру.

1.Интерактивті тақтадан сөйлемдер берілген және суреттер көрсету арқылы ( гүлге қонған араны және ағаш кесетін құрал араны) екі суретті салыстырып ерекшелігін айтқызу, ереже шығарту.

мағыналары әр түрлі

Омонимдер айтылуы бірдей

жазылуы бірдей бір немесе бірнеше сөз табы

2. Тапсырма.Сөйлемдер берілген, осы сөйлемдерден омоним сөздерді тауып, мағынасын ашу.

3.Оқулықпен жұмыс.нақыл сөздер берілген, мағыналарын ашу.

4.Сергіту сәті: «Тәуелсіздік төрінде»

Аспанға қарап ай көрдік,

Төмен қарап жер көрдік.

Оңға, солға бұрылып,

Егеменді ел көрдік.

3.Топтық жұмыс.Ойлан, тап.Адамның суретін беру бойынша омоним, көп мағыналы сөздерді жазып, ажыратып айту. Яғни, адамның кейбір дене мүшелерінің атауы көп мағыналы сөзді, ал кейбірі омонимдік мағынаны білдіреді.

Тапсырма. «Көзқарасың..» Венн диаграммасы.Омоним сөздер мен көп мағыналы сөздерді салыстыру.

Грамматикалық ойын.

Жапырақ кетті, жаз кетті.(не?)

Жазуды қатесіз жаз.

Жауырыныңды жаз.

Ол сүйекті балтамен қақ жарды.(қалайша?)

Тапсырма: «Жалғасын тап» мақал- мәтелдер айту. Әр топ кезек-кезек тақырыпқа сай мақал айтып, жалғасын табады.

Тапсырма: «Менің анам», «Сабақ үстінде» шығарма не өлең шығару.

Бағалау: деңгейлік тапсырмалар арқылы топ басшысы өз тобындағы оқушыларды бағалады. Әр топ бірін-бірі бағалады.

Бағалау парағы

Үйге тапсырма: көркем әдебиеттен омоним сөздерге 5 мысал теріп, мағынасын ашып жазып келу.

Рефлексия : Бүгінгі сабақтан алған әсерлеріңді төмендегі кесте арқылы көрсетіңдер:

Көк түс- сабақтан жаңа идеялар байқадым.

Қызыл түс – жаңа сабаққа көңілім толды.

Жасыл түс – бүгінгі сабақ сезіміме әсер етті.

Күні

4-күн

4-сабақ

Сабақтың атауы

Ертегілер елінде...

Сілтеме

Оқулық, әдістемелік құрал

Жалпы мақсат

Ертегілерді қайталау барысында толық кешенді талдауға, кейіпкер бейнесін толық аша білуіне, сыни тұрғыдан ойлауына бағыттау.

Оқу нәтижелері

Ертегілер бейнесіне кешенді талдау жасауға үйрету. Сыни тұрғыдан ойындағысын еркін, нақты жеткізе білуіне дағдыландыру.

Сабақта туындаған негізгі идеялар

* Ертегілердің мазмұнын білуі.

* Ертегіге толық сатылай кешенді талдау жасай алуы.

* Кейіпкерлер бейнесін толық аша білуі.

Тапсырмалар

1.Мағынаны тану.

3.Ой-толғаныс.

Ертегілер еліне саяхат.

2. ауызша жұмыс.

4.Сәйкесін тап.

5.Дидактикалық бірліктерді ірілендіру.

Сабақ бойынша мұғалімнің жазбалары

Сабақтың әдісі: сұрақ-жауап,болжау,талдау,топтастыру, мағынаны тану, дамыту.

Сабақтың көрнекілігі: интерактивті тақта, қима қағаздар, ертегінің аттары жазылған плакат, слайдтық суреттер

Сабақтың барысы: І. Ұйымдастыру .

1. Ауа –райын болжау арқылы көңіл-күйлерін анықтау.

2. Үй тапсырмасын тексеру арқылы саяхатқа рұқсат қағазын алу.

2. Мағынаны тану.

Ертегілер елінде...

Топтық жұмыс( сұрақ-жауап)

1. Хайуанаттар елі

2. Қиял-ғажайып елі

3. Шыншылдық елі

1. Қасқыр,түлкі,сиыр,ит,қоян ерт егінің қай түріне тән кейіпкерлер?

2. Үзінді қай ертегіден? «...Бала жүріп келеді. Кербестіні басы ауған жағына қарай еркіне қоя береді. Осымен бірнеше күн жүреді...»

3. Ертегідегі сырттандарды атаңыз.

4. Таусоғар,Желаяқ,Саққұлақ,Самұрық құс қай ертегінің кейіпкерлері?

5. «Ер Төстік» ертегінің қай түріне жатады?

6. Бұл ертегідегі басты кейіпкер?

7. «Ертеде Мадан деген хан болыпты.Оның ақылы,тапқырлығы өзінің заманындағы көп хандардан артық екен...» деп басталатын ертегі

8. Ертегінің қай түрі?

9. «Аяз би» қалай аяқталады?

3.Болжау

1. Қиял-ғажайып ертегілер мен шыншыл ертегілердің айырмашылығы және ұқсастығы қандай? Венн диаграммасы бойынша

2. Ертегі қалай тараған? Неге?

3. Ертегіде не бейнеленеді?

Сергіту сәті.

Тапсырма. «Ой саласы» Әр топ кез келген топқа сұрақ дайындау, сұрақтар саны 3 сұрақтан кем болмауы тиіс.

Тапсырма.әр топқа парақшалар тарату, үзінділер жазылған. Қай ертегіден алынған үзінді екенін анықтау.

1.Бір мезгілде тау қаңбақтай ұшып, тас бұршақтай жауады. Шалқұйрықтың құйрығына қазандай қара тас орала кетеді. Шалқұйрықтың шапқан салмағына шыдамай қара жер қақ иайырылады. ( «Ер Төстік» ериегісі)

2. Мен жаман- жақсы болсам да, үйіңізге келген қонақ едім. Хандардың ішер асы – жал мен жая аузыңызға түспей, нан, көже түсіп, аспазшыға жібердіңіз. Салттыңызға тарттыңыз. Сіздің аталы хан екеніңізді содан байқадым. («Аяз би» ертегісі)

Тапсырма. Сәйкесін тап.

Тапсырма . «Ер Төстік», «Керқұла атты Кендебай», «Сырттандар», «Аяз би» ертегілеріндегі кейіпкерлерді орналастыру. Әр топқа кейіпкерлер жазылған қима қағаздар беру.

Топтық жұмыс. «Елес жетелеу» стратегиясы «Ертегілер еліне саяхат» ( 2 минут көздерін жұмып ертегі елестету және әңгімелеп айту)

Бағалау: деңгейлік тапсырмалар парағы, яғни бағалау парағы арқылы топ басшысы өз тобындағы оқушыларды жекелей бағалайды және топтар бірін – бірі бағалайды.

Бағалау парағы

Үйге тапсырма: Баяғы өткен заманда...ертегі жазып келу.

Рефлексия. Менің бүгінгі сабақтан алған әсерім...