Ғажайып пішіндер

«Ақыл – ойы дамуында кемістігі бар балаларға арналған арнайы мектеп - интернаты»

коммуналдық мемлекеттік мекемесі.

Тәрбиеші: Жарылқапова Жазира Усеновна

Тақырыбы: «Ғажайып пішіндер»

Мақсаты: Балалардың пішіндер туралы білімін кеңейту. Пішіндерді тұрмыстық заттар мен қоршаған орта заттарына ұқсастыра білгізу. Қабылдау қасиетін арттыру, кеңістік пен түстерді қабылдауға үйрете отырып, ұсақ саусақ маторикасын дамыту. Пән аралық байланыс жасау.

Көрнекіліктер:Пішіндер суреттері,үлестірмелі суреттер, жіп иірімі,сым темір. Пән аралық байланыс: қазақ тілі, зат есімдер, математика (пішіндер,көлемі, ұзындығы,түстері. )

Өтілу барысы. Ι.Ұйымдастыру кезеңі:

Психологиялық даярлық: «Достық өрмек»

Тоқыма жіптің иірімі әр бала созған сайын тілек бен лебізін айтады.

Ұранымыз: « Бәріміз, біріміз үшін, біріміз бәріміз үшін.»

ΙΙ. Негізгі бөлімі.

«Пішіндер патшалығы» ертегісі.

Бұрынғы өткен заманда пішіндер бір патшалықта тату тәтті өмір сүріпті. Олар кез келген істі біріге атқарған екен. Онда үшбұрыш , шаршы, тік төрт бұрыш, шеңбер, сопақша сияқты пішіндер болыпты. Олар бірігіп кез келген қолға алған іс аяқсыз қалмайды екен. Олардың татулығына өзге де патшалық қызғана қызыға қараған екен. Сол патшалықтан бүгін бізге нөкері келіп сендерге айтар бір өтініші бар екен . Ол өз патшалығында пішіндер арасында ауыз бірлігін жойылып, пішіндер бір бірімен араздасып қалғанын айтып , көмек сұрап келіпті. Ол өз патшалығында пішіндер арасында ауыз біршілік жойылып, пішіндер бір бірімен араздасып қалғанын айтып, көмек сұрап келеді. Ол пішіндердің бізге ұсынып отырған тапсырмасын мұқият орындағанда кері қайтатындығын айтады және араздастықтың шешімін тауып беруді өтінеді.

1.Тақырыпты ашу.

Тәрбие сағатымыздың тақырыбы: «Ғажайып пішіндер» деп аталады.

2.Шаршының тапсырмасы.

Пішіндерге ұқсас заттарды дұрыс орналастыру. Оларды атап өтіңдер.

3. Үш бұрыштың тапсырмасы. Сұрақ жауап арқылы.

1) Шаршыда неше бұрыш бар? ( Төрт бұрышы бар)

2) Үш бұрышта неше бұрыш бар? (Үш бұрыш бар)

3) Шеңберде бұрыш бола ма? (Жоқ)

4) Машинаның дөңгелегі үшбұрышты ма? (Жоқ. Дөңгелек.)

5) Жұлдызшада неше бұрыш бар ? (Бес бұрышы бар.)

4. Сопақшаның тапсырмасы.

1) Қолғаптың өрнегін сал.

Өрнектерді қолғапқа сәйкесінше орналастыру. Құралған өрнектерді сипаттау.

2) ΙΙ деңгейдегі балаларға моншақ тізбегін аяқтау.

Моншақтардың пішіндік ерекшелігін бұзбай , ретін сақтай отырып тізу.

3) Қыстырғыштармен жұмыс.

Суреттерді қыстырғыштарды пайдалана отырып бейнелі суреттерді аяқтау.

4) Сыммен жұмыс.

Сызғышты пайдалана отырып қабырғалары жиырма сантиметрден тұратын пішіндер құрастыру.

5. «Сиқырлы орындық » танымдылық ойын.

Ортаға шеңбер бойынша орналасқан орындықтар қойылады , әрбір орындықта пішіндер суреті бар парақшалар қойылады. Музыка ырғағына балалар орындықты айнала билейді. Музыка тоқтағанда, қалаған орындыққа отырып , ондағы пішіндерді таныстырады және пішінге сәйкес ұқсас зат есімнен тұратын сөйлем құрайды. Отырған жерінің кеңістігін анықтайды. Артымда , алдымда , оң жағымда, сол жағымда. Ойын осылайша жалғасын табады.

ІІІ. Қорытынды:

Пішіндер патшалығының нөкеріне тапсырмалары орындалған пішіндерді жинап беріп , соңғы сиқырлы орындықтан табылған хатты оқу. Араздықтың шешімі ауызбіршілік , татулық, сыйластықта екендігін түсіндіру. Осы сөздерді ұран етіп ұстағанда патшалықта татулық , береке болатынын айту. Нөкерді өз патшалығына шығарып салу.

Бағалау, мадақтау жиналған пішіндерді санау.