Ұйымдастырылған оқу қызметі Математика негіздері - "Ғажайып пішіндер"

Нұр-Сұлтан қаласы №66 «Толағай»                                                                                           балабақшасының бірінші санатты тәрбиешісі                                                                                      Джаксылыкова АйгульКенескановна

Білім беру саласы: «Таным»

Ұйымдастырылған оқу қызметі: «Математика  негіздері»                                      Тақырыбы: «Ғажайып пішіндер»

Мақсаты: Геометриялық пішіндер туралы біледі, оларды атай алады және ажырата

алады. Көру арқылы пішіндерді зерттей алады.

Әдіс-тәсілдері: түсіндіру,көрсету,сұрақ-жауап,жұмбақ жасыру.

Көрнекілігі: пішіндер бейнеленген суреттер ,пішіндер туралы демонстрациялық материалдар.

Ұйымдастыру кезеңі:

Тәрбиеші: Сәлеметсіңдерме, балалар! Сендермен қайта қауышқаныма қуаныштымын. Көңіл-күйлерің қалай?

Шаттық шеңбері:

-Кәне, балалар, шаттық шеңберге тұрамыз. Барлығымыз бірге амандасайық.

Қуанамын менде,

Қуанасын сенде

Қуанайық достарым,

Арайлап атқан күнге!

Балалар амандасады.

Тәрбиеші: -Тақырыпты ашу үшін бейне роликті қарап аламыз. Балалар бүгін біз геометриялық пішіндермен танысамыз.Пішіндердің сан алуан түрі бар. Жан жағымыздың бәрі толған пішіндер. Солардың ең бастыларымен танысамыз. Шеңбер, үшбұрыш, төртбұрыш. Шеңбер ең көп тараған пішіндердің бірі. Шеңберге ұқсас заттарды атайықшы.

Балалар: Күн, сағат, алма,  жер шары, доп, тәрелке.

Тәрбиеші: -Келесі пішін үшбұрыш. Бұл пішіннің ерекшелігі үш бұрышының болуында. Оған ұқсас заттарды атайық.

Балалар:  Ірімшік, шырша, жол белгісі, балалайка, пицца, шатыр.

Тәрбиеші: - Ал енді мынау төртбұрыш. Өте маңызды пішін. Мына пішіннің маңыздылығы төртбұрышының болуында. Бұл пішінге ұқсас заттарды атап беріңдерші!

Балалар: Теледидар, айна, ұялы телефон, есік, терезе, стол.

Тәрбиеші: -

 «Пішіндерді тап» ойынын ойнайық. Төртбұрыш, үшбұрыш, дөңгелекті суретке қарап табу.

Пішіндер туралы жұмбақтар шешіп көрейік.

Атына сай балалар,

Үш бұрышы, үш жағы бар.

Ол пішінді кім табар?

– Дұрыс айтасыңдар, балалар, бұл үшбұрыш.

Кәне, санаймыз: бір, екі, үш. Ұшбұрыш домалай алмайды, өйткені бұрыштары оған бөгет жасайды.

-Енді, балалар келесі жұмбақты жасырайын.

– Төрт бұрышы бар, төрт қабырғасы бар. Бұл қай пішін?

– Ия, дұрыс.

Батыр тобы балалары пішіндер әлеміне ой жүргізуде.

– Тағы бір жұмбақты жасырайын. Допқа өзі ұқсайтын, Ерекше бір пішін бар.

Атын оның атаңдар

– Өте жақсы, жарайсыңдар!

• Балалар, міне шеңбер. Шеңбер домалайды. Өйткені оның бұрыштары болмайды.

• Бәрекелді, балалар, тапсырманы өте жақсы орындауға талпындыңдар деп ойлаймын.

-Балалар бойымызды сергітіп алайық.

Сергіту сәті

Бармақ болып жұмысқа, Қырға шықты құмырсқа, Тоңып кетіп аяғы, Қырға қайтып шығады. Ой– ой– ой, Әне, аю келеді. Құмырсқаны көреді. Енді қайтып құтылар, Илеуіне тығылар.

-Балалар, бізде тағы бір тапсырма бар екен. Біз қазір ойын ойнаймыз.

Дидактикалық ойын: «Кім жылдам». Үш сандықша беріледі. Әр сандықшада өзіне берілген пішіні бар.Осы пішіндерге сәйкес заттарды табуың қажет. Сенің жылдам әрі тез ойланатыныңа сенемін. Бірінші пішін шеңбер. Шеңберге қай заттар ұқсайды. Алма, доп. Екінші пішін шаршы. Шаршыға ұқсас заттар: теледидар, сөмке, печенье,т.б.Үшінші пішін үшбұрыш.Үшбұрышқа ұқсайтын заттар: пирамида, шырша, зырылдауық т.б Балалар ән айттық, пішіндер туралы жұмбақтар жасырдық. Ал енді қызықты тапсырма орындайық.Мына жерде қанша үшбұрыш, қанша шеңбер, қанша шаршы бар екенін сана.Балалар мен сендерді тапсырманы дұрыс орындады деп сенемін.

Қорытынды:

-Балалар бүгін біз қандай пішіндермен таныстық?

-Шеңберде бұрыш бола ма?

• Үшбұрыштың неше бұрышы бар? -Төртбұрышта неше бұрыш болады?

Балалар сендер бүгінгі оқу қызметіне өте белсенді қатыстыңыздар. Рахмет сендерге!