Коучинг "Критериалды бағалау"

Күні: 13.10.16

Коучинг жоспары

Өткізген: Жаксыбергенова Б.К.

Тақырыбы:

Критериалды бағалау-сапалы білім негізі

Мақсаты:

• Мұғалімдер критериалды бағалау туралы түсінік алып, «рубрикатор», «критерийлер» мен «дескрипторлар» түсініктерімен танысады. Критериалды бағалау арқылы оқытудың тиімділігін және оқу сапасын арттыруға болатынын түсінеді.

Оқыту нәтижесі:

• Мұғалімдер критериалды бағалау туралы түсінік алады және рубрикатор, дескриптор мен критерий құруды үйренеді.

Түйінді идея:

«Бағалау» - (латын сөзінен шыққан «жақын отыру» дегенді білдіреді) мұғалімдер балалардың оқуға деген ынтасы мен қызығушылығын оята алатын пәрменді тетік. Критериалды бағалау – білім берудің мақсаты мен мазмұнына негізделген оқушының оқу-танымдық құзырлылығын қалыптастыруда алдын-ала белгіленген жетістіктермен салыстыру үрдісі. Баға – символ, оқу жетістігін не санмен таңбалау, не сөзбен жеткізу.

Сілтеме:

Мұғалімдерге арналған нұсқаулық, www.cpm.kz

Қолданатын модульдер:

Оқыту мен оқудағы жаңа тәсілдер; сыни тұрғыдан ойлауға үйрету; оқыту үшін бағалау және оқуды бағалау; оқытуда ақпараттық-коммуникациялық технологияларды пайдалану; оқытуды басқару және көшбасшылық; топтық жұмыс; диалогтық оқыту.

Әдіс-тәсілдер:

«Фигуралар» арқылы топтасу, «Эйфель мұнарасы» стратегиясы арқылы психологиялық ахуал туғызу, топтық жұмыс арқылы кластермен жұмыс, «блоб» ағашы әдісімен бағалау.

Дереккөздер:

Флипчарт, постер, презентация, интербелсенді тақта, стикерлер, карточкалар, бейнежазбалар, маркерлер

Коучтың іс-әрекеті

Мұғалімдердің іс-әрекеті

Психологиялық ахуал тудыру, топтастыру- 5 мин«Эйфель мұнарасы» стратегиясы арқылы ұстаздардың көңіл-күйлерін көтеру, психологиялық жағдай жасау, топтастыру.

Коуч шапалақ соғады, сонда мұғалімдер:

• 1 - амандасады,

• 2 – құшақтасу,

• 3 – арқа түйістіру

• 4– бір-бірлеріне жақсы сөз, тілек айтады. Мұғалімдерге геометриялық фигуралар таратылады.

Топтар фигуралар арқылы топтасып отырады.

Ұстаздар шапалақ бойынша келесі әрекеттер жасайды:

• 1-амандасады,

• 2 – құшақтасу,

• 3 – арқа түйістіру

• 4– бір-бірлерінежақсы сөз, тілек айтады Мұғалімдер амандасады, топтарға бөлінеді.

• Ой шақыру-3 мин

• Коучинг басында мұғалімдерге Ф.П. Решетниковтың «Тағы да екілік» суреті ұсынылады. Бұл суретті көріп болған соң, топтарға сурет бойынша сұрақтар қойылады/слайд/.

• Талқылау(2 мин).

• Топтар бір бірлерімен талқылайды, одан кейін әр топтан 2-3 пікір тыңдалады. Осы пікірлерден тақырыпқа шығу.

«Тағы да екілік» атты суретті тамашалау, оны бағалау, пікіралмасу, тақырыпқа шығу.

Негізгі бөлім.Мұғалімнің кіріспе сөзі: Бүгінгі коучинг-сабақта біз сіздермен қазіргі заманда білім саласындағы нағыз саясатқа айналған проблеманың бірі – бағалау мәселесіне тоқталамыз. Өйткені оқушының білімін бағалау – оның оқуға деген ынтасының мүлдем жоғалуына немесе қызығушылығының оянуына бірден-бір себеп. Мұғалімнің басты міндеті – оқушының өзіне деген, өз күшіне деген сенімінің жоғалуына жол бермеу.

.

Шығармашылық тапсырма-15 мин.Топ мүшелеріне А4 қағазына көбелектің суретін салуды ұсынамын. Салынған суреттер бойынша қатысушылар жұппен бірін-бірі бағалайды. Неге дәл осы бағаны қойғанын түсіндіреді. Содан кейін мен өзім төмендеу баға қойып шығамын, (Мұғалімдердің арасында өзіне қойылған бағамен келіспеушілік тууы мүмкін – менің көздеген мақсатым да осы: баға мәселесіне байланысты мұғалімдер арасында қақтығыс тудыру). Айтыңыздаршы, мен осы жерде қандай қателік жібердім? (Бағалау критерийін ұсынбадым, сондықтан бағаға келіспеушілік туындады). Енді қатысушыларға көбелек суретіне байланысты бағалау критерийін ұсынамын. Өз суреттеріңізді мына критерийлер бойынша тағы да бағалап көріңіздер:

1. Көбелектің фигуралы 4 қанаты бар -1 ұпай

2. Көбелектің денесі, іші бар -1 ұпай

3. Көбелектің көздері, мұртшалары бар -1 ұпай

4. Көбелектің 6 аяғы бар -1 ұпай

5. Көбелектің тұмсығы бар -1 ұпай

Енді критерийлерді бергенге дейінгі және бергеннен кейінгі бағалауды салыстырыңыздар. Айырмашылық бар ма? (Біреулер көбелектің көздерін немесе мұртшаларын салуды ұмытуы мүмкін). Критерий бойынша қойылған бағамен келісесіз бе? Суретті салу барысындағы өз қателіктеріңізді көрдіңіз бе? Жоғарыдағыдай баға мәселесіне байланысты түсініспеушілік туды ма? Неліктен деп олайсыз?

Бұл бір суретке пайдаланылған екі түрлі бағалаудан қандай қорытынды шығардыңыз? Нені түсіндіңіз? Егер мен мұғалім ретінде тапсырманы орындатпас бұрын сіздерге бағалау критерийін ұсынсам, жоғарыдағыдай қақтығыс туар ма еді? Осыны ҰМЫТПАҢЫЗ! Оқушыларға тапсырманы берердің алдында олараға бағалау критерийін ұсыныңыз, сонда оқушы алдын-ала өзінің не үшін бағаланатынын біледі де, тапсырманы дұрыс орындайды. Оқушыларға бірін-бірі бағалауға, өздерін өздері бағалауға мүмкіндік беріңіз. Сонда сіздің жоғарыдағы суреттегідей мектептен күнде екілік алып келетін оқушыларыңыз жойылады.

Мұғалімдер көбелек суретін салып, бір-бірін бағалайды. Бағаларына түсініктеме береді.

Өз суреттерін критерий бойынша бағалап , алдыңғы бағамен салыстырады. Қателерін көреді.

Бағалаудың екі түрін салыстырады, өздеріне қорытынды шығарады.

Топтық жұмыс. Кластер жасау, қорғау – 10 мин.

Әр топқа тапсырма беріледі:

1. топ: Критериалды бағалауды пайдалану оқушыларға не береді?

2. топ: Критериалды бағалаудан мұғалім не ұтады?

3. топ: Критериалды бағалаудың ата-аналарға пайдасы бар ма?

Кластерды қорғау жұмыстары аяқталған соң, қорытынды жасалынады.Олардың жауаптары төмендегідей болуы мүмкін немесе өзім толықтырамын /слайд /. Қосымша 1.

Постер, маркерлерді пайдаланып, өз жобаларын жасайды.

Топтар өз кластерлерін қорғайды. Топтар бірін бірі толықтырады, ой бөліседі.

Қорытынды-5 мин. Жалпы осы тақырып бойынша презентация көрсетіліп, «Критерийлер» құрудың мысалы көрсетіледі.

Мұғалімдер критерий құрудың мысалымен танысады.

Рефлексия-3 мин. «Блоб» ағашы

Әр мұғалімге ағаш суреттері үлестіріледі, олар бүгінгі сабақтан алған өз білімдерін бағалайды.

Критериалды бағалауды пайдаланудың тиімділігі мен берері

Оқушы

Мұғалім

Ата-ана

• Өзінің тақырыпты меңгеру дәрежесін анықтайды

• Өз жұмысына сараптама жасауға үйренеді

• Өзінің білім деңгейін алдын-ала болжайды

• Өзінің және сыныптастарының білім деңгейіне сын көзімен қарауға үйренеді, сын тұрғысынан ойлау қабілеті дамиды

• Критерийдің көмегімен өз білімін бағалауға мүмкіндік алады

• Оқушының білім деңгейін анықтайды, дамуын қадағалайды

• Әр оқушының мүмкіндік деңгейін біліп отырады

• Оқушыға оқудың қай тұсы қиындық туғызатынын анықтайды

• Оқушының кемшіліктеріне назар аударта отырып, оның дамуына бағыт береді

• Мұғалім, оқушы және ата-ана арасында кері байланыс орнайды

• Баласының білім деңгейі жайлы объективті дәлелдеме алады

• Баласының оқудағы жетістіктерін, оның дамуын қадағалайды, біліп отырады

• Критерий көмегімен баласына оқуда қолдау көрсете алады

• Баласының не үшін баға алғанын біліп отырады

• Ата-ана мен мектеп арасында кері байланыс орнайды

Баға үшін дау-жанжал туындамайды, баға критерий бойынша әділ қойылады