Мақала Ұстаздар күніне

Тақырып: Ұстаз аты – биік әрі мәңгілік

Жүргізушілер:

Барысы:

(музыкамен сахнаға шырақ ұстаған оқушылар шығады)

Пролог

Қуаныш:

Мектеп –үлкен бағдаршам

Ұстаз шырақ ұстаушы

Дария:

Екеуі де аңғарсақ,

Бағыт жолын нұсқаушы

Қуаныш:

Ұстаз, ұстаз

Осы сөзде жатыр қанша ұлылық,
Осы сөзде таусылмайтын жылылық,

Дария:
Әл - Фараби, Ыбырай мен Ахаңды,
Осы сөз ғой қойған бізді ұлы ғып,

Қуаныш:

Ұстаз небір қисықтарды жөндейтін,
Тентектерді ақылменен емдейтін.

Дария:
Болса дағы малға кедей өмірде,
Бар байлығым шәкірттерім сен дейтін.

Қуаныш:

Ұстаз - ұлағатты есім. Күн сәулесі өмірге қандай жарық берсе, ұстаз есімі де шәкірттерге күндей жарық береді. Ұстаз білім жолында шәкірттеріне бағыт –бағдар көрсетіп, қараңғыдан алып шығатын шырақ. Ендеше ұстаздардай шырағымыз әрқашан да жарық болсын!

(сахнада жарық жағылып, бірден ән қойылады)

ӘН: «Ұстазым». Орындайтын Жолмұхан Нұрәділ

Фанфар

(жүргізушілер шығады)

Қуаныш:

Қайырлы күн, құрметті де аяулы ұстаздар! Міне, жадырап жаз өтіп, алтын күз де келіп жетті. Табиғаттың осы бір жыл мезгілін әркім –ақ сыңғырлаған жез қоңырау үнімен, мектептегі мұғалімдер мен оқушылардың қарбалас, сағыныса табысқан қуанышты сәттерімен елестетеді.

Дария:

Иә, Дархан мен сенімен келісемін. Сонымен қоса жаңа оқу жылымен қатарлас келетін ұстаздарымыздың да кәсіби мерекесі күздің үлесіне тиіпті. Қазан айының алғашқы аптасында республика көлемінде тойланатын ерекше мереке – Ұстаздар мерекесі

Бірге: Құтты болсын!!!

Қуаныш:

Алғашқы құттықтау сөз гимназия директоры Садыкова Гүлнар Дінғуатқызына беріледі.

(Директор сөйлейді, гүл беріледі)

ӘН: Ұстазым. Орындайтындар 5- сынып оқушылары

Қуаныш:

Құрметті ұстаздар! Шәкірттеріңізді білім нәрімен сусындатып, тәлім –тәрбие беріп, жақсы қасиеттерді бойымызға дарытып, адагершілік рухта бағыт –бағдар беруде сіздердің еңбектеріңіз зор. Болашақтың басшысын да, данасын да, ғалымын да, еңбекқор егіншісін де, кеншісін де аяулы ұстаздар сіздер өсіріп отырсыздар. Сіздерге еңбекте шығармашылық табыс, отбасыларыңызға аманшылық тілей отырып «Ұстаз аты –биік әрі мәңгілік» тақырыбындағы мектеп өнерпаздарының бірлескен шағын мерекелік шашуын тарту етеміз.

Дария:

Аяулы ұстаздар! Сіздердің бала көңілдеріңіз әр оқушының жан дүниесін нұрландырып, жүрегіне шапағат нұрын төгуде. Мұғалімнен өнеге - білім алып, өмір теңізіне құлаш ұрған, кез келген шәкірт ұстазымен мақтанады.

Қуаныш:

«Мектептің жүрегі», «Бала жанының бағбаны», «Бала жанашыры». Иә, бұл мектеп мұғалімі - ұстазға арналған теңеулер, бұл тізбектің шегі барма екен десеңізші.

Дария:

Олай болса, ұстаздан тәлім алып орта буын, жас буын шәкірттерімізді, ұстаздарға деген ыстық ықыластарымен ортаға шақырамыз.

(музыка қосылады, Айзере одан кейін Мади, Айым шығады)

Зауытта болсаң күнбе-күн,
Көрінер еді табысың.
Дәрігер болсаң түрлі емің,
Шипалы жанның бағы шын

Ал сенің еңбек жемісің,
Өзгеше тіпті басқадан.
Ол өзің арнап ел үшін,
Осынау жүрген жақсы адам.

Жақсы адам елдің тірегі.
Байлығы туған халықтың,
Шапағын шашар үнемі,
Көгіңде тұрған жарық күн.

Сен жастық қамын шертерсің,
Тағдырын толғап ойланып,
Әр үйдің бір еркесін
Үйреттің өзің қолға алып,

Ұстазсыз жолда сөнбек күн,
Шәкіртсіз өмір сусыз жер,
Көрінбес ғажап еңбектің,
Бейнетін кешіп жүрсіздер
Жүректе тұрар жанымнан табыл, жігер күт,
Ұстазым сенің, әр күнің әр сәтің, тұрған бір ерлік

Абзал:

Ұстаздардың шаршамайтын еңбегіне таң қалам

Ұлылықпен, даналықпен өмір заңын талдаған

Талай ғасыр құпиясын ашып келген ғаламның

Сол арқылы сүйемін мен қасиетін даламның

Тіршіліктің тылсымын ашу үшін жаралған,

Ұстаз қымбат, ұстаз биік қадірлейтін бар адам

Ұстаз берген өнегемен өлшенеді дүние

Ұстаз берген өнегемен қаланады бар арман

Әл-Фараби , Абайлар да осы ұстаздан нәр алған

Ұстаз қымбат бұл өмірде, ол-ерекше жаралған

Абыройы асар биік, төбесіне күн тиген,

Өлеңменен кім бар екен ұстаз орнын таба алған

Сол ұстаздың мерекесі елім бүгін тойлайтын

Жақсы тілек, адал ниет ұстазға әркез ойлайтын

Мен де қосам сол тілекке биіктерден асатын

Бақытты боп жанұясы, ұстаз мәңгі жасасын

ӘН: «Домбыра». Орындайтын 1 «А» сынып оқушысы Абишева Айғаным

Қуаныш:

Білімнің кәусар бұлағын,
Жүресің құйып санама
Біз үшін сенсің, мұғалім,
Ұстаз да, ғалым, дана да.

Дария:

Мектеп үйім, ұстаздарым ата – анам,
Сенен өсіп, сенен ғана нәр алам.
Саяң ыстық, сен мәуелі бәйтерек,
Тамырлары сан тарапқа тараған.

(Ұтыс ойынының әуені ойналады )

Мөлдір:

Құрметті, ұстаздар қазір сіздермен «Миллион кімге бұйырады» ұтыс ойынын ойнатамыз. Жаңа мерекелік кешке кірер алдында сіздерге ұтыс билеті таратылған болатын. Бүгінгі мерекеде пәтер, автокөлік, және де қымбат тұрмыстық заттар 1000000 тг құрайтын сыйақы ойнатылады. Кімнің бағы жанып, мереке күні үлкен сыйлыққа ие болатындығын барлықтарыңыз куәгер боласыздар.

Ұтыс ойыны әділ өту үшін ортаға араларыңыздан бір ұстазды шақырамыз.Менің қолымдағы қоржыннан билет сандары жазылған таңбашаны алатын боласыз.

1. Астана қаласынан бір бөлмелі пәтер.- сыйлыққа киіз үй.

2. Samsung заманауи шаңсорғышы.- сыпыртқы

3. Кір жуатын машина- сыйлыққа тазик

4. Самаурын- ойыншық шәйнек

5. Киім ілетін шкаф- киім ілгіш

6. Телевизор- ойыншық телевизор

7. Ұялы телефон- ойыншық ұялы телефон

8. Автокөлік- ойыншық машина

9. Кілем- ойыншық кілемше

10. Ұшақ- ойыншық ұшақ

11. 1000000 тг джекепот- қағаз сертификат.

Осымен мерекелік кешке арналған «Миллион кімге бұйырады» ұтыс ойыны өз мәресіне жетті.Ұтыс билеттерін алып мол олжаға кенеліп Бай болыңыздар!Мектебіміз қарыштап дамып, бай қуатты болайық.!!!

БИ: флешмоб

Дархан:

Мейлі жас, мейлі кәрі бол

Дана деп сені, пана деп сені ұғамын

Көктемсің нұры, нәрі мол,

Диқансың және

Кеншісің және мұғалім

Динара:

Өзіңсің өрен, зергер де

Алмастың қырын

Болаттың жүзін жандырған

Дархан:

Қарыздар саған космос,

Қарыздар жер де жаңғырған

Бәрі: Мың рахмет ұстаз –мұғалім,

Дархан:

Ардақтап адам, көтерсін сені жыр таққа

Ұлы елдің баулап ұланын,

Жасарып жылда

Бірге: Жасай бер, әрбір ұрпақта!

ӘН: Бір үйдің баласындай

(соңғы қайырмасында барлық оқушылар шығады.)