Көкөністерден жасалған тағамдар

Мектеп: Көктөбе жалпы орта білім беретін мектеп ММ                             Мұғалім:   Бектурова Сауле Рымбековна технология пәні мұғалімі.                                                                                                                                                                                                                                 Тақырыбы : Көкөністерден жасалған тағамдар                                         Мақсаты :  а/білімділік: Оқушының білімі мен дүниетанымын кеңейтуге және шеберлік пен іскерлікке үйрете отырып, көкөністерді  тағамның әр түрінде қолдана білу жолдарына түсінік беру.                                                                                        ә/дамытушылық : Тағам әзірлеуде өз шығармашылығымен орындауға ас- паздық қасиеттерін және логикалық ойлау, есте сақтау дағдыларын дамыту.                                                                                                                            б/ тәрбиелігі: Қыз баланы ас мәзірін дайындауда жинақы, таза, тиянақты, жылдам істеуге тәрбиелеп, аспаздық өнерге баулу.                                 Пәнаралық байланыс : математика, физика, химия, биология                    Көрнекіліктер : Рецептер жинағы, плакаттар, буклеттер, көкөністер         Сабақтың әдісі : Сарамандық жұмыс                                                             Сабақтың түрі : Топтық жұмыс, сайыс түрінде                                                Құрал-жабдықтар : Электроплита-2,  пышақтар, тақтайшалар жиынтығы-3, ыдыс-аяқтар/ табақ, қасық, тәрелке т.б/                                                                 Азық-түліктер : Картоп, сәбіз, тәтті бұрыш, қызанақ, пияз, қияр, өсімдік майы, қара бұрыш, тұз, сары май.

Сабақтың барысы :                                                                                                                     І. Ұйымдастыру кезеңі :

1. Оқушыларды түгендеу
2. Кезекшілер міндеті (арнайы киімді тарату, тақта, бор дайындау)
3. Санитарлы-гигиеналық талаптарды орындау (арнайы киімді кию, қолдарын жуу,  ыдыс-аяқ тазалығын қадағалау)
4. Топқа бөліну (журналдағы тізім бойынша 3 топқа бөлу, әр топтың жұмыс орнын бекіту)
5. Техникалық қауіпсіздік ережесін қайталау  (электроплитаны қолдану, құралдарды пайдалану, ас әзірлеу барысындағы)

ІІ. Өткен тапсырманы қайталау:  /әр топпен сұрақ жауап арқылы жұмыс/

1.Көкөніс тағамдарын даярлауда орындалатын талаптар

(Ұзақ уақыт салқын суда қалдырмау, азғана суда пісіру, пісіру  уақытын сақтау)

2.Каротиноид /к/, антоциан /а/ пигменттері және олардың қасиеттері

(«К» пигменті - сары, қызыл түсті көкөністерде/сәбіз, асқабақ, қызанақ/ болады және олар жоғары температураға тұрақты болғандықтан, пісірген кезде өз түстерін жоғалтпайды.

«А» пигменті /қызылшада/ –тек қышқыл ортада сақталғандықтан пісіргенде сіркесу қосады)

3.Тұзсыз пісіретін көкөністер (бұршақ тұзды суда дұрыс піспейді, сәбіз бен қызылшаның дәмі нашарлайды)

          ІІІ.Жаңа сабақ:

-Әр топ өздерінің топ басшысын дайындап,топ атын қояды, тапсырма алады

-Тапсырмаға сәйкес жұмыс орыны белгіленеді

-Әр жұмыс орынынында қауіпсіздік ережелерін сақтау

-Нұсқау картасы бойынша  топтық  жұмыс.

-Жасаған тағамдарын қорғайды.

                     І топ : «Фаршталған қызанақ»

-Қажетті азық-түліктер:  қызанақ – 8дана, піскен картоп, сәбіз -2 дана, пияз-2 дана, қара бұрыш, майонез- 4 ас қасық, тұз татымына қарай.

Дайындалу барысы : 

-Жуылған қызанақтың жоғарғы жағынан «қақпақ» тәрізді кеседі

-Кесілген қызанақтың ішін қасықпен  «кесе» тәрізді ояды

-Картоп, сәбіз, пиязды ұсақтап, текшелеп турайды

-Туралған көкөністерді тұздап,бұрыштап, майонезбен араластырады

-Дайын болған массаны қызанақ «кесенің» ішіне салып, «қақпағын» жабады

-Дайын тағамды әшекейлеп, әсемдеу, ұсыну

          ІІ топ  : « Картоп езбесі»

Қажетті азық- түліктер: картоп- 5-6 дана,қызанақ езбесі, аскөк, сары май, тұз

Дайындалу барысы :

-Картоптың қабығын тазалау, жуу, текшелеп турау

-Қайнаған тұзды суда пісіру

-Сүзіп алып езу, сүт, май салып араластыру

-Тәрелкеге әдемілеп салу /кондитерлік шприцпен/

-Қызанақ езбесімен аскөкті араластырып езбенің жанына құю

-Дайын тағамды әшекейлеп,әсемдеу, ұсыну

     ІІІ. Топ:  Тәтті бұрыштан «Фейерверк» салаты

Қажетті азық-түліктер : Тәтті бұрыш /қызыл, жасыл, сары/- 5, піскен картоп, қызанақ, қияр- 4, пияз- 3, қара бұрыш, тұз, өсімдік майы-100 гр

Дайындалу барысы :

-Көкөністерді жуу, кептіру

-Тәтті бұрыштың ортасынан бөліп, дәндерінен тазалау

-Картопты қабығынан тазалау

-Картоп, қызанақ, пиязды ұсақтап турау,

-Туралған тағамдарға тұз, бұрыш сеуіп, өсімдік майымен араластыру

-Аралсқан массаны жарты тәтті бұрыштарға бөліп салу

Дайын тағамды әшекейлеу, әсемдеу, ұсыну

       Сабақты бекіту:

Көкөніс тағамдардың сапасына қойылатын талаптар:

-Пісірілген картоп өз түсін, қалпын сақтап, жұмсақ болуы керек

-Езілген көкөністердің массасы біркелкі, түйіршіксіз, табиғи иіс болады

-Фаршталған көкөністер жұмсақ, қалпын сақтаған, езілмеген болуы қажет

-Тағамдар дәмді, сүйкімді, хош иісті,үнемді, пайдалы болуы қажет

ІV.Қорытынды:

Не үйрендік?    Не білдік?    Не білгіміз келеді?      Жұмыс орнын жинау

V.Үй тапсырмасы:

* Көкөністерден жасалған тағамдар (123-125 бет)

*Әр топ дайындаған тағамдардың рецептерімен алмасу, үйде дайындау

VІ. Бағалау:

*Оқушылардың жұмысын бағалау