Тақырыбы: «Бүгінгі-мектеп түлегі, ертеңгі болашақ иесі!»
Мақсаты: оқушылардың өздеріне деген сенімдерін нығайтып, өзі таңдаған мамандығы туралы ойын дамытып, коммуникациялық іскерлікті жетілдіру, өзін сенімді сезіну үшін тұлғаны психологиялық күйге келтіру.
Тренинг ережесі:
1. Тыңдай білу.
2. Сөзді бөлмеу.
3. Белсенділік.
4. Шығармашылық.
5. Төзімділік.
6. Сыйластық.
Көрнекіліктер: үнтаспа, ватман, түрлі-түсті карандаш, түрлі-түсті қағаздар,шарлар.
«Амандасу» жаттығуы (5 мин)
Қазір біз сендермен ойын ойнаймыз, қимылды тез жасауларың керек. «Бастаймыз» деген белгі берілгенде, мен қалай амандасу керек екенін айтамын, сонда сендер бір-бірлеріңмен тез-тез амандасасыңдар. Әр адаммен әртүрлі амандасасыңдар. Сонымен, көзбен… қолмен… иықпен… құлақпен… тіземен… иекпен… өкшемен… арқамен.
«Көңіл-күй неге ұқсас».(3 мин) Ойыншылар олардың бүгінгі көңіл-күйлері неге (қай жыл мезгіліне, ауа райына, табиғаттың құбылысына) ұқсас екенін айтып береді. Ойынды үлкен дер бастаса жақсы болар еді: «Менің қазіргі көңіл-күйім көгілдір аспандағы жылы, жұмсақ күннің көзіне ұқсайды, ал сенің ше?». Жаттығу шеңбер бойымен жалғаса береді. Ойынның сонында жауаптар қорытындыланады, бүгінгі шеңберіміздегі балалардың көңіл-күйі қандай екен: қайғылы, көңілді, күлкілі, ызаланған т.б.Жауаптардың қорытындысын шығарған кезде, жаман ауа райы, суық, жаңбыр, түнерген аспан сияқты элементтер агрессивті, қобалжу күйлердің көрсеткіштеріне назар аударыңыз.
Релаксация(5 мин)
Мақсаты: Оқушыларды сергітіп, өздеріне деген сенімділіктерін нығайтып, арттыра түсу.
(үнтаспадан әуен ойналып тұрады.)
Ыңғайлы отырамыз. Өз денелеріңізді сезініңіздер және денелеріңізді бос ұстаңыздар.
Дене демалады, ал сана-сезім сергиді. Іштеріңізден аспанға қарап отырмын деп ойлаңыздар. Аспанды жақын сезініңіз. Табиғат көркемдігін байқаңыз. Айналадағы шуылдаған құстардың шырылдаған дауыстары неткен керемет!
Кенеттен, сіз бір әсем әуенді естисіз! Әуен бағытына қарай ұмтыласыз. Сіз орман ішіне қарап зәулім сарайды байқайсыз. Зәулім сарайдың жартылай ашылған есігінен әсем әуен естіледі.
Сіз зәулім сарай ішіне кіресіз. Айналаңызды қоршаған төрт қабырғада көркем де керемет суреттер. Сол көркем суреттерді көру үшін сіз әр қабырғаны жағалап, ұстап көресіз. Айналаңыздағы қоршаған төрт қабырғада көркем де керемет суреттер. Сол керемет суреттерді көру үшін сіз әр қабырғаны жағалап өтесіз. Ол суреттерде сіздің қиял – ойларыңыз бейнеленген. Бірінші қабырғаға…., екінші қабырғаға…, үшінші қабырғаға…, төртінші қабырғаның соңында сіз аппақ, әрі жұмсақ демалатын жерді байқайсыз. Кенеттен, шаршағаныңызды байқайсыз, сол жерге демалуға жатасыз. Өз денеңізді көз алдыңыззға елестетіңіз….басыңыздан бастап, аяғыңыздың ұшына дейін….енді керісінше аяғыңыздың ұшынан басыңызға дейін.
Сіздер демалдыңыздар, жеңілдедіңіздер, жай ғана тұрып, осы бөлмеде ҰБТ – ге байланысты өз қорқынышымызды, үрейімізді, сенімсіздігімізді, барлық кері әсерлерді тастап артқа қарамай есіктен шығып, есікті жауып кетеміз.
Сіздер көңілді, қайратты, қажырлысыздар.
Ешқашан жүректілік пен оптемизмді жоғалтпаңыздар! Табанды және қайратты болыңыздар.
Сезініңіз, сіз сергексіз! Сіз ештенеден қорықпайсыз! Сіздің күшіңіз көп, қайратты, өзіңізге сенімдісіз! Сізде бәрі алда! Сіз таланттысыз! Сізде бәріде болады!
Сіз қайтадан табиғат аясындасыз. Шексіз аспан…Ораламыз.
Тамаша… Жұмысымызды аяқтаймыз. Сіз өзіңіз туралы ойыңызды аяқтағаныңызды, өзіңіздің демалғаныңызды сезінген кезде, әркім қашан көзін ашқысы келсе, сол кезде көзіңізді ашыңыз.
«Мимикалық жағдай» жаттығуы.(5 мин)
Мақсаты: өзіндік баға және топтық талдау дағдысын дамыту.
Сыныпты үш топқа бөлу үшін, үш сан жазылған коньфеттер таратып беріп, бірдей сан жинаған оқушылар бір топқа жиналады.
Қатысушылар үш топқа бөлінеді де топ басшылары ортаға шығып карточкаларды таңдайды. «Архитектор», «Дәрігер», «Жол полициясы» мамандықтары беріледі. Әр топ өздеріне берілген мамандықты мимика арқылы, панто-мимикалық жағдай құрастырып шығулары керек, ал қалған екі топ қандай мамандық қандай жағдай екенін анықтауы керек.
«Сергіту» жаттығуы.(3 мин)
Мақсаты: Қатысушылардың бірін – біріне деген сенімділіктері арта түсуі үшін.
Нұсқау: Жағдай оқылыды. Егер сіз онымен келіссеңіз, айтылған әрекетті орындауыңыз қажет.
Егер үлкен туған ағаң болса, үш рет шапалақта.
Кімнің бойы 1.65 ұзын болса, «Кинг Конг» деп айқайласын.
Кімнің бойы 1.65 қысқа болса, «Алақай деп айқайласын.
Кім бүгін таңертең дәмді таңғы ас ішсе ішін сипасын.
Балмұздақты жақсы көретіндер, тоңып тұрғандай іс-әрекет жасасын.
Иттерді жақсы көретіндер үрсін.
Мысықтарды жақсы көретіндер «Мяу!» деп үш рет айтсын.
Ата-анасының жалғыз балалары қолдарын көтерсін.
Кофеге сүт және қант қосып ішетіндер орындарында тұрып айналсын.
Тәтті торт жегенді жақсы көретіндер екі қолын бірдей көтеріп, күлсін.
ҰБТ тапсыруға қорықпайтындар «Алға!» деп айқайласын.
Өздеріне сенімсіздер «Көмек қажет» деп айтсын.
Осы тренингке қатысқандарына қуанатындар «Қуаныштымын!» деп бес рет айтсын.
«Байланыстыру» жаттығуы.(10 мин)
Нұсқау: Барлығымыз бала кезде армандаған мамандықтарымызды еске түсірейік. Қағазға сол еске түсірген мамандықтарды жазамыз. Тренер жинап алып қорапшаға салып араластырады. Оқушыларға қайта мамандық жазылған қағазды алып оқу сұралады. Бала кезде таңдаған мамандық пен қазіргі таңдаған мамандығының байланыс жақтарын анықтап айтып беру керек. Барлық оқушыға қандай маман иесіне ұқсайтынын басқа қатысушылар айтып өтеді.
. Түлектерге арналған аффирмация (5 мин)
Мақсаты: Түлектердің өздеріне сенімділігін арттыру
Нұсқау: Аффирмация шарлар ішінде көрсетіліп, жарған оқушы дауыстап оқиды.
• Мен табысқа жететініме толық сенімдімін, менің үнемі жолым болады.
• Әр бір күн, әр бір сағат сайын менің өмірім жақсарып барады.
• Жақсылық, дұрыс таңдау және амандық үнемі менің қасымда.
• Болып жатқан істің барлығы – менің игілігім үшін жасалуда.
• Қазірдің өзінде мен үшін өте сәтті мүмкіндіктер қалыптасып келеді.
• Мен қандай болсам, өзімді сол қалпымда жақсы көремін.
• Менің қабілетім әр күн сайын жақсаруда.
• Менің өміріме сәттіліктің, атақ-даңқтың келуін қуана қабылдаймын.
• Маған өз ісім ұнайды, қуана, рахаттана, шабытпен айналысудамын.
• Өзіме деген сенімділік үнемі менің жадымда.
Мен ҰБТ –дан жоғары балл жинаймын
Қандай сынақ болса да өтуге дайынмын
Алда болатын тест менің болашағыма жол ашады
Мен бүгіннен бастап дайындықты күшейтемін
«Күн шуағы» жаттығуы(5 мин)
Мақсаты: позитивті көңіл-күй орнату.
Барысы: әрбір қатысушының алдын ала дайындалған күннің бейнесі дайындалған. Күннің ішіне және сәулесіне қатысушылар бір біріне өз тілектерін жазады.
Қорытынды (4 мин) Біздің жаттығуларымыз аяқталуға жақын қалды. Мен сіздердің барлығыңызға қатысқандарыңыз үшін ризамын. Мен сіздермен жұмыс жасағаныма өте қуаныштымын.
Тренинг соңында өз әсерлеріңізбен бөлісіңіздер. Сау болыңыздар!
