«Ата-ана - алғашқы ұстаз» тренингі

Қазан жалпы орта білім беретін мемлекеттік мекемесі

«Ата-ана - алғашқы ұстаз» тренингі

Бастауыш сынып оқушыларының ата-аналарына арналған

психологиялық тренинг.

Педагог – психолог Магнұрова Мөлдір Ақылбекқызы

2016 – 2017 оқу жылы

Бастауыш сынып оқушыларының ата-аналарына арналған тренинг

Мақсаты: бастауыш сынып оқушыларының ата-аналарын бала тәрбиесіне араластыру.

Көрнекіліктер: Түрлі – түсті қарындаштар, карточкалар,жүрекшелер

Қатысушылар: 1 – сынып ата-аналары

Сабақ барысы:

І. Ұйымдастыру кезеңі:

Сәлемдесу

Тренинг жоспары:

• «Сәлемдесу» жаттығуы

• «Танысу» жаттығуы

• «Кім мәреге бірінші жетеді?»

• «Мен қандаймын және қандай ата-анамын?» жаттығуы

• «Қимыл-қозғалыс» жаттығуы

• «Балам туралы не білем?» жаттығуы

• «Менің диаграммам» жаттығуы

• Қорытынды.

Тренинг ережесі:

• Тыңдай білу

• Белсенді қатысу

• Сөзді бөлмеу

• Күлімсіреу

• Сын айтпау

1. «Амандасу» жаттығуы.

Мақсаты: ата-аналарды алдағы тренингке бағыттау, эмоционалдық қыздыру.

Ата-аналар шеңбер құрып тұрады. Шеңбер бойымен әр түрлі амандасу тәсілдері арқылы барлық қатысушылармен амандасады. Амандасу тәсілдері қайталанбауы керек.

1. «Танысу» жаттығуы

Мақсаты: ата-аналармен танысу, ата-аналарды бір бірімен таныстыру.

Ата-аналар шеңбер құрып тұрады. Кезектесіп өзін таныстыру мақсатында өз есімін, кімнің ата-анасы екенін және өз бойындағы, баласының бойындағы үш жағымды қасиетті айтады.

1. «Кім мәреге бірінші жетеді?»

Мақсаты: ата-ана мен бала арасындағы эмоционалдық қарым-қатынасты нығайту.

Ата-аналар үш топқа бөлінеді. Сіздің балаңыз сізді қатты қуантты (бір ісімен). Сіз не айтасыз? Қалай қолдайсыз? (Әр топ мүшелері тақтаға шығып, балаға мадақтау сөздерін айтып, мәреге бірінші жетуге тырысады). (Тамаша! Жарайсың құлыным! Сенсіз мен не істер едім? Өте жақсы! Мақтанашым менің! Қандайтамаша! т.б.).

1. «Мен қандаймын және қандай ата-анамын?» жаттығуы

Мақсаты: ата-аналардың бір бірін жақсырақ тануына жағдай жасау.

Ата-аналарға жүректер таратылады. Жүректің бір жағында «Мен қандаймын?» деп, ал екінші жағына «Мен қандай ата-анамын?» деп жазылған. Бланкіге тек жағымды қасиеттерді ғана жазу тапсырылады. Ата-аналар бланкіні толтырып, талқылау жүргізіледі.

1. «Қимыл-қозғалыс» жаттығуы

Мақсаты: ата-аналарды эмоционалдық қыздыру, бала тәрбиесі жайлы пікір алмастыру.

«Иә» десеңіздер- қолдарыңызды шапалақтаңыздар. «Жоқ» десеңіздер-аяқтарыңызды тарсылдатыңыздар.

1. Газет бетіндегі мақалалардан, теледидардағы бағдарламадан тәрбиеге байланысты сұрақтарды тыңдап, қарап жүресіз бе?

2. Балаға тәрбие беру кезінде үйде ата-ана бірдей ықпал жасай ма?

• Егер «отбасы» десеңіздер жымиыңыз.

• Егер «қоршаған орта, қоғам» десеңіздер қолды алдымызға созамыз.

3) Бала тәрбиелеу жауапкершілігі кімде деп ойлайсыз?

• Егер «әке» » десеңіздер қолды алдымызға созамыз.

• Егер «шеше» » десеңіздер жымиыңыз.

• Егер «екеуі» десеңіздер, қол шапалақтаңыздар.

4) Ой жинақтау (плакат, фломастер, қалам).

1) Баланың дамып жетілуіне қандай әдіс-тәсілдерді қолданасыз?

2) Бала үшін мұғалім мен ата-ана арасында қандай қарым-қатынас болу керек? Сурет, схема арқылы өз ойларын талдайды.

6. «Балам туралы не білем?» жаттығуы

Мақсаты: ата-ана мен бала арасындағы қарым-қатынасты жақсарту.

Ата-аналар бір-біріне допты лақтыра отырып, қойылған сұрақтарға жауап беруі керек. Қызықты сұрақтар:

1) Балаңыздың туған күні?

2) Сынып жетекшісінің толық аты-жөні?

3) Балаңыздың парталас досы кім?

4)Балаңыз қандай өлшемді аяқкиім киеді?

5) Бүгін сабақтан қандай баға алды?

6) Балаңыздың сүйікті асы қандай?

7) Балаңыз қандай түсті жақсы көреді?

8) Балаңыз спорттың қандай түрін жақсы көреді?

9) Балаңыз 1-сыныпқа қай жылы барды?

10) Балаңызды еркелетіп қандай сөз айтасыз?

11) Балаңыз сізді ренжіткенде, ең алдымен қандай сөз ауызыңызға түседі?

7. «Менің диаграммам» жаттығуы

Мақсаты: ата-аналарды күн тәртібін ұйымдастыра білуге дағдыландыру.

Ата-аналарға шеңбер сызылған бланкі таратылады. Берілетін нұсқау:«Дөңгелек шеңберді 24 сағатқа бөліп, ата-ананың бір күндік диаграммасын құрыңыз».

Ата-анаға:

1. Ұйқыға

2. Мектепке

3. Отбасымен қарым-қатынасқа

4. Үйірмеге

5. Достарын

6. Үй шаруасына

7. Жалғыз болуға

Диаграмманы қорытындылау

Қорытынды: Ата – аналар бүгінгі тренинг жайлы өз ойларын айтып, қолдарынан ұстап тілек айтады.

Рефлексия

Рефлексия сұрақтары:

1. Бүгінгі кездесуден қандай әсер алдыңыздар?

2. Тренингте өз ойларыңызды еркін жеткізуге кедергілер болды ма?

3. Қандай жаттығуларды орындау қиын болды?

4. Жаттығуларды орындау барысында не сезіндіңіздер?