Отбасы туралы ашық сабақ

                                                Өзiн-өзi тану сабағының жоспары

Мерзімі: 9.01.2018ж №17

Сыныбы: 5-сынып Оқушылар саны: 14

Сабақтың тақырыбы: Отбасы татулығы Қасиеттері: кешірімділік, шыдамдылық

Мұғалімі: Елеусизова С Құндылық: сүйіспеншілік

Сабақ мақсаты:

Балаларға отбасындағы жарастық туралы түсінік бере отырып,сүйіспеншілік құнды сезім екенінің мәнін ұғындыру.

Сабақтың міндеттері:

Отбасы жарастығы, татулығы туралы түсінік қалыптастыру

Отбасында жағымды қарым-қатынас жасау іскерліктерін дамыту, Өзара сыйластыққа тәрбиелеу

Ресурстар:

Оқулық, дәптер, музыкалық әуен, видеоролик

Сабақ барысы:

Ұйымдастыру кезеңi.

5 – Т ережесін сақтау

Тәртіп, талап, тыныштық, тазалық, татулық.

Тыныштық сәтi. «Нұрға бөлену»

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын. Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын. Нұр менің ішімде. Мен Нұрмын».

Осындай Нұр, Махаббат және Тыныштық күйінде отыра тұрыңыз.

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады. Рахмет.

Үй тапсырмасын тексеру.

«Отбасы татулығы» аңыз әңгіме.

Сұрақтар:

Сендер қалай ойлайсыңда, ауыл ақсақалы патшаға қандай жауап берді?

Отбасындағы татулық пен бірлік болуы үшін қандай қасиеттер қажет?

Өсиет әңгіменің мәні неде?

Отбасының татулығын ұстап тұрған нендей қасиеттер екен?

«Бақытты отбасы» видеоролик

Дәйексөз.

«Алты аға бірігіп - әке болмас,

Жеті жеңге бірігіп - ана болмас»

Қалай түсінуге болады?

Алты аға бірігіп - әке болмас неге?

2 рет – ұлдар ,2ре т – қыздар айтады. Бәрі бірге – 1 рет қайталап оқиды.

-Дәйексөздің мағынасын қалай түсінесіңдер?

Әңгiмелеу  (сұхбат).

Отбасының берекесі имандылықтан басталады.

Көрегенді отбасының баласы екенсің деп кімдерді айтады? Неліктен?

Отбасының берекесі имандылықтан басталады. Неге?

Отбасы жарастығы дегенді қалай түсінесіңдер?

Отбасының сыйластығына қалай қол жеткізуге болады?

Отбасының татулығы қандай табыстарға жеткізеді?

«Жанұяңа уақыт бөл!» видеоролик

Ойын. «Айналайын,толғанайын!»

Оқушылар кезекпен шығып,үлкен адамдардың өздерін еркелетіп,жақсы көріп айтатын сөздерін солардың дауыс ырғағына салып айту керек.

Шығармашылық жұмыс, топтық жұмыс. 

1.«Менің отбасым» атты шағын әңгіме жазу.
2.1-топ «Бақытты отбасы моделін» салу. Постер қорғау 
2-топ Бала болып ата-анасын құрметтеу. Көрініс қояды. 
3-топ « Отбасы жарастығы» тақырыбына сурет салу

Топпен ән айту.

Ана туралы жыр

Үй тапсырмасы.

«Сыйластық» тақырыбындағы өлеңді мәнерлеп оқып келу.

«Отбасы жарастығы» тақырыбына коллаж құрастыру 

Рефлексия

  Оқушылар ата - аналарына арнап тілек жазады.

Соңғы тыныштық сәтi.

Тыныштық. бар жерде, тыныштық. бүкiл әлемде тыныштық.

Баяу әуен қойылды. Оқушылар денесін, басын тік ұстап, көзін жұмып отырады.

Жәй дауыспен:

«Бүгінгі сабағымызды есімізге түсірейікші. Жақсыны естіп, айтып бәріміздің көңіл – күйіміз көтерілді. Ісіміз де, сөзіміз бен ойымыздай, болатынына сенімдімін. Сабақта көрініс тапқан жақсы қасиеттер жүректерімізде сақталып, іс жүзіне асырылсын. Жақсы ой ойлайық, жақсы сөз сөйлейік, жақсы іс жасайық! Осындай тыныштықта сәл отыра тұрайық. Қандай жан тыныштығы! Енді жайлап көздеріңді ашуға болады» рахмет!