Жүрек қан тамырлары

Сабақ мақсаты: Оқушыларға жүректің құрылысы мен қызметі туралы білім бере отырып, сүйіспеншілік құндылығының мәнін ашу
Сабақ міндеттері:

Білімділігі:

-Оқушыларға қанайналымындағы жүректің маңызы туралы түсіндіре отырып, қайырымдылық қасиетінің мәнін ашу;

Дамытушылығы:

-Оқушылардың өз бетімен білімін толықтырып, тереңдетіп отыру дағдыларын, ойлау қабілеттерін дамыту.

Тәрбиелілігі:

-Оқушылардықайырымдылық, кешірімділік, риясыздық жасауға тәрбиелеу.

Ресурстар:

(материалдар, көздері)

Сабақ барысы:

Сыртқы интеграция

(Өзін-өзі тану сабағының әдістемелік тәсілдерін қолдану)

Ұйымдастыру кезеңі (2 мин.)

5Т ережесін еске түсіру

Тәртіп

Талап

Тыныштық

Тазалық

Татулық

1.Жағымды көңіл күйге бөлеу (3 мин)

Нұрға бөлену

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан.

Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды  шайып, жүрегіңіздің

қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің  қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз  нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз  тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте шұғылалана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, балаларыңызға, мұғалімдерге, достарыңызға, таныстарыңызға бағыттаңыз. Нұрды уақытша  түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын… Ғаламның барлық түпкір-түпкіріне нұр бағыттаңыз. Ойша айтыңыз:

«Мен нұрлымын… Нұр менің ішімде… Мен Нұрмын».

Осындай Нұр, Махаббат және Тыныштық күйінде  отыра тұрыңыз…

Енді осы Нұрды жүрегіңізге орналастырыңыз. Нұрға толы бүкіл әлем  сіздің жүрегіңізде. Оны осындай әсем қалыпта сақтаңыз.

Жаймен көзіңіздеріңізді ашуға болады. Рахмет.

2.Үй тапсырмасы (5 мин)

1.Адам денесін қандай сүйектері қозғалысқа келтіреді ?

2. Олардың қызметі қандай ?

3. Дене бітімі сымбатты болып жетілуі үшін қандай

жағдайларға мән берген жөн ?

4. Бұлшық ет қандай мүшенің бұйрығымен қызмет

жасайды ?

5. Бұлшық еттерді қалай жетілдіріп,дамытуға болады ?

6. Бұлшық еттер сүйектерге қалай бекігені жөнінде

әңгімеле .

3. Дәйексөз (5 мин)

«Сүйіспеншілік-бүкіл әлемді ұйымдастырып тұрған бастапқы күш»

Эмпедокл – ежелгі грек философы, дәрігер

Ішкі интеграция (15 мин)

Сабақ тақырыбымен жұмыс

- Жүрек деген не?

Ағза ішіндегі қанның үздіксіз айналысын қамтамасыз ететін қанайналым жүйесінің негізгі мүшесі.

Жүрек тек биологиялық ағза емес.

Неліктен?

Жүрек–Рухани Нұрды таратушы. Физикалық деңгейдегі барлық жасушалар мен мүшелерге қажетті қоректік заттар мен оттегіні тасымалдап тоқтамай ағатын қан ағынын жүректен таралатын таусылмайтын сүйіспеншілік пен жылу ағынына теңейміз.

Жүрек соғу ырғағы –Әлемдік тіршілік ырғағына сәйкес келеді. Жүрек өмір бойы адамға үздіксіз, демалыссыз риясыз қызмет жасайды.

Жүректің қызметі  дегеніміз - жүрек циклінің үш фазасы:

1. құлақшаның жиырылуы,

2. қарыншаның жиырылуы

3. жүректің жалпы босаңсуы.

Үш фаза адам өмірінде бірлікте қызмет еткенде, жүрек дұрыс қызмет жасайды. Егер адамның ойы, сүйіспеншіліктен бастау алса, сөзі, ісімен бірлікте болғанда ар-ұждан дауысын ести алады.

Жүрек өз құрылысымен және қызметімен бізді сүйіспеншілікке үйретеді.

1-тапсыма

Кестеде берілген қанайналым мүшелерінің атқаратын қызметі.

2-тапсырма

Төменде берілген ұғымдардың анықтамаларын жазыңдар.

3-тапсырма

4-тапсырма.

Шығармашылық жұмыс (5 мин)

Диктант

Сергіту сәті «Серпілген сауал» тақырыпқа байланысты

1.Ауырмайды жүрек

2.Жүрегім сізге аманат

3.Жүрегім дүр дүрс

4.Жетім жүрек

Бір шумақ ән: «Ауырмайды жүрек » барлығы орындау

5.Үй тапсырмасы:

Үйде: Жүрек қан тамырлары.Қанның қызметі

Оқулықпен жұмыс

18-23 бет бойынша

6. Практикалық тапсырма:

Қан кеткендегі алғашқы жәрдем

Сабақтың қорытынды сәті:

Стикерге өз пікірлерін жазу

Балалар, бүгінгі сабақтағы жақсы әсер, жақсы қасиеттерді жүрегімізде сақтап алайық.

Сабаққа қатысқандарыңызға рахмет. Сау болыңыздар.