Зат есім 317-321-жаттығу

Сабақтың тақырыбы:  Зат есім 317-321-жаттығу.                                                                                                                        Білімділік мақсаты:   Оқушыларға заттың атын білдіретін сөз зат есім  екенін меңгерту.                              

Дамытушылық мақсаты : Оқушылардың сөздік қорын толықтыру,ой өрісін,есте сақтау қабілеттерін,шығармашылық қабілеттерін  дамыту.

Тәрбиелік мақсаты :Оқушыларды адамгершілікке,білімді сүйіп құрметтеуге,достыққа тәрбиелеу.

Сабақтың типі: жаңа  білімді меңгерту

Сабақтың түр: аралас

Сабақтың әдіс- тәсілдері:Сөздік әдісі, түсіндіру,әңгімелеу.сұрақ-жауап.

Сабақтың көрнекілігі: Оқу құралдары,суреттер,кесте,инт.тақта.

 Сабақтың барысы:

I. Ұйымдастыру кезеңі:

а) оқушылармен сәлемдесу

ә) дайындығын қадағалау

б) психологиялық дайындық

-Балалар,бүгінгі сабақ ерекше.Себебі,бүгін бізге қонақтар келіпті.Сонымен қатар «Қасқыр мен қоян» ертегісінің кейіпкерлері келіпті.Біз оларды достастырып,қоянды қасқырға жем қылмауымыз керек.Олардың достасуына көмек береміз бе? (Оқушы жауабы)

-Ендеше,көмектесейік,бірақ қасқырдың тапсырмаларын орындасақ,қоянды жемей,дос болуына уәде беріп отыр.

-Сабағымызды бастамас бұрын алдарындаөздерінді бағалау парақшасы тұр.Соған назар аударып қойыңдар.Әр тапсырманы дұрыс орындаған сайын смайликтер жапсырып отырамыз.(Яғни,оқушылар өз-өздерін бағалап отырады).

-Келістік пе? (оқушы жауабы)

-Ал,ендеше үй тапсырмасын тексерейік. 

II. Үй тапсырмасын тексеру кезеңі:

315 – жаттығуды тексеру. Ережені сұрау.

III.  Жаңа сабаққа дайындық кезеңі:

Сабақты «Қасқыр мен қоян» ертегісі желісімен өткізу.

Мақсат қою

  Бүгінгі сабақтың  мақсаты- зат есім  туралы түсінік беру,тапсырмаларды орындатып,қасырды қоянмен достастыру.

IV. Жаңа сабақ:

    «Артық сөзді тап» ойынын ойнату арқылы,зат есімді тауып алып,оған сұрақ қойып,ережесін айтамыз.Зат есімді табу арқылы балалар жаңа тақырыпты өздері ашады.

317-жаттығу.Суреттегі заттардың атын пайдаланып сөзжұмбақты шешеді.

  Сөз жұмбақты шешу арқылы сөздерге сұрақ қойып,заттардың не екенін таныстырамыз.

 1. Дәптермен жұмыс.

Көркем жазу:    Зз    Зз   Зз

2. Оқулықпен жұмыс.

Бұл жаттығуды топқа бөліп беремін,яғни постер қорғайды.

3.Сергіту сәті.

  «Мейрамхана» ойынын ойнату арқылы,ас мәзірінде тапсырмалар жасырынып тұрады.

319-жаттығу.Сызбаның орнына не? сұрағына жауап беретін сөздерді қойып көшіріп жазады.   Ит үреді. Қасқыр ұлиды. Қарға қарқылдайды. Әтеш шақырады.

321-жаттығуда ең алдымен артық сөзді тапқызып аламын.Яғни,же сөзі зат есім еместігін балалар айтуы керек.Мысал келтіру.Содан соң зат есімдерге сұрақ қояды.

V. Сабақты бекіту:

VI. Сабақты қорытындылау: Сұрақ-жауап арқылы зат есімді біледі,қасқыр мен қоянды татуластырып,видеоролик көрсетемін.

Оқушыларды бағалау: Белсенді қатысқан оқушыларды бағалау

VIII.  Үйге тапсырма беру:  320- жаттығу.Ереже жаттау