Тақырыбы; Жүрек жылуы

Ашық сабақ

Тақырыбы: «Жүрек жылуы»

Сабақтың тақырыбы: Жүрек жылуы

Сабақтың мақсаты: Балалардың бойларындағы адамгершілік, қайырымдылық, сүйіспеншілік, ізгілік, инабаттылық, әдептілік қасиеттерін ояту.

Міндеттері:

-Жақсы тілек, ізеттілік, ізгілік туралы түсініктерін қалыптастыру.

-Қайырымдылық қарым- қатынас жасау, іскерліктерін дамыту;

-Мейірімділікке, ізгілікке тәрбиелеу.

Шаттық шеңбері:

Сәлеметсіңдер ме, оқушылар! Мен сендерді көргеніме өте қуаныштымын.

Біздің бүгінгі сабағымыз «Жүрек жылуы» деп аталады. Олай болса, шаттық шеңберіне тұрайық.

Балалар, қолдарымызды жүрек тұсына бір сәт қойып, дүрсілін тыңдап көріңдерші. Сендердің жүректерің мейірімге, қайырымға, махаббатқа, жылы сезімге толы. Адам бойындағы бар жылуы мен мейірім жүректен шығады. Енді осы жүректен алған жылуымызды айналамызға шашып бөлісейік.

Әңгімелесу.

-Табиғатқа қамқорлық жасаған кездерің болды ма?

-Сендер үлкендерге қандай көмек көрсеттіңдер?

- Мейірімділік дегенді қалай түсінесіңдер?

Жаңа ақпарат.

Мейірімді адам өзге адамға, туған- туыстарына, табиғатқа деген жанашарлық сезімін, қамқорлығын көрсетуге дайын тұрады. Әрқашанда адамдар бір- біріне жылы сезімдерін білдіріп, тек жақсылық ойлау, игілік жасау арқылы мейірімділік таныта алады.

Дәйексөз.

Табиғаттағы барлық жылу-күннен,

Өмірдегі барлық жылу –адамнан.

М.Пришвин

Екі топ оқушыларына жағдаяттар беріледі. Оқушылар өз ойларымен жағдаяттарды талдайды.

Бірінші топ.

-Сен досыңмен көлге шомылуға бардың. Кенет досыңның «Құтқар» деген дауысын естідің. Сен не істер едің?

Екінші топ.

- Сен жолда келе жатырсың. Шұңқырға түсіп кеткен балапанды көрдің. Балапан «шиқ-шиқ» етіп шығудың әрекетін жасайды. Бірақ оған шамасы келмейді. Осы жағдайда сен қандай әрекет істер едің?

Шығармашылық жұмыс.

«Жақсылық тамшысы»

Оқушылардың санына сәйкес алдын- ала дайындалған тамшы үлгісінде қиылған қағаздар үлестіріледі. Әр бала тамшыға өзі жасаған жақсы істерін жазады. Тақтаға тамшыларды іліп, өзгелерге, айналасына өзі жасаған жақсы істерін жария етеді.

-Балалар, әрқайсыңның тамшыдай жасаған жақсылықтарыңды қосқанда үлкен дарияға айналады. Яғни әр адамның жүрегі жақсылыққа толы болса, жер бетінде бейбітшілік орнап, адамдар бақытты өмір сүреді.

Мұғалім: Жүрегінде жылуы бар адамдардың көмекке мұқтаж жандарға, жан-жануарларға, табиғатқа қамқорлық жасайды. Жақсылық жасау-адам жүрегіндегі ең асыл қасиеттерінің бірі. Жақсы адам қол ұшын беруге, жәрдем етуге, жанашырлық танытуға, көмек көрсетуге, қолдау жасауға әрдайым дайын тұрады.

Бейнетаспа

- Балалар, сендер бұл видеодан нені байқадыңдар?

Тыныштық сәті. (Музыка)

-Балалар ыңғайланып отырып, терең тыныс алыңдар, көздеріңді жұмыңдар. Енді көз алдарына айтқандарымды елестетіңдер.

- Ашық аспан, қалықтаған құс, жайқалған қызыл- сары гүлдер, жайнаған бақ, жарқырап бар жылуын шашқан күн, биіктігі көк тіреген ғимараттар, күн шуағына бөленген бақытты балалар, балалардың « бестігін» мақтан тұтқан ұстаздар, немерелерінің ақылдылығына риза болған әжелер. Тұла бойлары жақсылыққа, махаббатқа, қуанышқа толған жандарды көре отырып, осындай сезіммен көзімізді ашамыз.

Сөзжұмбақ

1.Қазақтың ұлы ақыны кім?

2. Шоқан Шыңғысұлы Уәлихановтың шын есімі кім?

3. Тастан жасалған құралдарды қолданған дәуір?

Оқушылар интерактивті тақтаға кезекпен шығып «Ана деген кім?» деген сұраққа өз жауаптарын жазады. (Оқушылар тапсырманы орындап болған соң жария етеді).

- Расында да, адамның әдептілігімен, жан дүниесінің жылулығы ең алдымен балаға ақ сүт беріп, әлпештеп өсірген ана жүрегінің жылуынан басталады. Ананың нәзік үні, жұмсақ та аялы алақаны жан жылуымен бізді әлдилеп жұбатады, көңілімізді сергітеді.

«Мейірімділік» тақырыбына жасаған құрақ көреп.

Мейірімділік

Мейірімділік-ғажайып өмір есігі,

Мейірімді болсаң, сазды әуенмен тербетілер бесігің.

Ашық болсын мұқтаждарға көңілің мен есігің,

Мейірімсіз болсаң, алладан болмас кешірім.

Қол ұшын бер жетімдерге жылаған,

Қайтарма қолын, ананың көмек сұраған.

Оу, адамзат, сіңірген бойға мейірімді,

Өтініп соны, сіздерден әркез сұранам.

Мейірімді ізде таза -аңғал жүректен,

Селт еткізіп, сезімді бойда дір еткен.

Мейірім ана бойында, сіңірген бойға, мойында.

Өмірге мына, жылылықпен гүл еккен.

Жүректен жүрекке

Оқушылар жүрегімізді жақсы тілекке толтырайық. (Оқушылар жүрекке жақсы тілектер жазып оны үлкен жүрекке іледі.)

Өзін- өзі тану пәнінің мұғалімі: Иглманова Айгуль Тукешовна