Өзiн-өзi тану сабағының жоспары
Мектеп: №54 мектеп-лицей
Мерзiмі: 27.04.2017 ж.
Тақырыбы: Отбасы татулығы
Құндылық: сүйіспеншілік
Қасиеттері: мейірімділік, татулық, сыйластық
Мұғалiм: Қарабатырова Д.М
Сынып: 1 «Ж» (333 кабинет)
Ашық сабақ:
Оқушылар саны: 14
Сабақтың мақсаты: оқушыларға оқушыларға отбасының адам өміріндегі маңыздылығын түсіндіру арқылы сүйіспеншілік құндылығының мәнін ашу.
Сабақтың міндеттері:
Білімділік: оқушыларға отбасы ұғымының мәнін ұғындыра отырып, жауапкершілік қасиеті туралы түсінік беру.
Даматушылық: оқушыларды отбасы мүшелеріне сүйіспеншілікпен қарым-қатынас жасауға баулу арқылы татулық қасиетін дамыту.
Тәрбиелік: оқушыларды отбасын құрметтей отырып, жауапкершілікке, тәртіптілікке, татулықа тәрбиелеу.
Әдіс-тәсілдері: әңгіме, сұрақ-жауап.
Көрнекі құралдар: үнтаспа, оқулық, жүрекшенің үлгісі, слайдтар, түрлі-түсті қарындаштар.
Сабақ барысы:
Ұйымдастыру кезеңi. Тыныштық сәт.
Су асты патшалығына ойша саяхат.(Оқушылардан шеңбер құрып отыруды, қолдарын тізесіне немесе үстел үстіне қоюды, аяқтарын айқастырмауды өтініңіз. Арқаларын тік ұстауын қадағалаңыз. Жайлы, баяу музыка қойыңыз).
Мұғалім: Көзіңізді жұмыңыз және бірнеше рет терең тыныстаңыз; денеіңізді босатыңыз. Бірнеше секундтан соң теңіз түбіне саяхат жасаймыз.
Теңіз жағасымен келе жатқаныңызды елестетіңіз. Толқындардың жеңіл шалпылына, шағалалардың шуылына құлақ түріңіз. Жалаң аяқтарыңызбен құмды сезініңіз. Шалғайдан қара нүкте көріп тұрсыз: ол жақындаған кезде дельфин екенін түсіндіңіз. Ол сізді теңіз түбіне алып кету үшін келді. Ол өте әдепті жәндік, сізді шыдамдылықпен күтіп тұр. Жайлап оның арқасына отырыңыз, мықтап ұстап, жолға шығыңыз. Дельфиннің арқасында жайланып отырып, өзіңді қауіпсіз сезіну, су астында жүзу қандай керемет. Жан-жағыңызға қараңыз: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қараңызшы, қандай орасан зор балықтар, ал енді анау жаққа көз тастаңыз. бұл орасан зор сегізаяқ. Су асты неткен қызықты әрі ғажап әлем. Сіз бір нәрсені байқадыңыз ба? Мұнда неткен тұңғиық, толық тыныштық. Осы тыныштық күйде болыңыз.(Мұғалім бірнеше секунд үнсіз қалады).
Ал қазір жоғарыға, өз әлемімізге кері қайтуға дайындалыңыз. Айналаға жіті қараңыз. Ғажап түстерге тағы бір рет қараңыз және тыныштыққа құлақ түріңіз. Осындай тыныштық сізге самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз.
Сыныпқа оралыңыз және өз орныңызға келіңіз. Бірнеше секундтан соң көзіңізді ашыңыз, осы түйсінген тыныштықты өз бойыңызда сақтауға тырысыңыз.
Ресурстар:(құралдар,кітап, дәптер, әуен, мәлiметтер)
Үй тапсырмасын тексеру.
Оқулықтағы мәтіндегі кейіпкерлерді сипаттап келу, талқылау.
Сабақ барысын талқылау:
Әңгiмелеу (сұхбат).
«Отбасы татулығы» аңыз әңгімені оқып беру.
Баяғыда бір үлкен отбасы өмір сүріпті. Отбасындағы адамдар саны өте көп екен, бір қауым ел болып, бірге тұрыпты. Ол отбасы ерекше екен, отбасының өзара келісімде татулықта өмір сүруі елді таң қалдырады. Оларда ұрыс-керіс дау-жанжал деген атымен болмайды екен.
Бұл отбасы жайлы патшаның құлағына да жетеді. Патша естігенінің ақ-қарасын анықтау үшін ауылға келеді. Ауылда тап-таза, барлығы да жеткілікті, тыныштық пен береке қонған.
Патшаның көңілі толы, ерекше бір шаттыққа бөленеді. Сыйластығы жарасқан бақытты отбасында қариялардың орны төрде, уайым-қайғысыз, балалары бақытты, мәз мейрам екен. Бұған патша таң тамаша болды. Отбасының қалайша бақытты, тату-тәтті өмір сүруінің мәнісін білгісі келді.
Ол ауыл ақсақалына келіп, отбасындағы татулық пен бірлікке қалай жеткендерін айтуын өтінді.
Қарт үнсіз ғана жүз рет «сүйіспеншілік», жүз рет «кешірім», жүз рет «бірлік» деп қағазға мұқият жазып шығады.
Үш сөзді оқыған патша таң қалады.
-Иә,- деді ақсақал. –Барлық жақсы отбасылары тек осы қасиеттерден құралады, - дейді де, сәл ойланып, «және шыдамдылық» деген сөзді қосып қояды.
Отбасының бірлігі, татаулығы қайдан келеді? Ол кімге, неге байланысты? Әрбір адам оған жауапты ма? Неліктен?
Отбасында қандай бала, аға, іні, әпке, қарындасың?
Сендердің отбастарыңның татулығы мен бақыты қандай құндылықтар мен қасиеттерден құралған?
Балалар, біз бүгін сендермен «Отбасы татулығы» жайлы әңгіме қозғаймыз.
- Отбасы дегеніміз не?
- Отбасы дегеніміз бір үйде тұратын ең жақсы туыс адамдар. Ол адамдарды отбасы мүшелері дейміз.
- Сен отбасында кімсің?
- Мен отбасымның мүшесімін, әкем мен анамның баласымын, ата мен әжемнің немересімін.
- Отбасы мүшелері бір-бірімен қандай қарым-қатынас жасайды?
- Әңгімелеседі, бір-бірін сыйлайды, балалар үлкенді тыңдайды, бірге демалады.
- Отбасында қандай жағымды жақсы сөздер айтылады?
-Рахмет, қайырлы күн, ас дәмді болсын, жолыңыз болсын, көріскенше, кешіріңіз.
-Иә, дұрыс айтасыңдар балалар, бір шаңырақ астында тұратындардың бір-біріне сыйластығы, махаббаты, бауырмалдылығы,бір-бірімен ынтымағы жарастығы, бірлігі отбасы татулығын құрайды.
Әңгімелеу оқушылармен сұрақ-жауап түрінде жүргізіледі.
Дәйек сөз:
«Отан – отбасынан басталады»
Дәйек сөзді талқылау
Шығармашылық жұмыс, топтық жұмыс.
1-тапсырма бойынша балалар суреттерге қарап, отбасы мүшелерінің арасындағы ізгі қарым-қатынастарды тауып, әңгімелеп береді. Өз отбасыларында мысалға келтіреді.
2-тапсырмада оқушылар әрқайсысы өз отбасында мінез-құлық ережесін жасайды.
3-тапсырмада суретте берілген гүл, ара, күн, ай, кітап, жеміс ағашына қарап, олардың қайсысын өз отбасы мүшесіне теңейтінін және неліктен екенін айтып беру тапсырылған.
Топпен жұмыс жасау
Топпен ән айту.
Армансыз күнім болмайды
Бақытты жанмын сондада бірақ,
Көңілім кейде толмайды
Алаңсыз күліп жүрген кезде де,
Армансыз күнім болмайды.
Қайырмасы:
Аспанда күнде айналар түнге
Арманым өлсе сол қайғы
Бақытқа сенемін
Армандай беремін
Армансыз күнім болмайды
Армандап ғұмыр кешемін күнде
Бір үміт қалсын ішімде
Арманмен бірге өсемін менде
Адамбоп қалу үшін де
Қайырмасы:
Аспанда күнде айналар түнге
Арманым өлсе сол қайғы
Бақытқа сенемін
Армандай беремін
Армансыз күнім болмайд
Үй тапсырмасы.
«Менің отбасым» жайында әңгіме құрастырып келу.
Бағалау:
Бүгінгі сабаққа қатысқандарыңыз үшін рахмет! Бәріңізді өте жақсы қатысты деп бағалаймын!
Соңғы тыныштық сәті:
Баяу музыка қойылады. Балалар көздерін жұмып, бүгінгі сабақтан алған әсерлерін ой елегінен өткізіп, жаман қасиеттерден бойын аулақ ұстап, жақсы қасиеттерді жүрегіне сақтап алады.
Қорытындылау.
