Отбасы жарастығы 5 сынып Өзін - өзі тану пәні

Өзiн-өзi тану сабағының жоспары

Тақырып:       Отбасы жарастығы

Құндылық:  сүйіспеншілік        қасиеттер:  кешірімділік,  шыдамдылық

Мұғалiм:  Узакбаева Дарига  сынып:   5 а      оқушылар саны  20

Сабақ мақсаты:

• Балаларға  отбасындағы жарастық туралы түсінік бере отырып,сүйіспеншілік құнды сезім екенінің мәнін ұғындыру.

Сабақтың міндеттері:

• Отбасы жарастығы, татулығы туралы түсінік қалыптастыру
• Отбасында жағымды қарым-қатынас жасау іскерліктерін дамыту
• Өзара сыйластыққа тәрбиелеу

Ресурстар:

МР3, ән мәтіні, А4 ақ қағазы, оқулық, маркер, қарындаш

оқушы дәптері.

Сабақ барысы:

1.Ұйымдастыру кезеңi.  

5 – Т ережесін сақтау

  Тәртіп, талап, тыныштық, тазалық, татулық.

2.Тыныштық сәтi.(баяу музыкамен)

«Нұрға бөлену»                      

Мұғалім сыйы

3.Үй тапсырмасын тексеру.  

«Отбасы татулығы» аңыз әңгіме.

Сұрақтар:

• Сендер қалай ойлайсыңда, ауыл ақсақалы патшаға қандай жауап берді?
• Отбасындағы татулық пен бірлік болуы үшін қандай қасиеттер қажет?
• Өсиет әңгіменің мәні неде?
• Отбасының татулығын ұстап тұрған нендей қасиеттер екен?

Сабақ барысын талқылау:

4.Дәйексөз.          

«Алты аға бірігіп - әке болмас, 

 Жеті жеңге бірігіп - ана болмас»

• Қалай түсінуге болады?
• Алты аға бірігіп - әке болмас неге?

5.Әңгiмелеу (сұхбат).          

Отбасының берекесі имандылықтан басталады.

• Көрегенді отбасының баласы екенсің деп кімдерді айтады? Неліктен?
• Отбасының берекесі имандылықтан басталады. Неге?
• Отбасы жарастығы дегенді қалай түсінесіңдер?
• Отбасының сыйластығына қалай қол жеткізуге болады?
• Отбасының татулығы қандай табыстарға жеткізеді?

6.Шығармашылық жұмыс             

«Менің отбасым» атты  шағын әңгіме жазу.

7.Топпен ән айту.            

Анаға сәлем                         

8.Үй тапсырмасы.           

«Сыйластық» тақырыбындағы өлеңді мәнерлеп оқып келу.

9.Соңғы тыныштық сәтi.            

Тыныштық. бар жерде, тыныштық. бүкiл әлемде тыныштық.

Баяу әуен қойылды.  Оқушылар денесін, басын тік ұстап, көзін жұмып отырады.

 Жәй дауыспен:                                           

«Бүгінгі сабағымызды есімізге түсірейікші. Жақсыны естіп, айтып бәріміздің көңіл – күйіміз көтерілді. Ісіміз де, сөзіміз бен ойымыздай, болатынына сенімдімін.  Сабақта көрініс тапқан жақсы қасиеттер жүректерімізде сақталып, іс жүзіне асырылсын. Жақсы ой ойлайық, жақсы сөз сөйлейік, жақсы іс жасайық! Осындай тыныштықта сәл отыра тұрайық. Қандай жан тыныштығы! Енді жайлап көздеріңді ашуға болады»   рахмет!