Ойын ережесі деген не? Щ дыбысы мен әрпі.

Сынып: 1

Сабақтың тақырыбы: Ойын ережесі деген не? Щ дыбысы мен әрпі.

Осы сабақта қол жеткізілетін оқу мақсаттары (оқу бағдарламасына сілтеме):

1.7 Тыңдалған материал бойынша өз пікірін айту.

1.8 Берілген тақырыпқа әңгіме құрап айту.

1.9 Сөздерді, дыбыстарды орфоэпиялық нормаларға сәйкес дұрыс айту.

Сабақтың мақсаттары: Барлығы: Жаңа білімді меңгереді.

Көбі: Тақырыпты түсініп, тыңдап, жетекші сұрақтар арқылы талқылайды.

Кейбірі: Алған білімді өмірде қолдана алады.

Жетістік критерийлері: Айтылған сөздер мен сөйлемдердің көпшілігін дұрыс қайталай алады.

Нақты сөйлеу арқылы, мәселені түсінгенін көрсете алады.

Пәнаралық байланыс: Өнер, ана тілі сабағы.

АКТ қолдану дағдылары: Аудиожазба , таныстырылым.

Тілдік құзыреттілік: Плащ.

Сабақ барысы: Сабақтың басы.

Ынтымақтастық атмосферасын қалыптастыру 10 минут

Жарқырап күн де ашылады,

Айналаға нұр шашылады.

Қайырлы күн! Біз көңілді баламыз!

Қайырлы күн! Сәлемдесіп аламыз!

– Балалар, бір-біріміздің қолымыздан ұстап, алақан арқылы жүректің жылуын сезініп үйренген қандай тамаша, қандай қуаныш!

Щётка тұрлеріне қарай топқа бөлу:

1-топ: «Киім щёткасы»

2-топ: «Тіс щёткасы»

3-топ: «Шаң щёткасы»

Шаттық шеңбері

Щётка түрлері-нің суреттері.

Өткенді қайталау «Қар кесегі» ойыны. Қар кесегі қағаз па-рақтарындағы қайталауға арналған сұрақтарға жауап беру.

Сабақтың ортасы:8 минут

Миға шабуыл

Жұмбақ шешу

Тазартады киімді. 
Тазартады үйіңді. 
Не дейді бұл бұйымды? 
( Щётка)

- Балалар щетка сөзінде таныс емес дыбыс бар ма? (Щ ды-бысы).

Ой қозғау

Тапсырма:

1-топ: «Щ» дыбысы қандай дыбыс? Неге?

2-топ: Щётканың қандай түрлері бар? Қызметтері қандай?

3-топ: «Щ» дыбысы бар сөздер айту.

«Щ» әрпінің баспа, жазбаша түрін көрсету.

Дұрыс, балалар, Щ дауыссыз дыбыс. Айтылу ерекшелігіне қарай Ш дыбысына ұқсайды. Щ сөздің басында, ортасын-да, соңында келеді. Көбінесе басқа тілден енген сөздерде кездеседі. Щ әрпі жазылу жағынан Ш әрпіне ұқсайды.

Щ әрпі 4 элементтен тұрады.(3 ілмек,1 ілгек) Щ-негізгі және жоғарғы қосымша жолға жазылады. щ- негізгі жолға жазылады.

Жұмыс дәптерге жазу. Таныстырылым, оқулықпен жұмыс

Сергіту сәті:1 минут

«Үйін тап» ойыны: дауысты , дауыссыз дыбыстарды орындарына орналастыру.

Аяқталуы: 16 минут

Қызықты тапсырма:8 минут

№1 Оқылым. Балқаш көлі туралы бейнебаяннан көру.

Балқаш көлі – Қазақстанның оңтүстік – шығысында орна-ласқан. Каспий, Арал теңіздерінен кейін аумағы бойынша үшінші орында. Батыс бөлігінің суы тұщы, ал шығыс бөлігінің суы ащы болады. Балқаш көлі – Алматы, Қарағанды, Жамбыл және Шығыс Қазақстан облыстарын қамтиды. Бетпақдала жерімен шектеседі.

Мен не үшін Балқаш көлін айтып бердім. Осы бүгінгі Щ дыбысына қатысы бар ма, жоқ әлде қатысы жоқ па?

Бұл мәтінде «щ» дыбысы бар мағыналары қарама-қарсы сөздер бар. (Ащы-тұщы).

3 топқа тапсырма беру: Сөздерге дыбыстық талдау жасау

1-топ: Щётка

2-топ: Ащы

3-топ: Тұщы

№3 Кел,ойнайық.

Сабақтың соңы:2 минут

Рефлексия

Дифференциация – оқушыларға көбірек қолдау көрсетуді қалай жоспарлайсыз? Қабілеті жоғары оқушыларға қандай тапсырмалар қоюды жоспарлап отырсыз?

Бағалау – оқушылардың материалды меңгеру деңгейін тексеру жоспарыңыз?

Балық «аулау» ойыны.

Аквариумнан балықтар аулау. Әр балық ауланған сайын ащы, тұщы, щетка, сөздеріне сөйлем құрау.

 Мадақтау

Қолдау көрсету.

Қабілеті жоғары оқушылар айтылған сөздер мен сөйлемдердіңкөпшілігін дұрыс қайталай алады.

Оқушылар өздері жасаған бет-бейнелеріне қарап бір-біріне көңіл- күйлерін айтады. (қуанышты, көңілді, көңілсіз, ашулы)