Ойнай білуде ?нер

Сабақтың мақсаты: Оқушыларға достарының арасында өзара сыйластықтың дұрыс әрекет екендігін ұғындыру.

Міндеттері:

• Өзара сыйластық туралы түсінік беру;

• Шындықты айту қасиеттерін дамыту;

• Ынтымақтастыққа,батылдыққа тәрбиелеу.

Ресурстар:(құралдар, мәлiметтер)

Оқулық, жұмыс дәптері,

интерактивті тақта

үнтаспа.

Сабақ барысы:

1. Ұйымдастыру кезеңi. Тыныштық сәтi. (Су түбіне саяхат)

Денелеріңізді түзу ұстаңыз. Көздеріңізді жабыңыздар. Терең тыныс алып елестетіңіздер.

Біз сіздермен теңіз түбіңе саяхатқа барамыз. Ақырындап орындарыңан тұрып, кабинеттен шығып, далаға шығамыз. Қараңыздар алдарыңызда теңіз. Елестетіңіз, сіз теңіз жағалауымен келе жатырсыз. Жалаңаяқ жүріп, құмның жылуын сезіп келе жатырсыз. Теңізге қараңыздар, сіздер бір қара нүкте көріп тұрсыздар. Ол жақындаған кезде сіз ол қара нүктенің дельфин екенін көрдіңіз. Ол сізді теңіз түбіне саяхатқа апаруға келді. Дельфин ең адал жануар. Сіз ақырындап дельфиннің үстіне отырып, қатты ұстап алыңыз. Сізді дельфин ақырындап теңіздің түбіне жүзіп алып келе жатыр. Жан жағынызға қараңыз, әр түрлі балықтар. Оң жақтарыңызға қарасаңыздар қып – қызыл балдырлар, сол жақтарыңызға қараңыздар сары, көк түсті балықтар. Сізді дельфин ақырындап осы балықтардың арасымен жүзіп алып келе жатыр. Қараңызшы алдыңызда сегізаяқ. Өзі сондай үлкен. Теңіз түбі қандай ғажап десеңізші. Теңіздің түбіндегі тыныштықты сезіндіңізбе? Осы тыныштықта бір сәт отыра тұрыңыз. Енді артқа қайтуға дайындалыңыз. Дельфин сізді теңіздің бетіне алып келе жатыр. Теңіз бетіне шыққанда беттерңізге самал желдің үрлеп тұрғанын сезіндіңіздер. Дельфин сізді теңіз жағалауына алып келді. Сіз ақырындап дельфиннен түсіп, оған өз ризашылықтарыңызды білдіріңіздер. Оны сипаңыздар. Жылы құммен ақырындап артқа жүріңіздер. Мектептің есігінен кіріп, өз кабинетімізге ораламыз. Өз орындарына отырыныздар.

1. Үй тапсырмасын тексеру.

12-сабақ.

«Шаңырақ жарастығы» деген тақырыпқа шағын шығарма жазып келу.

• Шығарманы кім оқып береді?

• «Шаңырақ сәні – сыйластық» дегенді қалай түсінесіңдер?

Сабақ барысын талдау:

1. Дәйексөз.

«Бәрінен күшті адам-

өзіне өзі ие болатын адам.» (Сенека)

• Бәрінен күшті адам дегенді қалай түсінесіңдер?

• Өзіне-өзі ие болі дегенді қалай түсінесіңдер?

• Ал «Бәрінен күшті адам – өзіне өзі ие болатын адам» дегенді қалай түсінесңдер?

• «Бәрінен күшті адам-өзіне өзі ие болаын адам» дегеніміз – қандай жағдай болсада өзін өзі қолда ұстай білетін, дұрыс шешім қабылдай білетін адам.

• Жарайсыңдар, балалар.

• Ал енді осы дәйексөзді 3 топқа бөлініп айтайық.Қай топ мәнерлеп, жақсы айтады екен.

1. 1-қатар.

2. 2-қатар

3. 3-қатар.

4. 4-хормен.

• Жарайсыңдар, балалар. Ал енді барлығымыз дәптерімізді ашып, күнді жазып, тақтадағы дәйексөзді көшіріп аламыз.

1. Әңгiмелеу

Аяқталмаған ойын.

Жаз мезгілі. Асқар мен Айгүлді көріп кетейін деп ауылдан қалаға әжесі келген еді. Айгүл мен Асқар әжесін құшақ жая қарсы алды. Апалары шай дайындап, әңгіме-дүкен құрды.Әжесіде ауылдан бос қол келген жоқ. Айгүл мен Асқарға сыйлыққа доп әкеліпті. Айгүл мен Асқардың қуанышынды шек жоқ. Екеуі допты алдыда, аулаға шықты. Допты бір-біріне атып ойнай бастады. Бір кезде доп Айгулдің қолынан ұшып кетті де, басқа жақа домалап кетті. Сонда Айгүл:

• Асқар,сен барып допты алып кел,- деді.

• Жоқ, мен бармаймын. Сенғой допты ұстай алмаған. Өзің бар! - деді.

Айгул ренжіп тұрып:

• Допты әжеден мен бірінші алдым. Онымен қоса сен менен кішісің. Сондықтанда допты сен алып келу керексің. Әйтпесе доппен ойнатпай қоямын, - деп бұлданды.

Асқар не айтарын білмей, допқа қарай кетті. Допты алып, артына бір қарап, үйге қарай зуылдап кіріп кетті.Сонда Айгул не істерін білмей, алаңда аң-таң болып тұрып қалды. Осылайша Айгүл мен Асқардың ойыны аяқталмай қалды.

• Әңгіме кімдер туралы?

• Оларға ауылдан кім келді?

• Не әкеліп берді?

• Айгүлдің істеген әрекеті дұрыс болдыма?

• Әңгіменің негізгі түйені неде?

• Иә, балалар дұрыс айтасыңдар. Айгүлдің әрекеті дұрыс болмады. Себебі, ойын ойнағанда сыйластық болу керек. «Сен бар,мен бармайм» деген сөздер болмау керек.

• Сендердің ойларыңша ойынды қалай аяқтауға болатын еді?

• Жарайсыңдар, балалар.

1. Шығармашылық жұмыс, жеке жұмыс. Хат жазу.

• Ал енді барлығымыз тақтаға назар аударайық.

Тақтада балалар сурет ілініп тұр.

• Суретте не көріп тұрсыңдар?

• Осы отырған қызға ат қояеқшы?

• Мынау екі балаға ат қояеқшы.

• Ал балалар енді осы отырған қыздың әрекеті дұрыспа?

• Осы қызға хат жазыңдаршы. Мүмкін ол біздің хатымызды оқып, достарымен бірге ойнап, ойын түсінетін болар.

• Жарайсыңдар балалар.

1. Топпен ән айту. «Айналайын» әні.

1. Балалар тыңдайды.

• Ән не туралы?

• Әнді тыңдағанда қандай сезімде болдыңдар?

1. Топпен айту.

1. Екі ғасыр арасымын

Екі көздің қарасымын

Қазақстан болашағы

Тәуелсіз ел баласымын.

Жаңа өмірдің арнасымын

Елге аранлар бар асылым

Өнер білім жолын қуған

Ата-баба жалғасымын.

Қ-сы

Би билейік айналайын

Күй күйлейік айналайын.

Көркем сөздің көркін ашып,

Тамылжытып ән салайық.

Би билейік айналайын

Күй күйлейік айналайын

Екі өнерпаз сән болайық

Айналайын, айналайын, айналайын.

1. Өсіреді мені елім

Мәпелейді мені елім.

Асыл арман аялаған

Ұрпағымын артар сенім.

Екі ғасыр арасымын

Екі көздің қарасымын

Қазақстан болашағы

Тәуелсіз ел баласымын.

Қ-сы

1. Үй тапсырмасы.

• Кеспе қағаздар таратып беремін. Ол кеспе қағаздарда тақырыпқа байланысты сурет болады. Сол суретке байланысты шығарма жазып келу.

1. Соңғы тыныштық сәтi. Баяу музыка ойнайды. Балалар көзімізді жұмып, бүгінгі сабақтан алған әсерлеріңізді жүректеріңізге түйіп алыңыздар. Рахмет! Көздеріңді ашуға болады.