Мен таңдайтын мамандық ашық сабақ жоспары

Сабақтың тақырыбы: Ө. Ақыпбекұлы. Мен таңдайтын мамандық.

Жалпы мақсат: Оқушылар өлең мәтінін мәнерлеп және түсініп оқуға үйренеді. Мамандықтар туралы біле отырып, өлеңдегі ақынның айтпақ негізгі ой мен идеясын ұғынады.

Оқушылар үшін оқу нәтижелері: "Мен таңдайтын мамандық" өлеңін оқи отырып, мамандықтың адам өміріндегі маңыздылығын оқып үйренеді. Балалар бір-бірін оқыта отырып, орындалған тапсырмаларды тексереді.

Негізгі идеялар: Зерттеушілік әңгімеге төселеді. Ынтымақтаса жұмыс істеуге дағдыланады. Өз бетімен білімді меңгереді.

Сабақта қолданылатын материалдар: А-3, А-4 парақтары, стикерлер, оқулық, маркерлер, ребустар

Оқыту әдістері: Жаңа әдістер, СТО, диалог,жеке жұмыс, топтық жұмыс, СКТ, оқыту үшін бағалау және оқуды бағалау.

Дерек көздері: Оқулық және мәліметтер.

Сабақтың барысы: Оқушыларға психологиялық ахуал туғызу, топқа бөлу. Көңіл-күйлерін сұрап, қағаз таңдау арқылы топқа бөледі.

1-топ. Дәрігер

2-топ. Мұғалім

3-топ. Әнші.

4-топ. Құрылысшы.

Әр топтың топ басшысын сайлау.

Тотық жұмыс. Өлеңді мәнерлеп оқу. Өлеңді тізбектеп жатқа айту.

Жаңа тақырып.

Қызығушылықты ояту. Видео ролик көрсету.

- Мамандық не үшін қажет?

- Мамандық туралы не білесіңдер?

Сұрақтарға жауап береді.

Дәптермен жұмыс жасап, тақырыпты түртіп алады.

Мамандық туралы мәлімет айту. Ж. Аймауытов. "Мамандықтың жаманы жоқ, бірақ мұның кез- келгеніне икемділік қажет, бұл жай күнелту, тамақ асыраудың ғана жолы емес, үлкен өнерді, зор шеберлікті қажет ететін нәрсе" деген екен.

Ақын туралы түсінік беру.

Өтепберген Ақыпбекұлы (1950 – 2007) – ақын. Қызылағаш ауылы, Қапал ауданы (қазіргі Ақсу), Талдықорған (қазіргі Алматы) облысында туған.

Әр жылдары: «Доп», «Футболшы боламын», «Жарыс», «Жарыстан соң жарыс», «Жылдың төрт мезгілі», «Балабақтың бір күні»,. «Экологиялық әліппе», "Қырық қызық", «Балдай тәтті әліппе», «Ажарлы Астана», «Қызықты әліппе», «Айдындағы әліппе», «Керек кітап», «Мен таңдайтын мамандық», т.б. балаларға арналған өлең кітаптары мен кітапшалары жарық көрді.

Оқушылар өз бетінше іштей өлеңмен 1-минут оқып танысады.

Өлеңді дауыстап оқу.

Мағынаны ашу. Әр мамандықты жеке-жеке оқып ол туралы білетіндерін әңгімелету.

Мамандық түрлерін слайдтан көрсету.

Сөздік жұмыс. Ғұмыр - өмір, жалгер - жалданып жұмыс істейтіндер, ғанибет - игілік, игілікті іс.

Сергіту сәті: Әуенге би билеу.

Оқушылар өлеңге мұғаліммен бірге СКТ жасайды.

1. Авторы. Өтепберген Ақыпбекұлы.

2. Тақырыбы. Мен таңдайтын мамандық

3. Жанр түрі. өлең

4. Идеясы. Мамандықтың адам өміріндегі маңыздылығы

5. Шумақ. 8 шумақ

6. Тармақ. 34 тармақ

7. Буын - 8 буынды өлең

8. Ұйқас: Қара өлең ұйқасы

9. Өлеңнің тәрбиелік мәні. Мамандық түрлерімен таныс болуы. Мамандықты дұрыс таңдауға тәрбиелеу.

Мұғалімнің түсіндірмесі.

Өлең (поэзия) - белгілі бір өлшеммен қиыннан қиыстырып, үйлесімді ырғақпен ұйқасып келетін өрнекті сөз жүйесі.

Шумақ - аяқталған синтаксистік біртұтас ойды білдіреді.

Тармақ - бұл өлеңнің әр жолы.

Буын - сөздегі дауысты дыбыстардың санына қарай анықталады.

Дәрігер тобы: Мамандық сөзіне бес жолды өлең құрастыру.

Мұғалім тобы: "Кім болам?" тақырыбына эссе жазу.

Әнші тобы: Өлеңдегі анасының кім болар екенсің деп санамалап айтқан мамандық түрлерін топтастыр

Құрылысшы тобы: Мамандық туралы кім көп өлең біледі?

Ой қозғау.

Қызықты ойын.

1. Ең жасыл мамандық қандай?

- эколог, бағбан.

2. Ең "тәтті" мамандық қандай?

- аспаз, кондитер.

3. Ең "күлкілі" мамандық қандай?

- сайқымазақ.

4. Ең жауапты мамандық қандай?

- сот, дәрігер.

5. Ең салмақты мамандық қандай?

- мұғалім, заңгер.

6. Ең қарым-қатынасы күшті мамандық қандай?

-бизнесмен, кәсіпкер.

Үй жұмысын беру. "Мен таңдайтын мамандық" өлеңінен өзіңе ұнаған шумағын жаттау.

Бағалау. Критерийлер бойынша барлық топтың оқушыларының ұпай саны есептеліп, бағаланады.

Рефлексия. Бүгінгі сабақта алған тісініктеріңді "Күн" мен "Бұлт" астына стикер жапсыру арқылы анықтау.