Көбелекті бейнелеу

Сабақтың тақырыбы: Жемістер

Сабақтың мақсаты: Оқушыларға жемістер туралы түсінік беру.

Міндеттері:

1)Жемістердің атауларын дұрыс атауға, оларды ажырата білуге үйрету.

2) Дыбыстарды дұрыс, анық айтуын қадағалау. Есту қабілетін, ойлау қәбілетін дамыту.Жаңа сөздерді меңгеру арқылы сөздік қорын молайту.

3) Тазалыққа, денсаулығын да күте білуге тәрбиелеу.

Сабақтың әдіс-тәсілдері: Көрсету, түсіндіру, сұрақ - жауап, әңгімелеу.

Сабақтың көрнекілігі: Жемістердің макеттері, суреттері, сөздіктер, жемістер

Сөздік: Жемістер, тәтті,қышқыл.

Сабақтың барысы:

I.Ұйымдастыру бөлімі

-Амандасу;

-Қабылдағышты тексеру; (ПА-ПА-ПА)

II. Психологиялық дайындық

Арайланып таң атты,

Алтын сәуле таратты,

Жарқырайды күніміз,

Жарқырайды даламыз.

Қайырлы күн балалар!

Қайырлы күн қонақтар!

III. Тіл жаттығулары

-Сенің атың кім?

IV. Негізгі бөлім

а) Тақрыпты хабарлау

Тақырыпты оқушыларға жеке-жеке оқыту, хормен оқыту.

Сөздікпен жұмыс: Жемістер, тәтті, қышқыл (жекелей, хормен оқыту)

Оқушылар, жемістерде дәрумендер өте көп.Олар адамның дамуына, денсаулығына өте пайдалы. Сондықтан адамдар жемістерді көптеп пайдаланады және жақсы көреді. Бірақ жемістерді көп жесең немесе жумай жесең ауырып қалуың мүмкін. Бүгінгі сабағымызда біз бірнеше жемістермен танысамыз.

ә) Жаңа сабақты көрнекілікті пайдалана отырып түсіндіру. Жемістердің аттарын атау, оқушылар қайталау. Столдың үстіндегі жеміс макеттерін көрсете отырып аттарын қайталау.

Мынау-алма.

Мынау-алмұрт.

Мынау-апельсин.

Мынау-банан.

Мынау-киви.

б)Жемістерді көрсете отырып олардың түстерін ажырату

Алманың түсі – қызыл.

Алмұрттың түсі – жасыл.

Апельсиннің түсі – қызғылт сары.

Бананның түсі – сары.

Кивидің түсі – жасыл.

в) Жемістердің дәмдерін ажырату. Кесілген жемістерді оқушыларға жегізе отырып олардың дәмдерін ажырату. Олардың қышқыл немесе тәтті екендігін айтады.

Мынау- тәтті.

Мынау –қышқыл.

V. Сергіту сәті.

Әуен ырғағымен билеу.

VI. Бекіту сұрақтары

-Мынау қандай жеміс?

-Алманың түсі қандай?

-Бананның дәмі қандай?

VII. Қорытындылау.Оқушыларды ынталандыру бағалары.

-Оқушылар сендерге сабақ ұнады ма?

-Қонақтармен қоштасамыз.

Сабақтың тақырыбы: Көбелекті бейнелеу (Кляксография)

Сабақтың мақсаты: Қылқаламды дұрыс ұстау дағдысын меңгерту;

Міндеттері:

1) бояуды таңдауға, бірнеше түстерді қосу арқылы қажетті түс шығарып алуға үйрету, «кляксография» тәсілімен таныстыру;

2) Әріптерді дұрыс, анық айтуын қадағалау. Есту қабілетін, ойлауын, шығармашылық қабілеттерін дамыту.

3) Тазалыққа, жұмыс жасау барысында тиянақты болуға тәрбиелеу.

Сабақтың әдіс-тәсілдері: түсіндіру, сұрақ - жауап, әңгімелеу, кляксография.

Сабақтың көрнекілігі: Суретті картиналар, сөздіктер

Қажетті құралдар: көбелектің эскизі, гуашь, қылқалам

Сөздік: көбелек, қылқалам

Сабақтың барысы:

I.Ұйымдастыру бөлімі

-Амандасу;

-Қонақтармен амандасу;

-Қабылдағышты тексеру; (ПА-ПА-ПА)

II. Психологиялық дайындық

-Сабаққа кіріспес бұрын сабағымыз жақсы өтуі үшін бір-бірімізге жақсы тілектер тілейік.

III. Тіл жаттығуы

-Әділ, аты-жөніңді толық айт.

-Нұрислам, аты-жөніңді толық айт.

IV. Негізгі бөлім

1)Мен тимеймін, жасқанба,

Дос болайық, көбелек.

Жайнап тұрған бақшамда

Гүлдерімді көре кет.

Тұтқиылдан састыра,

Жаңбыр жауса себелеп,

Тақиямның астына

Тығыла ғой, көбелек.

Оқушыларға тақырыпты хабарлау.(жекелей оқыту, хормен оқыту)

Сөздікпен жұмыс: көбелек – ұшатын жәндік, қылқалам – сурет салуға арналған құрал (жекелей, хормен оқыту)

Оқушыларға көбелектің суретін көрсету.Атын атау.Оқушыларға айтқызу.

Көбелектер сүйкімді жәндіктердің бірі. Олардың екі қанаттары болады, солардың көмегімен олар ұша алады.Олар көбінесе гүлдерді жақсы көреді.

2) Практикалық бөлім

Алдымен көбелектің суретін қақ ортасынан бүктеп аламыз .Қылқаламды суға маламыз, гуашьтің түсін таңдаймыз.

Көбелектің оң жақ қанатын қылқаламның көмегімен түрлі-түсті бояулармен

бояп шығамыз. Көбелектің сол қанатын оң қанатымен беттестіреміз.

Сергіту сәті

Орнымыздан тұрамыз,

Алақанды ұрамыз.

Бiр отырып, бiр тұрып,

Тез шынығып шығамыз.

V. Бекіту

-Нұрислам сен не істедің?

-Әділ сен не істедің?

VI. Қорытынды

-Сендерге сабақ ұнады ма?

-Қонақтармен қоштасыңдар.

-Сау болыңдар.

Ақтөбе облыстық арнайы (түзетім) есту қабілеті бұзылған балалар мектеп-интернат-колледжі

Ашық тәрбие сағаты

Тақырыбы: «Көбелекті бейнелеу.Кляксография»

0 «а» класс тәрбиешісі: Есжанова .М

2015-2016оқу жылы

Ақтөбе облыстық арнайы (түзетім) есту қабілеті бұзылған балалар мектеп-интернат-колледжі

Ашық тәрбие сағаты

Тақырыбы: «Жемістер»

0 «а» класс тәрбиешісі: Жумадуллаева Л.И

2015-2016оқу жылы