Тақырыбы: Табиғатты аялай біл.
Мақсаты: Табиғатты қорғау,экология жөнінде түсінік беру.Табиғатты қорғауға, оған қамқорлық жасауға тәрбиелеу.
Көрнекілігі:қанатты сөздер, суреттер, сөзжұмбақ, мақал-мәтелдер, экологиялық карточкалар.
Түрі: аралас
Әдісі: әңгімелеу,көрнекілік,сұрақ-жауап,ойын т.б.
Өту барысы: І Ұйымдастыру.
ІІ Мұғалімнің кіріспе әңгімесі.
Табиғатты қорғау бәріміздің борышымыз.Өйткені қазір орманымыз кесіліп,теңізіміз тартылып,құнарлы жеріміз сортаңдап,ауа ластанып жатыр.Осының бәріне ертеңін ойламаған өзіміз кінәліміз.Үлкен түйінді мәселелер туралы ақылы асып туған ағаларымыз әр кезде келелі ой айтқан.Сол айтылған сөздерге көңіл аударайық.
«Экологиялық проблемалар – ең маңызды өмірлік проблемалардың бірі ғой,өйткені әңгіме адамның өмір сүрген ортасы туралы, болашақ ұрпақтардың өмірі туралы болып отыр» Ш. Айтматов.
«.біз табиғаттың өзін қайта түлететін ұрпақпыз.Жер,су,ауа – адам баласының ұрпағынан ұрпағына мұра болып келе жатқан мол қазына.
Әрбір ағашты,бұтақты,жалғыз дәнді де ыждаһаттылықпен сақтау,қамқор болу – басты міндеттің бірі». Ы.Жақаев.
«Табиғатты сүйем,сұлулыққа бас ием» Дж.Байрон.
Бұл айтылған сөздерден асырып айту мүмкін емес,көкейінде сәулесі бар жан жауапкершілік деген ұғымды санасынан шығармауы тиіс!
Балалар,экология мәселесі бүгінгі сабағымыздың негізгі мақсаты болғандықтан,табиғатты аялау,қоршаған ортамыздың тазалығы туралы ой бөлісеміз.Жай ой бөліспей,білімімізді сынайық,сондықтан 2 топқа бөлінеміз.
І топ: «Жасыл желек»
ІІ топ: «Мөлдір бұлақ»
1.Топтар ана тілі пәнінен экология мәселесі бойынша оқыған тақырыптардан сұрақтарға жауап береді.
2.Оқушылардың тақырыптық әдеби-монтажын тыңдау.
3.Географиялық сауалнама.
Мына тапсырмаларды алып,топпен жауап бересіңдер.
1).Дүниедегі ең терең көл қалай аталады?(Байкал)
2)Теңіз деп аталатын қандай екі көлді білесіңдер?(Арал,Каспий)
3) «Әлемнің шыңы» деп қай тауды атайды?(Памир)
4)Жылу сүйгіш өсімдіктерді ата.(Мақта,бидай т.б.)
