Ауа және оның қасиеті

Сабақтың тақырыбы: Ауа. Ауаның қасиеттері

Сабақтың мақсаты:  Ауаның қасиеттерімен таныстыру.

Сабақтың міндеттері:

1. Ауаның серпімді, сығымды екенін дәлелдеу және тәжірибе арқылы оқушыларға ғылыми түсінік беру.

2. Оқушылардың ой –өрісін, танымдық белсенділіктерін арттыру, сөйлеу тілін дамыту.

3. Оқушыларды экологиялық тәрбиеге баулу.

Әдісі:   тәжірибе  жұмысы, түсіндіру, сұрақ –жауап

Көрнекілігі: слайдтар, тәжірибеге қажетті заттар.

Сабақтың барысы:

І. Ұйымдастыру кезеңі:

1. Психологиялық дайындық

Қоршаған орта табиғат,

Жануар, өсімдік, адамзат.

Сүю, қорғау – парасат,

Білейік мұны жамағат.

Топқа бөлу

І топ- Алғырлар

ІІ топ-Тапқырлар

ІІІ топ-Білгірлер

-Балалар әр топта бір топ басшы болады. Сол топ басшысы сабаққа қатысып отырған балаларды өзінің парақшасына белгілеп отырады.Сабақтың соңында парақшадағы балдарды қосып баға шығарамыз.

ІІ. Үй тапсырмасын тексеру.

Үйге:Денелер. Заттар.Табиғаттағы құбылыстар

1-топ: Мәтінді әңгімелейді 2-топ:Табиғаттағы өзгерістер туралы сурет салу 3-топ:Табиғат туралы шығарма жазу

Бекіту сұрақтары.

1.Денелер неден тұрады?

2.Тірі және өлі денелер арасында қандай айырмашылық бар?

3.Жасанды денелерді ата.

4.Табиғат құбылыстарын ата.

ІІІ. Жаңа сабақ

-Балалар осы табиғаттағы адам, кез- келген тіршілік иесі өмір сүруі үшін нелер қажет?

-Балалардың жауаптары тыңдалады.

Көзге көрінбейді,
Жұтсаң білінбейді.
(ауа)

Яғни бүгін біз « Ауаның және оның қасиеттеріне» тоқталамыз.

Күннің жады:

Сабақтың тақырыбы

-         Деміңді ұстап қанша уақытқа дейін тұра аласыздар?

Ауа қабаты бізді және біздің ғаламшарымыз – Жерді қоршап тұр. Осы қабатты атмосфера деп атайды. Ол біздің планетамыз Жерді Күннің радиациясынан қорғайды. Егер ауа қабаты жойылып кетсе, онда тіршілік жойылады. Күннің ыстық сәулесі түгел күйдіріп жібереді.

Ауа көзге көрінбейді. Біз оны көрмейміз. Бірақ айналамызда екенін білеміз. Біз сабын көпіршіктерін ұшырғанда немесе желпуішті желпігенде ауаның қозғалысын байқай аламыз. Ауа - физикалық дене. Физикалық дене - заттардан тұрады. Ауа - газдардың қоспасы. Оның иісі де, түсі де және иісі болмайды. Ол газдардың ішінде оттегі мен көмірқышқыл газы сендерге таныс. Ағзалар тыныс алғанда оттегін сіңіріп, көмірқышқыл газын шығарып отырады.

- Ауа мөлдір. Бұған айналамыздағы заттарды көзге көре алатынымыз дәлел. Таза ауаның иісі жоқ. Ауа иіссіз. Ауа серпімді, сығылады. Допты алайық. Оны қолыммен қысамыз. Бүйірі қабысады. Бұл кезде ішіндегі ауа сығылады. Қолымызды жіберсем, серпіліп қайта орнына келеді. Серпіліп тұрған – ауа. Допты жерге ұрып, оның секіргенін байқау. Допты секіртіп тұрған не ? Ауа. Олай болса ауа серпімді.

Азот-78% Оттегі-21% Көмір қышқыл газы-1%

Мұғалім мәтінді оқып түсіндіреді. Бейне жазба көрсетіледі.

Тәжірибе жасау

Балалар біз қазір түрлі тәжірибелер жасап көреміз..

№1 тәжірибе . Стақанға су құйып , оған бір түйір топырақ тастаңдар. Су бетіне шыққан көпіршіктер нені білдіреді? Қорытынды жасайық. Демек топырақта да ауа бар.

№2 тәжірибе.Стаканға су құйып, қозғамай қойып қойыңдар.Біраз уақыттан кейін стаканның ішкі қабырғасына ұсақ көпіршіктер тұрады. Бұл нені көрсетеді? Демек судың ішінде де ауа бар.

№3 тәжірибе. Қолбаның түтігіне өздерің үрлеп ойнайтын шарды кигізіп, ауа шықпайтындай етіп байлап тастаңдар.Енді қобаны жайлап қыздырыңдар.Біраздан кейін шар ауаға толып, торсияды.Содан кейін қолбаны үстелге қойып салқындатамыз.Оның ішіндегі ауа сығылады, көлемі кішірейеді.Қолбадағы ауа ортайғандықтан шардағы ауа кері құйылып, шар солып қалпына келеді.Яғни ауа қызғанда көлемін ұлғайтып, суынғанда кішірейтеді.

Сергіту сәті.

Мәтінмен жұмыс

-Балалар мәтінді мәнерлеп оқиды.

Дәптермен жұмыс

Топтық жұмыс

1-топ: Ауаның қасиеттерін жазады. 2-топ: Ауаны ластайтындарды жазады. 3-топ Ауа таза болу үшін не істеуіміз керек?

Бекіту

- Балалар біз бүгін ауа туралы не білдік?

- Ауаның қасиеттері қандай ?

-Ауа таза болу үшін не істеуіміз керек?

-Жер бетіндегі тіршілік үшін ауаның қандай маңызы бар?

Үйге тапсырма беру.

Кері байланыс

бағалау.