kopilkaurokov.ru - сайт для учителей

Создайте Ваш сайт учителя Курсы ПК и ППК Видеоуроки Олимпиады Вебинары для учителей

Ашық сыныптан тыс іс- шара

Нажмите, чтобы узнать подробности

«Ана – өмірдің шуағы»

Күні: 05.03.2016

Сабақтың  мақсаты: 1. 8-наурыз аналар мерекесі жайлы мағлұмат беру. Оқушылардың наурыз айының ерекшелігімен таныстыру. Ананың қадір қасиеті туралы айту.

2. Балалардың ой өрісін танымын, анаға деген сүйіспеншілігімен құштарлығын одан әрі дамыту.

3. Үлкенге құрмет, кішіге ізет көрсете білуге тәрбиелеу. Ананың махаббатын аялауға, ана мейрамын бағалауға тәрбиелеу.

 Сабақтың түрі: Сыныптан тыс ашық сабақ

Сабақтың әдісі: Түсіндіру, баяндау, әңгімелеу, сұрақ-жауап.

Көрнекі құралдар: плакаттар, суреттер, кеспе қағаздар, слайд

Сабақтың бырысы: І. Ұйымдастыру кезеңі

Оқушылар тік тұрып тұрады.

-Сәлеметсіңдерме құрметті аналар, әжелер, аяулы менің қыздарым! 8-наурыз халық аралық айелдер күні құтты болсын! Сіздерге ұзақ ғұмыр, бақытты өмір, отбасыларыңызға амандықпен қуаныш тілейміз.

Бүгінгі «Ана-өмірдің шуағы» ертеңгілігіміздің қсіздердің құрметтеріңізге арнаймыз. Біздің оқушыларымыз шағын концерттерін дайындап келді.

Адина:

Той пердесін ашайық

Тойға шашу шашайық

Аналардың құрметтеп

Ән маржаның шашайы

Хор: «Ана» бүкіл сынып

Арайлым:

Құтты болсын, ардақты ана

Асыл анам мерекең

Құтты болсын берекең

Қуанышты мерекең

Жалғас:

Өмірдің иесі сен, ғазиз Ана

Келтірген дүниеге нелер дана

Анасыз батыр да жоқ, ақын да жоқ

Өмірдің алтын кілті сонда ғана

Аяулым:

Адамзат қуат алар ақ сүтіңнен

Мәпелеп, әлдилеген пейлің кең

Аналық махаббатың кәусар бұлақ

Сөнбейтін ақ жүрегің мәңгі шырақ

Алмас:

Алтын Анам жасымнан аялаған

Мен үшін игілікті аямаған

Сабақтан шаршап үйге келгенімде

Бал сөзі-жаным деген, сая маған.

Наргиз:

Бал бөбегін баптаған

Мамам үшін мақтанам

Аялайтын біздерді

Көп жасасын жақсы адам.

Еркежан:

Ақ жүректен сақтаған

Жарқын күлкі бақмаған

Ақ бітіңнен сүйемін

Келші, келші, ақ мамам.

Сахналық көрініс: «Бәрінен жақсы»  (Айнель, Ақнұр, Айжанар)

Айнель: Бір күні  кішкентай бала анасынан адасып қалыпты. Ол анасын іздеп, бақырып жылайды.

Ақнұр: -Сен неге жылап жүрсің?

Айжанар: -Мен анамнан адасып кеттім.

Ақнұр: -Сен жылама. Казір мен сені анаңа алып барамын. Сенің анаң қандай еді?

Айнель: -деп сұрады. Сонда бала жылап тұрып:

Айжанар: -Менің анам-ең жақсы адам, ол бәрінен де жақсы!

Айнель: деп айтты бала.

Тақпақ кетеді:

Аянат:

Өмірді ащы-тұщы аралаған

Сондықтан Анам ойы дана маған

Жайқалып жауқазындай өсіп келем

Өсірген ержеткізіп панам-Анам.

Ералы:

Бал Анам, асыл Анам, таңым да Анам

Мен сенен қуат алам, жолын да алам

Күн болып көңілімді күйге бөлеп

Арнадың өміріңнің бәрін маған.

Ерали:

Айналайын Анашым

Әлпештеген мамашым

Еміп өскен бөпеміз

Маматайдың мамасын.

Диана:

Ақ қабақты анашым

Күн көкірек мамашым

Ақ сүтіңнен суардың

Бөбегіңнің санасын

Наз:

Менің Әжем, гүл Әжем

Алтын Әжем, күн Әжем

Анам үшін, мен үшін

Нағыз ана тілі –Әже

Аяжан:

«Балапаным» дейді әжем

«Балақаным» дейді әжем

Ұзақ күнге бүкшеңдеп

Біздің қамды жейді әжем

Ескендір:

Анам кетті жайлауға

Оны іздеп қайғырма

Анаң саған келеді

Ақ сүтінен береді

Би: «Флеш-моб» ( Ескендір, Алина, Аяулым, Зере, Ислам, Ерали, Сырым)

Тақпақтар кетеді.

Алина:

Ерлік еткен біз үшін

Еркелеткен біздерді

Еркіндіктен біздерді

Анамызға мың сәле

И.Ислам:

«Жаным»-дейсің мені

Жаратушым-бір сен

Жанашырым-білсең

Айналайын ана!

Ақнұр:

«Күнім» -дейсің мені

Күн мейірі сенде

Күннің ыстық лебі

Құшағына теңбе?

Айналайын ана!

Сырым:

О, аналар осындайсың бәрінде

Осындасың жасында, кәрінде

Сыйынатын осы өмірде құдірет

Сыйынар ем ана деген тәңірге

Зере:

Ана дейміз бәрімізде аңқылдап

Ана дейді жас сәбиде жарқылдап

Ана деген бәйтерегі өмірдің

Ана деген алтын қазық алтын бақ!

Бекнұр:

Мамам менің, ақ мамам

Гүлді маған баптаған

Жырды маған жаттаған

Жұрттын бәрін мақтаған

Мамам менің, ақ мамам

Айжанар:

Мәпелейсің мені, анам

Қолыңдағы құсындай

Құлпыра өсіп демалам

Құшағында қысылмай.

Оқушылар КВН қояды

1.     «Мистер Мускул»  (Таңат, Алихан, Алмас)

2.     «Автобустағы ұрлық» (Айнель, Сырым, Алихан)

3.     «Сүйек» (Аяжан, Ералы)

Ән: «Құттықтаймын, мама, туған күніңмен! ( Адина, Арайлым,Жалғас, Ақнұр, Ислам, Наз)

Оқушылар вальс билейді. (Таңат, Еркежан, Расул,Айжанар, Алмас,Алихан, Айнель, Адина)

-Ал, енді біздің ұлдарымыз қыздарға арнап олең шұмақтарын айтып, сыйлықтарын береді. Ұлдар тақпақтарын айтады.

Бүкіл сынып шығып хормен «Аналар, әжелер сіздерді 8- наурыз мейрамдарыңызбен құттықтаймыз!

-Осымен бүгінгі сіздерге арналған шағын концертіміз аяқталды. Келе жатқан мерекелеріңіз құтты болсын.

Просмотр содержимого документа
«Ашық сыныптан тыс іс- шара»

Тақырыбы: Жұлдызды қала – Астана

Мақсаты: Оқушыларды әсем қаламыз Астанамен таныстыру. Елорда туралы білімдерін толықтыру. Еліне деген сүйіспеншілікті арттыру, патриоттық сезімге тәрбиелеу, дүниетанымын кеңейту. Туған жерін сүйе білуге, Отанымызды өркендетуге білімді жас ұрпақтар тәрбиелеу.

Көрнекілігі: Астана қаласы туралы видеоролик, Астана қаласының көріністері /суреттер/

Барысы:

Мұғалім: Балалар, біз күнделікті өмірде бір-бірімізбен сөйлесеміз, пікір алысамыз, әңгімелесеміз. Біздің туып-өскен жеріміз – Қазақстан Республикасы. Көптеген ғасырлар бойы ел басқаруға дана басшыларымыз кең-байтақ жерімізді сырттан төнген қауіп-қатерден қорғап келеді. Жер бетінде азаттықтан асқан бақыт та, байлық та жоқ. Қазақ халқы – ер жүрек, достыққа адал, бауырмал, қонақжай халық. Қазақстанда ынтымағы жарасқан көптеген ұлт өкілдері тұрады. Қазақстан бүгінде дүниежүзінің көптеген елдерімен достық байланыс орнатқан, бүкіл әлем таныған елге айналды. Олай болса мына бір әнді тыңдайық.

Ән. Астана.

Иә, балалар, бүгінгі сабағымыз Елордамыз Астана туралы болмақ. Ал қанекей балалар араларында Астана қаласына барғандарын бар ма?

Сендер Астанаға бардыңдар, сол жайлы айтып беріңдерші. Қане балалар кімде қандай сұрақ бар екен. /Астана қаласына барып қайтқан оқушыларға сұрақ қою/

1-жүргізуші: Сәлеметсіздер ме, құрметті мұғалімдер және оқушылар!

2-жүргізуші: Бүгінгі «Жұлдызды қала – Астана» атты тәрбие сағатымызды бастауға рұқсат етіңіздер.

1-жүргізуші: Астана дегенде жүрегі сыздамайтын жан бар ма?

2-жүргізуші: Сәбиден қарттарымызға дейін Астана дегенде ішкен асын жерге қояды.

1-жүргізуші: Олай болса құрметті қонақтар барлығымыз Астана қаласына саяхат жасайық.

2-жүргізуші: Саяхатқа бару үшін балалар барлығын осы саяхаттың демеушісі Әбдікәдір ағайдың тапсырмаларын орындауларын керек.

Мұғалім: Балалар Астана қаласына бару үшін пойызға отыруымыз керек.

Аралдан пойызға отыру үшін барлығымыз бірге сөзжұмбақ шешейік.

1)Қазақ халқының ұлттық музыка аспабы.

2)Қазақстан Республикасының елбасының есімі.

3)Қазақстанның тұңғыш ғарышкері.

4)Қазақ халқының ұлы ақыны.

5)Ас атасы

6)Қазақстан Республикасының рәмізі.













































Сонымен біз Қызылорда қаласына келдік. Бұл қаладан біз басқа пойызға отыруымыз қажет. Ол үшін балалар сендер Қазақстанның бұрынғы астаналарын еске түсірулерін керек.

1-оқушы: Қазақ жерінің бас қалалары

Батыс түрік қағанатының астанасы – Суяб

Қарахан мемлекетінің астанасы – Баласағұн

Қарлұқ қағанатының астанасы – Қойлық

Оғыз мемлекетінің астанасы – Янгикент

ХІІ-ХІV ғ.ғ. Қыпшақ хандығының, ХІV-ХV ғ.ғ. Ақорда мемлекетінің, 1446 жылдан бастап Әбілқайыр мемлекетінің және ХVІІ ғасырға дейін Қазақ хандығының астанасы – Сығанақ

Қазақ хандығының саяси және рухани астанасы – Түркістан

2-оқушы: Орынбор. 1920 жылдан бастап Қазақстанның тұңғыш астанасы Орынбор қаласы болды. Кейіннен ол Ресей құрамына қабылданады.

3-оқушы: Қызылорда. 1925 жылы Қазақстанның астанасы Қызылорда қаласына көшірілді. Қызылорда қаласының бұрнағы атауы Ақмешіт болатын.

4-оқушы: Алматы. Түрксіб құрылысы астананы Алматыға көшіруде басты себеп болды. Бұл заң жүзінде 1927 жылы, іс жүзінде 1929 жылы жүзеге асырылды.

Мұғалім: Міне балалар, біз Қазақстанның бас қаласы болған өзге қалаларды да еске түсіре отырып, біз Астанаға да келіп жеттк. Енді балалар экранға назар аударып Астана қаласын аралайық. /Астана қаласы туралы видеоролик/

1-жүргізуші: Сарыарқа даласында, Есіл өзенінің жағасында әлемді өзіне қаратқан жаңа қала бой көтерді. Ол біздің Елордамыз – Астана.

2-жүргізуші: Достық пейіл – татулықтың тірегі.

Біздің халық бейбіт өмір сүреді.

Бар әлемді бір өзіне қаратқан

Елордамыз - Еуразия жүрегі!

1-жүргізуші: Біз бүгінде бүкіл еліміздің игілігі болып табылатын жаңа астанаға ие болдық.

2-жүргізуші: Жаңа елорда Отанымыз үшін біздің сүйікті Қазақстанымыздың жаңа болашағының жарқын да ізгі беташары болды.

1-жүргізуші: Астана аз ғана уақыт ішінде әлемде өзіндік келбеті бар аймен, күнмен таласқан әсем қалаға айналды.

2-жүргізуші: Астана сан-түрлі арман қиялдарды жүзеге асырып, сан-қилы тағдырларды тоғыстырып жатқан керемет те көркем қала.

1-жүргізуші: Астанамыздың көркеюі елбасымыз Нұрсұлтан Әбішұлы Назарбаевтың арқасы екенін білуіміз керек.

2-жүргізуші: Елбасымыз айтқандай, жана әлемдегі жаңа Қазақстанның жаңа Астанасы әрі жас Астанасы қайсымыздың болса көкірімізде арайлы рухты оятады.

1-жүргізуші: Сарыарқа самалымен тербелген ерке-Есілдің бойындағы ғажап қала-ол біздің Астанамыз.

2-жүргізуші: Есіл өзені қаланы екіге бөліп жатыр. Есілдің оң жағалауында көбіне тұрғын үйлер орналасқан, ал сол жағалауы жалпы Қазақстанның саяси орталығы болып табылады.

1-жүргізуші: Есіл өзенінің сол жағалауында Президент Ақ Ордасы, Парламент Сенаты мен Мәжіліс үйлері, Конгресс холл, «Интерконтиненталь» қонақ үйі, тағы басқа негізгі экономикалық, саяси орталықтар орналасқан.

2-жүргізуші: Астана тек қана әкімшілік қала емес, халықаралық деңгейдегі жоғары оқу орындары, ғылыми мекемелері, театрлары мен музейлері.

1-жүргізуші: Балалар енді бәріміз бірге Астана қаласының көрнекі жерлерін аралап, олармен таныс болайық.

2-жүргізуші: «Астана -Бәйтерек» монументі Елорданың басты көрнекті орындарының бірі. Есіл өзенінің сол жақ жағасында жапырақ жайған «Астана-Бәйтерек» заңғар көкке құлаш ұрды. "Бәйтеректің негізгі идеясы — ол Бейбітшілік Ағашы. Мұндай ағаштың басты қызметі әлемнің үш деңгейлі құрылымын біріктіру: төменгі жерасты, жер үсті және аспан әлемі. Биіктігі 105 метрлік, салмағы 1000 тоннадан асатын металл құрастырмалар 500 тіреу-қадаларға бекітілген. Әлемде тұңғыш рет диаметрі 22 метрлік, салмағы

300 тонналық күн сәулесімен құбылып тұратын әйнектен жасалған шар

97 метрлік биіктікке көтерілді- бұл Қазақстанның жаңа елордасының

1997 жылдан бастап пайда болғанын еске салады.

1-жүргізуші: 97 метрлік биіктікте, шардың ішінде жаңа елорданың келбетін алақанға салғандай көрсететін панорама залы орналасқан. Күміс тұмар — Нұрсұлтан Назарбаевтың алақанының таңбасы салынған. Ол мемлекетті және оның азаматтарының бейбіт өмірін, достығы мен келісімін қастерлеп сақтауға үндейді. Астанада әлемдік діндердің бірінші сьезі өткізілуі монументке үлкен маңыз береді. Рухани көшбасылардың бірінші сьезінен кейін «Аялы алақан» жанында тағы бір ұстын пайда болды. Онда Қазақстан жеріне әлемнің 17 елінен келген әлемдік діндер көшбасшылары қолтаңбалары мен тілек-батасын қалдырды. Жаңарған елорданың көркін аспанмен таластырған «Астана-Бәйтерек», сәулет өнерінің жаңару нышаны, Астана символы, Қазақстан символы болып отыр.

2-жүргізуші: "Атамекен - Қазақстан картасы" этно-мемориалдык кешені. Қазақстан кең байтақ. Бірақ оны алақанда тұрғандай көруге, оның сәулеті мен жерінің тарихымен танысуға болады, балалық арманыңды жерде тұрып этно-мемориалды кешенде өзіңді бейне бір ертегінің алыбындай сезінуге болады. Жоба «Каздизайнда» белгілі сәулетшілер мен дизайнерлерді тартудың арқасында жүзеге асты. Табиғат пен адамның тартуынан тұратын танымал Қазақстанның кішірейтілген нұсқасы 1,7 гектар ауданды – екі футбол алаңын алып жатыр. Мемлекет басшыларының аллеясы таяу жерде орналасқан саяси репрессия құрбандарына арналған монументпен байланысады. Қартада 14 облыс пен бірге республикалық маңызға ие, Астана, Алматы қалалары орналасқан.

1-жүргізуші: Президент саябағы Бейбітшілік және келісім сарайы мен Ақорданың жанында орналасқан. Паркте "Самұрық құс", "Төменгі алаң", "Үлкен каскад", "Грот", "Көл - қайнар көз" атты бес су бұрқақтары кешені, сегіз жасанды тоған мен каналдар бар. Саябақтың орталық бөлігі көп адамның қатысуымен өтетін салтанатты шараларды өткізуге арналып салынған, 1 мың автокөлікке арналған тұрағы бар. Журналистерге берген сұхбатында президент саябақтың жалпы аумағы 83 гектарды құрайтынын айтты. "Бұл үлкен аумақ. Мұндай саябақ тек Қазақстан ғана емес, жалпы ТМД аясында жоқ. Біз оны ұлғайта түсетін боламыз. Бұл Елорда тұрғындарының ең тамаша, ең сүйікті демалыс орнына айналады", -деді Нұрсұлтан Назарбаев.

2-жүргізуші: Ғашықтар саябағы. Ол Есілдің сол жағалауында орналасып,

14 мың гектар аумақты алып жатыр. Саябақтың жобасын USB Group тобы жасап, құрылысын "Қазгерстрой" ЖШС салды. Саябақ аумағында 3,5 мың түп ағаш отырғызылып, 5 мың шаршы метрге гүлзарлар мен 116 мың шаршы метрге шөп егілді. Ондағы субұрқақтар автоматты түрде жұмыс жасайды.

1-жүргізуші: Бейбітшілік пен ынтымақтастық сарайы. Ол 25 қабаттан тұрады. Оның жалпы көлемі 25,5 мың шаршы метр. Астанадағы бейбітшілік пен ынтымақтастық сарайы сияқты архитектуралық наным нысандары бүкіл әлемде жоқ. Әрине әртүрлі діни дәстүрлерді бір шаңырақтың астына жинайтын ғимараттар бар, дегенмен, Қазақстан храмының олардан айырмашылығы – өзара келісім аясында тиімді сұхбат құруға арналған бір ғана алаңқай.

2-жүргізуші: "Қазақ елі" монументі дәл осылай аталатын жаңа алаңның ортасында бой көтерді, ол Астананың символдық мәнге ие нысандары - Бейбітшілік пен келісім сарайы, Тәуелсіздік сарайы, Өнер университетімен бірегей ансамбль құрып тұр. “Қазақ Елі” монументінің жалпы аумағы 16 гектар. Ал негізгі ескерткіштің биіктігі тәуелсіздік алған жылдың символы ретінде 91 метрді құрайды.

1-жүргізуші: Тәуелсіздік сарайы.Үш этаждан тұратын Сарайдың өзіндік архитектуралық ойынан шығады. Бірінші этажда бір мезгілде 3100 адамды орналастыратын жиналыс залы бар. Тәуелсіздік сарайының ерекше мақтанышы болып үшінші қабатта орналасқан Астананың тарихына арналған мұражай «Астана кеше, бүгін, ертең…» табылады. Мұражай Қазақстанның жаңа астанасының бүкіл қалыптасу тарихын көрсетеді.

2-жүргізуші: Тәуелсіздік Астананы өмірге келтірді. Өз кезегінде Астана біздің Тәуелсіздігімізді қуаттап, дамыту түсуде.

1-жүргізуші: Астана жарқын, қуатты да өркенді, барша қазақстандықтарды біріктіретін және алға қарай ұмтылған қалаға айналды.

2-жүргізуші: Астана – бұл қаланың жақсы тіршілік етуін қамтамасыз етіп отырған, инженерлік инфрақұрылымы, көлік жүйесі, коммуналды шаруашылығы мен тұрғын үй қоры, әлеуметтік нысандар жүйесі дамыған қазіргі заманғы ірі мегаполис.

2-жүргізуші: Астана - әлемнің үздік астанасы болу үшін өзінің алдына нақты міндеттер мен мақсаттар қойды. Ол өзінің мақсаттарына жету үшін жұмыс істейтін болады.

Мұғалім: Балалар, Астана қаласы биыл 12 жасқа толады екен. Астана атына ие болған жылдан бастап осы жыл аралығында қалада қандай маңызды оқиғалар болды, соған тоқталып өтелік.

5-оқушы: 1997ж. 20 қазан. Президент жарлығымен Қазақстанның астанасы Алматыдан Ақмолаға көшірілді. Ақмола еліміздің астанасы болып жарияланды.

6-оқушы: 1998ж. 6 мамыр. Қалалық мәслихаттың сессиясында депутаттар қала атауын Астанаға ауыстыру туралы бір жақты шешім қабылдады.

1998ж. 10 маусым. Ресми тұсаукесер тойы өтті. Астана қаласының туған күні болып саналады.

1998 жылы барлығы 170 түрлі нысан пайда болды.
Тура осы күні Л. Гуилев атындағы Еуразия Ұлттық университетінде Президент қала сайлаушыларымен кездесті. Онда қалалық мәслихаттың шешімімен Нұрсұлтан Назарбаевқа Астананың құрметті азаматы деген атақ берілді.

7-оқушы: 1999ж. 10 қаңтарында Нұрсұлтан Назарбаев сайлаушылардың 79,78 пайыз дауысын жинап, Қазақстан Президенті боп, қайта сайланды.

1999 жылдың шілде айында елордамыз ЮНЕСКО-ның «Әлем қаласы» сыйлығына ие болды.

Шетелдік инвестициялар есебінен 1999жылы Ұлттық мұражай, Еуразия ұлттық университетінің оқу корпусы, 240 орындық аурухана, тұрғын үйлер бой көтерді.

8-оқушы: 2000ж. Жаңа әкімшілік орталықтың құрылысы басталған сол жақ жағалауды кеңінен игеру жылы болып есте қалды.

9-оқушы: 2001ж. Жаңа елорда тарихындағы ірі дерек Президент Нұрсұлтан Назарбаев 2001 жылғы көктемде бекіткен 2005 жылға дейінгі кезеңге арналған «Астананың гүлденуі – Қазақстанның гүлденуі» Мемлекеттік бағдарламасы болып табылады.
2001 жылғы ең маңызды халықаралық оқиға Астана үшін Рим Папасы Иоанн Павел ІІ 22 қыркүйекте басталған мемлекеттік визиті болды.

10-оқушы: 2002 жыл еліміздің бас қаласы үшін үлкен маңызды оқиғаларға толы жыл болды. Осы жылы Астанаға БҰҰ Бас хатшысы Кофи Аннан келіп, жас елордамызға таң қалып, жақсы тілектерін айтқан. Сол жылы спорттағы ірі іс-шаралардың бірі - Бокстан әлем кубогының мерейлік жарыстары да Астанада өтті. Есілдің сол жақ жағалауында бірінен кейін бірі жаңа объектілер іске қосыла бастады.

11-оқушы: 2003 жыл. Тұрақты даму жолын таңдап, Қазақстан бұрынғы кеңес одағы кеңістігінде дамыған мемлекет атағына ие болды. Бұл тек экономиканың арқасында емес. Біздің көпұлтты және көпконфессиялы елімізде Әлемдік және дәстүрлі діндер көшбасшыларының бірінші съезін өтті.

12-оқушы: 2004ж. 24 желтоқсанда Астанада еліміздің басты ғимараты – «Ақорда» атауына ие болған Президент резиденциясының ашылу салтанаты болды.

13-оқушы: 2005 жылдың бас кезеңі Астана үшін бірінші кезекте елорданың халықаралық әуежайында жаңа жолаушылар терминалының ашылуымен есте қалады.

Сол жылы «Қазақстан» саябағында үш мыңнан астам, екі мыңнан астам – Ғашықтар саябағында, сондай – Бәйтеректің жанында әртүрлі ағаш отырғызылды. Жалпы айтқанда, Астананы көгалдандырудың 2030 жылға дейінгі кешенді бағдарламасымен әрбір тұрғынға 19 шаршы метр жасыл желек мөлшеріне қол жеткізу көзделген

14-оқушы: 2006 жылдың тағы да бір маңызды оқиғасы Астанада өткен Әлемдік және дәстүрлі діндердің екінші съезі. Оған қатысушылар түрлі діндер, этностар мен мәдениеттердің бірігуін білдіретін Бейбітшілік және келісім сарайында өткен дөңгелек үстелде кездесті.
Бірінші қыркүйекте Елбасының қатысуымен елорданың жасанды төбесінде орналасқан 77 метрлік пирамида түріндегі Бейбітшілік және келісім сарайының салтанатты ашылуы болды.
15-оқушы: Бәсекелестікке қабілеттікті дамыту – бүкіл елдің, Астананың дамуы үшін айқын басымдылық. Әрине, Париж, Лондон, Токио сынды қалалармен бәсекелес болу өте қиын. Алайда, мүмкін жай. Бұл тұрғыдан басты бағыттарды 2007 жылғы 28 ақпандағы «Жаңа әлемдегі жаңа Қазақстан» жолдауында Елбасы баса көрсеткен.
16-оқушы: 2008 жылы Астана қаласының 10 жылдық мерейтойы тойланды.
17-оқушы:
2009 жыл. Халық санағы. Астана халқынының саны 684 мыңға жетті. 1998 жылы мұнда 225 мың адам тұратын.

Мұғалім: Балалар бүгінгі саяхаттан қандай әсер алдық, соңы білейік. Алғашқы екі топ бүгінгі саяхаттан алған әсері бойынша немесе суреттер арқылы мәтін құрастыруларын керек. Ал басқа екі топ бүгінгі саяхаттан есте қалғанын плакатқа сурет салу арқылы көрсетеді.

Балалар, саяхатымызды аяқтап ауылға қайтайық, барлығымыз пойызға мінейік. Көңілді отыру үшін бәріміз қосылып ән салайық.

Ән. Отан.

Балалар, біз Астананы тамашалп қайттық. Ал енді сұрағандарға не деп жауап қайтарар едік. / «Дыбыстар сөйлейді» стратегиясы/

Ж Жайнаған гүлге толы сұлу қала.

Ұ Ұрпақтан ұрпаққа айтылатын аңыз болып айтылар ардақты Астана.

Л Лебі ескен Есіл бойында бой көтерген Ару қала.

Д Даму қарқыны бойынша І орында тұр.

Ы Ынтымағы мен достығы жарасқан қала.

З Заманауи ғимараттары бой көтеріп, қаланың көркімен тамсандырады.

Д Дүниежүзімен байланыс орнатып отыр.

Ы Ысқырған аязы мен суық қысы бар

Қ Қысқы олимпиада өткізгелі тұрған алғашқы қала.

А Астана өмірі, тарихы жайлы Елбасының «Еуразия жүрегінде» атты кітабы бар.

Л Легімен, толассыз жүретін автомобиль, әуе және темір жолдар торабы бар.

А Алтыншы шілде – Елордамыз – Астананың туған күні.

А Алғашқы адамдар ашель-мустьер заманында алғаш қоныстанған.

С Символы – Бәйтерек.

Т Тәуелсіздігімізді асқақтатып, егемендігімізді көрсететін бас қала.

А Астана – жастардың , болашақтың қаласы.

Н «Нұр-Астана» зәулім күмбезді мешіті Астананың дәл кіре берісіне тұрғызылған.

А Арман қала.

Қорытынды. Балалар, Елбасы Нұрсұлтан Назарбаев «Еліміздің болашағы бүгіннен басталады» деген үндеуінде сендерге үміт артып отыр. Енді бір 20-30 жылдан кейінгі елімізді басқаратын және жоғарғы техниканы меңгерген жұмысшылар сендер боласыңдар. Астана қаласы аз ғана уақыт ішінде қарқынды жылдамдықпен өсіп келе жатырған біздің бас қаламыз. Сендерде терең білім алып, бас қаламыздай қалалар тұрғызуға өзіндік үлестерінді қосуларын керек.

Сонымен балалар, бүгінгі саяхатымызда мәреге жетті. Біз бүгінгі сабақта уақыттың аздығына байланысты Астана қаласының барлық жерін аралап болғанымыз жоқ. Біз барып тамашаламаған жерлер әлі де көптеп кездеседі. Алда сендерді үш ай демалыс күндері күтіп тұр, осы каникулды пайдаланып барлығына Астана қаласына қыдырып, оның әсем де сұлу жерлерін ташалап қайтуларына тілектеспін.

Тәуелсіздігіміздің тірегі, елдігіміздің жүрегі Астанамыз асқақтай берсін!


Получите в подарок сайт учителя

Предмет: Начальные классы

Категория: Уроки

Целевая аудитория: 2 класс.
Урок соответствует ФГОС

Скачать
Ашық сыныптан тыс іс- шара

Автор: Омарбаева Мадина Бекетаевна

Дата: 05.11.2016

Номер свидетельства: 355480

Похожие файлы

object(ArrayObject)#853 (1) {
  ["storage":"ArrayObject":private] => array(6) {
    ["title"] => string(71) "Сыныптан тыс шара "Озық ойлы тапқырлар""
    ["seo_title"] => string(39) "synyptan_tys_shara_ozyk_oily_tapk_yrlar"
    ["file_id"] => string(6) "460984"
    ["category_seo"] => string(7) "prochee"
    ["subcategory_seo"] => string(7) "prochee"
    ["date"] => string(10) "1520399735"
  }
}
object(ArrayObject)#875 (1) {
  ["storage":"ArrayObject":private] => array(6) {
    ["title"] => string(66) "Сыныптан тыс шара "Үздік информатик""
    ["seo_title"] => string(35) "synyptan_tys_shara_uzdik_informatik"
    ["file_id"] => string(6) "456670"
    ["category_seo"] => string(11) "informatika"
    ["subcategory_seo"] => string(5) "uroki"
    ["date"] => string(10) "1518415808"
  }
}
object(ArrayObject)#853 (1) {
  ["storage":"ArrayObject":private] => array(6) {
    ["title"] => string(64) "?здік абайтанушы сыныптан тыс шара "
    ["seo_title"] => string(36) "uzdik-abaitanushy-synyptan-tys-shara"
    ["file_id"] => string(6) "175789"
    ["category_seo"] => string(10) "vneurochka"
    ["subcategory_seo"] => string(12) "meropriyatia"
    ["date"] => string(10) "1424325629"
  }
}
object(ArrayObject)#875 (1) {
  ["storage":"ArrayObject":private] => array(6) {
    ["title"] => string(60) "математикадан сыныптан тыс шара "
    ["seo_title"] => string(33) "matiematikadan-synyptan-tys-shara"
    ["file_id"] => string(6) "210103"
    ["category_seo"] => string(10) "matematika"
    ["subcategory_seo"] => string(5) "uroki"
    ["date"] => string(10) "1431363900"
  }
}
object(ArrayObject)#853 (1) {
  ["storage":"ArrayObject":private] => array(6) {
    ["title"] => string(71) ""Білімділер" сайысы (сыныптан тыс шара) "
    ["seo_title"] => string(37) "bilimdilier-saiysy-synyptan-tys-shara"
    ["file_id"] => string(6) "194990"
    ["category_seo"] => string(8) "istoriya"
    ["subcategory_seo"] => string(12) "meropriyatia"
    ["date"] => string(10) "1427827621"
  }
}

Получите в подарок сайт учителя

Видеоуроки для учителей

Курсы для учителей

ПОЛУЧИТЕ СВИДЕТЕЛЬСТВО МГНОВЕННО

Добавить свою работу

* Свидетельство о публикации выдается БЕСПЛАТНО, СРАЗУ же после добавления Вами Вашей работы на сайт

Удобный поиск материалов для учителей

Ваш личный кабинет
Проверка свидетельства