Математикадан сыныптан тыс шара

А.Тайманов атындағы №34 мектеп – гимназиясы

Тақырыбы: «Жұлдызды сағат»

Өткізген: математика пән мұғалімі

Баймаганбетова А.А.

Орал, 2014 жыл

Математика пән мұғалімі: Баймаганбетова А.А.

Сыныбы: 6 «г»

Күні: 16.01.14

Тақырыбы: «Жұлдызды сағат» сыныптан тыс шара

Сайыстың мақсат-міндеттері:

а) ақпараттық: Оқушылардың білім деңгейін анықтау, дарынды оқушыларды табу, олардың қабілеттерін ашу;

ә) коммуникативтік: оқушылардың функционалдық сауаттылықты, танымдық белсенділіктері мен пәнге қызығушылықтарын арттыру; Оқушыларды көпшілік ортада сөйлеуге және өз ойын еркін айта алуға дағдыландыру, жылдамдыққа, ұйымшылдыққа тәрбиелеу.

б) проблемалық: оқушылардың логикалық ойлау қабілеттері мен жағдаяттан шығу дағдыларын дамыту, шығармашылық ізденісін, эстетикалық талғамын дамыту.

Сайыстың түрі: дәстүрлі емес

Сайыстық типі: сайыс сабақ

Сайыстың әдісі: көрнекілік (иллюстративті), сөздік (баяндау, сұрақ-жауап), практикалық.

Педагогикалық технология: сыни-тұрғыдан ойлау және дамыту технологиясы

Оқыту құралдары: интерактивті тақта, тақта

Пәнаралық байланыс: жаратылыстану, экономика негіздері және қаржылық сауаттылық.

Көрнекілігі: слайд көрсетілімдері, жұлдызшалар

Сайыстың барысы:

І. Ұйымдастыру бөлімі.

Құрметті оқушылар, ұстаздар, бүгінгі «Жұлдызды сағат» атты сыныптан тыс шарамызды ашық деп жариялаймын. Бүгінгі сайысымызға қатысушы 6 «г» сынып оқушылары.

Сайыстың шарттары:

І кезең: Таныстыру

ІІ кезең: “Миға шабуыл” (әр топқа 5сұрақ қойылады)

ІІІ кезең: “Ғажайып үштік” (10,20,30 көлемінде логикалық сұрақтар қойылады)

ІҮ кезең: “Жаңылтпаш” (әр топтан 1 оқушы шығып мұғалім айтқан жаңылтпашты сол сәтте айтып беруі тиіс)

Ү кезең: “Математикалық диктант” (бұл кезеңде оқушыларға алгебралық өрнектерді ықшамдау)

ҮІ кезең: “Сөзжасам” (1 математикалық термин беріледі, сол сөзге сөз құрау қажет)

ҮІІ кезең: “Тілек жолдау” (бір бірімізге математикалық тілде тілек жолдаймыз)

Қорытынды. (қай топта жұлдызша көп, санап, қорытындылау)

Әр тур сайын жауап берілген сұраққа жұлдызша беріліп отырады.

Сайысымызды бастамас бұрын әр топ өздерін таныстырып өтсін.

1. «Математиктер»

2. «Алғырлар»

3. «Тапқырлар»

Олай болса, «Миға шабуыл» кезеңін бастайық.

І топ.

1. Алманың жартысы неге ұқсас? (екінші жартысына)

2. Сағат тілі тәулігіне неше рет тік бұрыш жасайды? (4)

3. Жанұяда 2 ұл және әр ұлдың 2 әпкесі, 1 әкесі бар. Әр қыздың бір анасы бар. Жанұяда барлығы қанша адам бар? (6)

4. төрт қойдың неше аяғы бар? (16)

5. Егер тырна бір аяғымен тұрса 3 кг тартады, ал екі аяғымен тұрса оның салмағы қанша? (3кг)

ІІ топ

1.Үш май шам жанып тұрды, екеуін сөндірсе нешеуі қалады? (2)

2. 1т мақта ауыр ма, 10 ц темір ауыр ма? (тең)

3. Бұрышты өлшейтін құрал? (транспортир)

4. Қандай үш таңбалы сандардың қосындысы олардың көбейтіндісіне тең? (1,2,3)

5. Теректе 10 қарға отырды. Екеуін атып еді нешеуі қалды? (2)

ІІІ топ.

1.Қандай сан барлық санға қалдықсыз бөлінеді? (0)

2. 1 жұмыртқа 3 минутта піседі, 4 жұмыртқа қанша минутта піседі? (3)

3. Бөлменің төрт бұрышында бір- бір мысықтан отыр, әр мысықтың алдында үш мысықтан отыр. Барлығы бөлмеде неше мысық бар? (4)

4. ағаш үстінде 100 торғай отырды. Аңшы 10 торғайды атып алды. Қаншасы қалды? (10)

5. Жылдың неше айында отыз күн бар? (11)

ІІІ кезең: “Ғажайып үштік” (10,20,30 көлемінде логикалық сұрақтар қойылады)

Сол жақтағы 10 «Математикалық фокус»

Бір сан ойла.

Оны 2-ге көбейт.

Көбейтіндіге 3-ті қос.

Шыққан санды 4-ке көбейт.

Көбейтіндіден 12-ні азайт.

Айырманы ойлаған саныңа бөл. Ж:((2а+3)4-12):а= (8а+12-12):а= 8а:а=8

Ортадағы 10

Бала кешкі сағат 7 –де сағат тілін таңертеңгі 9- ға қойып ұйқыға жатты. Бала неше сағат ұйықтайды? (2сағ)

Оң жақтағы 10

Мына сан 10-ға бөліне ме?

11· 21 · 31 · 41 · 51 - 1 (иә)

Сол жақтағы 20

Екі дәптер және бір қарындаш 94 тиын тұрады. Екі қарындаш және бір дәптер 80 тиын тұрады. Дәптер мен қарындаштың қайсысы қымбат және қанша қымбат? (дәптер 14 тиын қымбат)

Ортадағы 20

Үйден мектепке дейін Буратино жаяу барды, қайтқанда сол жолмен жүрді, бірақ жолдың бірінші жартысын ол итке, екінші жартысын тасбақаға мініп келді. Буратиноның мектепке жаяу барғандағы жылдамдығынан иттің жылдамдығы одан төрт есе артық, ал тасбақаның жылдамдығы одан екі есе кем. Буратино қай жолы уақыттың көп жұмсады-үйден мектепке дейін бе әлде мектептен үйге дейін бе? (Мектептен үйге дейінгі жолға

көп уақыт кетті)

Оң жақтағы 20

Арыстан кітаптың бірінші күні 22 бетін оқыды,келесі күні одан 8 бет артық, ал үшінші күні күндегімен салыстырғанда 4 бет кем оқыды.ол үш күнде кітаптың неше бетін оқыды? (78 бет)

Сол жақтағы 30

Саудагер бір затты 7 теңгеге сатып алып оны 8 теңгеге сатты. Сол затты қайтадан 9 теңгеге сатып алып, қайта 10 теңгеге сатты. Саудагер қанша пайда тапты? (2 теңге)

Ортадағы 30

Әсел, Анар, Жанар үшеуіматематикадан бақылау жұмысынан қандай баға алғанын сұрағанда мұғалім: Әселдің бағасы-3 емес, ал Анардың бағасы 3-те, 5-те емес. Сонда олардың әрқайсысы қандай баға алған? (Әсел 5, Анар 4, Жанар3)

Оң жақтағы 30

Бақшаға жақсы аға, көп-көп ойыншық келді алып. Бір балық, екі есек, үш үйрек, төрт түлкі, бес бүркіт, алты арғымақ, жеті жарғанат, сегіз саулық, тоғыз тауық, он торпақ. Бақшаға жақсы аға қанша ойыншық әкелді? (55)

ІҮ кезең: “Жаңылтпаш” (әр топтан 1 оқушы шығып мұғалім айтқан жаңылтпашты сол сәтте айтып беруі тиіс)

Ι-топқа:Рационал сан, иррационал сан,

Иррационал сан, рационал сан.

Біріккен сан болған соң,

Нақты сан деп аталған сан.

ΙΙ-топқа:Шеңбер,шеңбер доп емес,

Доп сияқты доп емес.

Доп, доп, доп деп шеңберді,

Ойлама шеңбер ол емес.

ΙΙΙ-топқа:Тұрыс бұрышқа тұр,

Бұрышта дұрыс ұрыспай тұр.

Ү кезең: “Математикалық диктант”

І топ

1. 2а+(-в)-(-4а)+3в

2. 2в-а-(+3а)-(-2в)

ІІ топ

1. 6а+(-3а)+(-2в)-(-в)

2. 4а-(+2в)-(-3а)+(-4в)

ІІІ топ

1. 4в+(-3а)+(-2а)+(+2в)

2. –а-(-в)+(+3в)-в

ҮІ кезең: “Сөзжасам”

Үш топқа да бірдей берілетін сөз: «Тіктөртбұрыш»

Tік, төрт, бұрыш, төртбұрыш,бір, өрт, ұшы,төр.

VΙΙ: «Тілек жолдау»

Үш топ бір-біріне математикалық символдарды, терминдерді пайдаланып тілек айтулары керек.

VΙΙΙ: «Қорытынды»

Сайысты аяқтап, жеңімпаз топты анықтап, марапаттау. Сау болыңыздар.