Сыныптан тыс шара "Үздік информатик"

ШЫҒЫС ҚАЗАҚСТАН ОБЛЫСЫ ДЕНЕ ШЫНЫҚТЫРУ ЖӘНЕ СПОРТ БАСҚАРМАСЫ

«СПОРТТА ДАРЫНДЫ БАЛАЛАРҒА АРНАЛҒАН ШЫҒЫС ҚАЗАҚСТАН ОБЛЫСТЫҚ МЕКТЕП - ИНТЕРНАТЫ» КОММУНАЛДЫҚ МЕМЛЕКЕТТІК МЕКЕМЕСІ

«ҮЗДІК ИНФОРМАТИК»

Сыныптан тыс шара

Өткізген: Информатика пәні мұғалімі

Қабылшай Бейсен

Өскемен - 2018 жыл

Сыныптан тыс шара жоспары

Уақыты: 25.01.2018ж

Сынып: 9АК; 9БК

Өтетін орыны: Информатика кабинеті

Сабақтың түрі: Сыныптан тыс шара

Сыныптан тыс шара тақырыбы: Үздік информатик

Мақсаты: Оқушылардың информатикадан білім деңгейін және пәнге деген қызығушылығын арттыру. Алған білімдерін пысықтау, ой-өрісін шыңдау, естесақтау, сөйлеу мәнерін, шығармашылық қабілеттерін дамыту, компьютерлік сауаттылыққа баулу.

Көрнекілігі: компьютер, интерактивті тақта, слайд, электронды оқулық, таратпа парақшалар.

Ұйымдастыру барысы:

Екі сыныптан 10 оқушыны алып екі топқа бөлінеді, Әділқазылар алқасы сайланады, сайыс кезеңдері түсіндіріледі.

Сайыс кезеңдері:

I - «Бізден сұрақ, сізден жауап»

IІ - «Адасқан әріптер»

ІІІ - «Шешімін тап. »

ІV - «Кім жылдам»

V – «Өзіңді сынап көр»

I - «Бізден сұрақ, сізден жауап» кезеңі:

Бұл кезеңде интерактивті тақтада тақырыптарға сай ұяшықтарға жасырынған сұрақтарға жауап береді, тақырыптар бойынша ұяшықтарды таңдайды, әр ұяшық 5, 10, 15, ұпайлармен белгіленген, егер таңдаған ұяшықтағы сұраққа дұрыс жауап берсе сол ұяшыққа берілген ұпайға ие болады.

1. Ақпарат

2. Дербес компьютер

3. Алгоритмдеу және бағдарламалау

4. ЭЕМ тарихы

1. Ақпарат:

1. Ақпараттың қандай түрлері бар? (мәтіндік, сандық, графикалық, дыбыстық, бейнеақпарат).

2. Ақпараттың өлшем бірліктерін атаңыз? (бит, байт, Кбайт, Мбайт, Гбайт, Тбайт)

3. Ақпараттың ең кіші өлшем бірлігі қалай аталады? (бит)

1. Дербес компьютер:

1. Компьютерлік жад дегеніміз не? (Ақпаратты сақтау немесе есте сақтау құрылғысы)

2. Компьютерлік жад қандай түрлерге бөлінеді? (ішкі жад, сырытқы жад)

3. Ақпаратты енгізу құрылғыларын атаңдар? (Пернетақта, Сканер, Микрофон, )

1. Алгоритмдеу және бағдарламалау:

1. Алгоритм дегеніміз не? (берілген есептің шығару жолын реттелген амалдар тізбегі түріне келтіру)

2. Алгоритмнің қандай түрлері бар? (сызықтық немесе тізбектік, тармақталу, циклдік)

3. Қандай программалау тілдері бар? (Ассемблер, Фортран, Бейсик, Паскаль, Си, С++, Visual Basic, Deiphi, Java)

1. ЭЕМ тарихы

1. Алғашқы компьютер қай жылы шықты: (1946 ж)

2. Әлемдік компьютерлік желі интнернет қай жылы құрылды: (1969 ж)

3. Компьютердің атасы кім? (Чарльз Бэббидж)

IІ - «Адасқан әріптер» кезеңі:

Бұл кезеңде барлығы 12 адасқан әріптерден тұратын сөз берілген , әр сөзге 1 ұпайдан, қанша сөзді дұрыс тапса сонша ұпайға ие болады.

Мысалы: РТСОП - СПОРТ

•ЕОДММ •ИМРКООНФ

•ОНТИРМО •АКЬЛУКТОЯЛР

•РКСУИВ •ИТНРНЕТЕ

•ЫШТАҚН •ЕРНПЕАҚТАТ

•РИНПРЕТ •ОЛОКНАК

•ҚАПРАТА •МЕАРКА

Дұрыс жауаптары:

•МОДЕМ •МИКРОФОН

•МОНИТОР •КАЛЬКУЛЯТОР

•ВИРУС •ИНТЕРНЕТ

•ТЫШҚАН •ПЕРНЕТАҚТА

•ПРИНТЕР •КОЛОНКА

•АҚПАРАТ •КАМЕРА

ІІІ - «Шешімін тап. » кезеңі:

Бұл кезеңде жұмбақтардің шешімін табады, әр жұмбаққа 1 ұпайдан, дұрыс шешімін тапса 1 ұпайға ие болады.

Жануарға ұқсас атым бар, Бағдар көрсетер затым бар. Кілемше үстінде тұрамын, Ең қажетті құралмын... (Тышқан)	2. Тетігін бассаң алаңсыз Жазады қағаз-қаламсыз (пернетақта)
3. Ақпаратты сақтап, таратқан, Жұртты өзіне қаратқан (компьютер)	4. Биологияда бұл паразит Көзге зорға көрінер Информатикада өлшем бірлік Ақпараттарды өлшер (бит)
5. Жүзден артық түймемен Компьютерді билеген (пернетақта)	6. Әдетте үнсіз тұрамын Белгі берсең ұғамын Жазуы бар қағаздың Құралы боп шығамын (принтер )
Экранның бетінде оның тұрағы, Қашан болсын жыпылықтап тұрады (меңзер)	Төртбұрышты әйнек, Тұнып тұрған әлек (манитор)

ІV - «Кім жылдам»

Бұл кезеңде екі топтың топ басшылары парақта жасырылған «М» және «П» әріптерін алады да, осы әріптерден басталатын информатикалық терминдерді берілген уақыт аралығында жылдам жазып тақтаға іледі. Қанша терминдер жазса сонша ұпайға ие болады.

Мысалы: М- Модем. П-Паскаль.

V – «Өзіңді сынап көр»

Бұл кезеңде сайысқа қатысқан барлық оқушылар компьютерде тест тапсырмасын орындайды алгоритм тақырыбы бойынша қанша сұраққа дұрыс жауап берсе сонша ұпай жинайды. (тест 20 сұрақтан тұрады)

Іс шарамыздың соңында әділқазылар алқасына сөз береміз. Топтардың қорытынды ұпайларын санап, жеңімпазды анықтайық. Жеіңімпаз топ анықталып марапаттау жүргізіледі.

Уақыттарыңызды бөліп, келіп көргендеріңізге көп рахмет!

Бағалау парағы

	«9АК» тобы	«9БК» тобы
I - «Бізден сұрақ, сізден жауап» кезеңі
IІ - «Адасқан әріптер» кезеңі (Барлығы 12 ұпай)
ІІІ - «Шешімін тап. » кезеңі (Барлығы 12 ұпай)
ІV - «Кім жылдам» кезеңі
V – «Өзіңді сынап көр» кезеңі (Барлығы 20 ұпай)
Қорытынды