Ашық сабақ "Жылдың төрт мезгілі"

Сабақтың тақырыбы : Нәтиже сабақ « Жылдың төрт мезгілі»

Сабақтың мақсаты:

Білімділік: ертегілер еліне саяхат жасай отырып , жыл мезгілдері туралы түсінік беру. Өтілген материалдарды қайталау. Оқылым, тыңдалым, сөйлесім, айтылым, жазылым әрекеттерінің меңгерілуін тексеру.

Дамытушылық: жыл мезгілдері туралы алған білімдерін дамыту.

Тәрбиелік : ойлау, сөйлеу қабілеттерін арттыру, сөздік қорын молайту, тілге деген қызығушылықты арттыру.

Сабақтың түрі: ертегі сабақ.

Сабақтың әдісі : сұрақ –жауап.

Сабақтың көрінекілігі: ертегі желісімен безендірілген жұмбақ ағаш,гүлмен безендірілген тас, күз ханшайымы , өзен, сағат және төрт мезгіл суреттері ,слайд.

Сабақтың барысы :

Ұйымдастыру кезеңі : сәлемдесу

-Балалар бүгін көңіл күйіміз қалай?

-Жақсы !

-Ендеше ,сабағымызды бастайық .

Өткен материалды қайталау:

-Балалар , жыл мезгілдерін кім атап жібереді? ҚЫС, КӨКТЕМ, ЖАЗ, КҮЗ.

-Өздерің айтқан жыл мезгілдерінің ауысуы туралы мынадай оқиға бар.

Орманда кішкентай үйде әпкесі мен інісі өмір сүріпті . Ал үйдің қабырғасында біздің сағатқа ұқсамайтын ерекше сағат ілулі тұрыпты (циферблотка сандарының орнына «жаз, күз, көктем, қыс» сөздері жазылған).

(Сол сағат балаларға көрсетіледі) . Оның бір ғана тілі бар екен. Бірде сол тілі көктемге келгенде әпкесі інісіне :

-Алпамыс тұр, көктем келді ,- дейді.

-Тұрғым келмейді ,-дейді інісі.

-Тұр, тұршы көктем келді деймін, -деп інісін жұлқылай бастайды. Ал інісі оған : Тұрғым келмейді ,-деп керіліп қалғанда, қолы сағатқа тиіп , сағат жерге түсіп, сынып қалады. Ал бөлмеде біресе көктем, біресі жаз, біресе күз, біресе қыс болып құбылып кетеді.

-Бұған кінәлі мына сағат , -деп інісі сағатты алып терезеден лақтырып жібереді, әпкесі сағатты мүлде сынып қалды деп ойлап .

Енді мәңгі қыс болады, сағатты тезірек тауып жөндеу керек. ,- дейді.

-Балалар , егер жер бетінде үнемі қыс болса , не болар еді?

( Қар жауады, мұз қатады, аяз болады , т.б. )

Сондықтан қорқып кеткен Алпамыс : -Сағатты табу кекек!-деді.

Ал сағат болса «көктемде»-көктемге, «жазда»-жазға, «қыста»-қысқа, «күзде»-күзге домалап кетте беріпті.

Алпамыс сағатты іздеуге шықты. Жүре-жүре ол тасқа жолықты.

Жаз еліне кіру үшін , мынадай жұмбақ оқып шешуін табуымыз керек, қалай ойлайсыңдар балалар, Алпамысқа көмектесеміз бе?

-Иә.

- Жұмбақты оқиық : (әдемі тасқа жазылған, гүлмен безендірілген жұмбақ оқиды).

Шешуін тауып , Алпамыс әрі қарай жүреді . жүріп келе жатып , өсіп тұрған ағашты көрді. Алпамыс ағаштан бір жапырақ жұлып алады , ал жапырақта мынадай тапсырма жазылған. (Ағаштың суреті, оған түрлі түсті қағаздан жасалған жапырақ қыстырылған)

-Ал, кәнеки балалар көмектесіп жіберейік :

1. сөзжұмбақ шеш.

2. сұраққа жауап бер.

Жазда не жауады ? (жаңбыр)

Күзде ағаштардан сусып жерге не түседі? (жапырақ)

Қысы-жазы жасыл ағаш (шырша)

Күз айларын ата.

3.Диалог құра

-Тапсырманы орындап , балалар ағаштың басынан , ондағы сағаттың сынығын алып жерге түседі.

Жаздан қуанышты қайтқан балалар күзге жақындайды .

Күзге келу үшін балалар күз туралы өлең оқуы керек. (Балалар күз туралы өлең оқиды).

Күз елінде «Күз ханшайымы » өз елі туралы білім сайысын ұйымдастырып отыр екен.

Бүгін осы ханшайым білім сайысын өткізіп жатыр . Ал Алпамыс болса, ханшайымның сағат сынығын тауып алғанын естіп қалды, білім сайысына араласып кетті ,

Жазылым әрекеті бойынша тапсырма .Дәптермен жұмыс.

1.карточкомен жұмыс (қарамен жазылған сөздерді пайдаланып бір сөйлем құрап жаз).

2.Оқулықтан 156-бет 4- тапсырманы жаз.

Күз ханшайымы риза болады да, Алпамысқа сағаттың сынығын береді. Алпамыс қайта жолға шықты. Ол қатты тоңды .

-Қалай ойлайсыңдар , Алпамыс қай жыл мезгіліне жетті?

-Қыс.

-Дұрыс.

Алпамысты аяз қарсы алады.

-Қайда бара жатырсың ?-деп сұрады ол. Алпамыс жағдайды айтты

-Иә, сағаттың бір сынығы менде , тест сұрақтарына жауап берсең , сағатты беремін, бермесең, қатырып тастаймын,-дейді.

Тест сұрағының жауабын шешіп сағатты алып, көктемді қалай табуға болатынын қыстан сұрайды

Қыс болса: - менің ұяшықпен берілген тапсырмамды орындағандар адаспай көктемді табуға көмектесемін,-дейді. (Тақтаға әр түрлі сандар жазылған плакат ілінеді .)

Қыстың тапсырмасын орындап ,көктемді іздеуге шығады. Қыстың көрсеткен жолымен келе жатса өзенді көреді. Өзеннің тапсырмасын орындап өтсе көктемге жетеді екен.

Өзеннің тапсырмасы : шатасқан әріптерден жеті сөз тауып оқы .

Өзеннің тапсырмасын орындап ,балалар сағаттың барлық сынығын тауып, біріктіреді де қабырғаға қыстырады.

-Балалар, міне күзді-қыс, қысты-көктем, көктемді-жаз, жазды –күз алмастырып тұрады.

Сабақты қорытындылау мақсатында слайдқа назар аударайық.(слайд көрсету)

-Сабақта бәріміз де Алпамысқа көмектестік (бағалау)

-Сабақ сендерге ұнады ма?

Үйге тапсырма : қайталау.