Ашық сабақ "Аққала" сауат ашу пәні

Білім саласы: Қатынас

Бөлімі: Көркем әдебиет

Оқу іс-әрекетінің тақырыбы: Аққала

Оқу іс-әрекетінің мақсаты: Балаларға қыс мезгілінің қызықты екенін түсіндіру. Қардан аққала соғып, қар қамалын тұрғызуға болатынын үйрету. Табиғатты аялай білуге тәрбиелеу.

Оқу іс-әрекетінің көрнекілігі: Аққаланың, аққала соғып жатқан балалардың суреттері, әліппе-дәптер, геометриялық фигуралар, жыл мезгілі суреттері, автордың суреті.

Әдіс-тәсілдері: сұрақ-жауап, әңгімелесу, сурет салу, ойын, сергіту сәті, құрастыру.

Сөздік жұмыс: ақша қар

Іс-әрекет кезеңдері: Мұғалімнің іс-әрекеті

                                   Балалардың іс-әрекеті

                                   Ынталандыру

                    -Сәлеметсіздер ме, балалар! Балалар, қараңдаршы біздерге бүгін қонақтар келіпті. Қане, бәріміз шеңберге тұрып, қонақтармен амандасайық.

Психологиялық дайындық:

Шаттық шеңбері:

                            Жарқын, жарқын үніміз,

                            Болашақтың күніміз

                            Балалық шақ үйінің

                            Жайнап тұрған гүліміз.

                            Сәлеметсіздер ме, қонақтар!

                            Хош келдіңіз бәріңіз!

Жарайсыңдар, балалар! Орындарыңа отыра қойыңдар.

Балаларды топқа бөлу, топқа ат қою, сыр сандық ішіндегі фигуралар арқылы бағалау.

(Жылдың төрт мезгілі бар: қыс, көктем, жаз, күз. Фигура түстері арқылы жыл мезгілін байланыстыру. Геометриялық фигуралар жайлы қысқаша айтып өтемін)

Балалар, мен сендерге жұмбақ жасырғым келіп тұр, шешесіңдер ме?

Иә, шешеміз!

                              Жұмбақ:

                                             Қайқы тұмсық қос табан,

                                             Қос таяқпен ұштаған.

                                             Итерсең алға зулайды,

                                             Шойын жолдан аумайды

                                                                             (Шаңғы)

                                             Ағайынды бес туыс,

                                             Жамылатын тоны бір.

                                             Бесеуінде бес қуыс,

                                             Сырттан кірер жолы бір.

                                                                          (Қолғап)

Жарайсыңдар!

Қане, балалар, тақтаға қарайық

Ғали Орманов 1907-1978 ж.ж.

           Бірге жаттайық:          Ауыл алды ақша қар,

                                                 Ақша қарда балалар

                                                 Соғып жатыр аққала.

Суретпен жұмыс:  (әңгіме құрастыру)

• Кәне, балалар барлығыңда маған қарап отырыңдар. Сендер жылдың төрт мезгілін білесіңдер ме?
  Иә.
  Олай болса, қазір жылдың қай мезгілі?

Қыс.
Дұрыс айтасыңдар, қыс мезгілі.

Қыс айларын білесіңдер ме?

Білеміз.

Кәне, атап айтайық.

Желтоқсан, қаңтар, ақпан.

          Дұрыс.

          Қыста күн қандай болады?

Суық, аяз, боран болады.

Сонымен бірге жерде не болады?

Қар.

Қардың түсі қандай болады?

Ақ.

Қардан біздер не жасаймыз?

Аққала

Қар аяз күні аяғыңмен басқанда сықырлайды.

Ал, балалар, қыста қандай ойындар ойнаймыз.

Сырғанақ тебеміз, аққала соғамыз.

Балалар, қыста сендер тоңасыңдар ма?

Тоңбаймыз.

Дұрыс айтасыңдар, тоңбаймыз. Себебі біз жылы киім киеміз.

Қыста қандай киімдер киеміз?

Тон, құлақшын, қолғап, жылы етік.

Балалар аязда тоңбау үшін не істеуміз керек?

Жүгіреміз, секіреміз, ойнаймыз, сырғанақ тебеміз.

Өте жақсы.

Жарайсыңдар балалар.

Сендер шаршаған боларсыңдар

                            Сергіту жаттығуын жасайық.

                                             Аула іші бақ дала,

                                             Тұрғызамыз аққала.

                                             Аққаланы айналып,

                                             Би билейміз шаттана.

Отырыңдар. Мен сендерге жұмбақ айтамын, сендер соның шешуін айтыңдар

                                           Шелек қалпақ басында,

                                           Сәбіз екен мұрыны.

                                           Қыста қардан тұратын,

                                           Тауып көрші сен оны.

                                                                              (Аққала)

Біз бүгін сабағымызда «Аққала құрастырамыз».

Осы кезде есік соғылып

Аққала қонаққа келеді.

Ой, балалар, бізге кім келіп тұр, амандасайықшы

Саламатсың ба, сен кімсің?

Мен Аққаламын

Мен өзіме дос іздеп жүрмін, сендердің достарыңыз көп, ал мен болсам жалғызбын, маған дос тауып беріңдерші.

Ендеше балалар аққалаға дос мүсіндеп берейік иә.

Сызба арқылы аққаланың жасалу жолдарын түсіндіремін.

Бұл Аққала.

Мұнау басы, кеудесі, аяғы.

Аққала неше бөліктен тұрады?

Үш.

Дұрыс үш бөліктен тұрады.

Мынау Аққаланың несі?

Басы, кеудесі, аяғы.

Аққаланың көзі, мұрны, аузы бар екен.

Неше көзі, неше мұрны, неше аузы бар?

Екі көзі, бір аузы, бір мұрны бар.

Енді барлығымыз жұмысымызға кірісейік. Қазір барлығыңның жұмыстарыңды қарап шығамын.
Өте жақсы, барлығыңда жақсы құрастырған екенсіңдер.

Сендерге сабақ ұнады ма?

Иә.

Аққала басына не кигіздік?

Шелек

Аққалаға біздер не құрастырып бердік?

Дос.

Аққалаға дос құрастырып берген үшін сендерге риза болып жатыр.

Аққаламен қоштасу.

Қорытынды. Балалар аққаланы неден соғамыз?

Қыстан кейін қандай мезгіл келеді?

Көктемнің алғашқы гүлі қандай гүл?

Сендерде осы бәйшешектей гүлденіп, биік шыңдардан көрініп, өсіп, өркендей беріңдер!

Бәйшешек гүлі.

Бағалау.

Жарайсыңдар, балалар! Осымен біздің бүгінгі сабағымыз аяқталды. Келген қонақтармен қоштасайық. Сау болыңыздар!

Күтілетін нәтиже.

Білу керек қыс мезгілі ойынын.

Игеру керек аққала жасалу жолдарын.

Меңгеру керек аққала құрастыру.