Сабақтың тақырыбы: Етістік 1 – 6 жаттығу

Қазақ тілі

                       3 «Е» сынып                     Күні:  26.02.18

Сабақтың тақырыбы

                           Етістік      1 – 6 жаттығу

Сілтеме

Жоспар. Қазақ тілі оқулығы. «Атамұра». Қазақ тілі оқыту әдістемесі. Интернет желісі

Жалпы мақсаты

Етістік туралы  2-сыныпта берілген білімді еске түсіріп, ол заттың әр алуан іс-әрекетін, қимыл порцесін білдіретін сөз табы екендігі,оған қойылатын сұрақтар, етістіктің зат есіммен байланысы жөнінде берілген түсініктері кеңейеді.

Күтілетін нәтиже

Етістік туралы білімдері кеңейді, сауатты жазуға дағдыланады

Негізгі идеялар

Етістікті меңгерту

Тапсырмалар

Сурет бойынша сөйлеу, «Алтын қатпа» ойыны,

жұптық жұмыс, топтық жұмыс,  «Ізден,ойлан,тап» ойыны

Сабақ бойынша мұғалімнің жазбалары:

І. Ұйымдастыру кезеңі:

Класс оқушыларына жағымды ахуал туғызу, сабаққа назарын аудару.

Қазақ  тілін бастаймыз,

Білімнен біз қашпаймыз.

Ойға түйіп әр сөзін,

Кілең  бестік жинаймыз.

Топқа бөліну («Гүл» ойыны арқылы бөліну)

І топ        «Қызғалдақ»

ІІ топ      «Сарғалдақ»

ІІІ топ     «Бәйшешек»

ІІ Үй тапсырмасын тексеру

56 – жаттығу

Ребусты дұрыс шешсең, төмендегі жұмбақтың жауабын табасың. Жұмбақтың шешуіндегі сөзді үш жақта, жекеше, көпше түрде тәуелдеп жазып, шағала тақырыбына мәтін жазып келу

   Сөз жұмбақ арқылы жаңа сабақты бастау

Ойын. «Алтын қапта»                                                           

  Әр топта бір-бір оқушы шығып, қимылды көрсетеді, ал бір оқушы сол қимылды сөзбен тақтаға жазады.  (Биледі, жүгірді, отырды, секірді, жазды, оқыды,тұрды)                                                                         

Ережені еске түсіріп, айту.

ІІІ.Мағынаны тану.

Оқулық материалдарымен жұмыс.

1 - жаттығудағы суретпен жұмыс жасалады. Оқушылар орындайтын тапсырмалары:

Суреттердің мазмұны бойынша қандай тақырыпқа әңгіме құрауға болады?

Әңгімеге ат қой

• әңгімеден етістіктерді тауып, астын сызу;

• етістіктерге сұрақ қою;

     Әнуар балықтарға жем шашты.

Қай сөз не істеді? сұрағына жауап беріп, етістік болып тұр?

“Ізден, ойлан, тап”

2 – жаттығуда жұмбақты оқып, шешуін табу. Ішінен етістіктерді теріп жазып, сұрақ қою. Сөйлемді етістіксіз айтып көр. Етістік не үшін керек екен?

  Қалқиды, үйілген, иілген, тарайды, қарайды.

  Жұмбақтың шешу: аққу. Аққу туралы оқушылардан білетіндерін сұрау.

Мысалы: Аққуды қазақ халқы ежелден қастерлеп, бақыттың бастамасы, жақсылықтың жаршысы, пәктіктің, сұлулықтың белгісі деп есептейді әрі киелі құс төресі санап, оған ешуақытта оқ атпайды. Аққудың аталығын «сапар», балапанын «көгілдір», мойнын «сұңғақ» деп дәріптейді. 

    Жұптық жұмыс:

Сөздерді оқып, сипатына қарай екі бағанға бөліп жаз

   Ата, ойнады, іні, балық, жинады, қуды, түйе, жарысты, шортан, айтты, терезе, келді, ойнады, ұшақ

  Сергіту кезеңі.

Топтық жұмыс:

5 - жаттығу бойынша берілген малдардың қайсысы қалай төлдейтінін жазыңдар.

Бие құлындайды.

Қой қоздайды.    

Түйе боталайды.                                                                                                                

Сиыр бұзаулайды.                                                                                                         

Ешкі лақтайды.

• Етістіктердің астын сыз. Олардың қай сөзбен байланысып тұрғанын айт

Сендер оны орындай алатындарыңа мен  сенімдімін

6 – жаттығу   Дұрысы қайсы, бұрысы қайсы?

Бие мөңірейді.                             Бие кісінейді.

Түйе мияулайды.                         Түйе боздайды.

Қой үреді.                                     Қой маңырайды.

Сиыр қыт – қыттайды.                Сиыр мөңірейді.

Ешкі кісінейді.                             Ешкі бақырады.

Ит бақырады.                                Ит үреді.

Тауық маңырайды.                       Тауық қыт – қыттайды.  

Мысық боздайды.                        Мысық мияулайды.

Сабақты қорытындылау:

Жеке жұмыс

“Бұл мәлімет шындық па, жалған ба?”

Сұрақтар:

1. Қандай сөздер етістікке жатады?

2. Етістікке қандай сұрақтар қойылады?

3. Етістіктің қандай түрлерін білесіңдер?

VІІ.  Рефлексия. Кері байланыс

Мадақтау. Сыйлық арқылы

Үйге тапсырмалар

               6   - жаттығу

Дұрысы қайсы,бұрысы қайсы? Ереже жаттау.