Сабақтың тақырыбы: «Абай әнімен жұмыс жасау»
Оқытушысы: Бағындықова Қ.С
Оқушы:Әбдірашитова Бекназ
Сыныбы:2-сынып
Сабақтың мақсаты:
Білімділік. Ән туралы қысқаша мәлімет беру. А.Құанбаев әнін аспапта орындата отырып дыбыстарды таза шығаруға бейімдеу.
Дамытушылық. Музыкалық шағын әндер арқылы оқушының есте сақтау, ойлау қабілеттерін дамыту.
Тәрбиелік. Ұлтымыздың ұлыларының еліне жасаған еңбегін бағалай білуге тәрбиелеу. Абай өлеңдері арқылы оқушылардың рухани байлығын, адамгершілік қасиеттерін қалыптастыру. Ішкі рухани тазалыққа үйрету.
Сабақтың көрнекілігі: Тақырыпқа сай дайындалған буклет,сұрақжауап,А.Құнанбаевтың кітаптар жинағы
Сабақтың барысы.
Ұйымдастыру. Оқушының сабаққа әзірлігін тексеру, назарын сабаққа аудару.
Үй тапсырмасын тексеру.
- В- dur және g-moll гаммасы на қол жүргізу
- Л.Шитте «Этюд» соңына дейін жаттап келу
Сергіту сәті: Абай Құнанбаев «Желсіз түнде жарық ай»әнін жанды дауыста тыңдау.
Жаңа сабақ. «Абай әнімен жұмыс жасау»
Ән-халықтың сүйіп айтатын,тыңдайтын, сан ғасырлық тарихы бар халық музыкасының ең бір бай арнасы. Халықтың «Сөз күміс-ән алтын», «Ән өмір ұзартады» деген асыл сөздері осы өнерге арналған. Тіршілігіміздің бар тынысы, бар тармақ-тарауы әнмен астасып жатады.
Бүгінгі жаңа сабақта өтетініміз А.Құнанбаевтың әні «Желсіз түнде жарық ай»әні
«Желсіз түнде жарық ай» әнінің шығу тарихы
- - ақынның табиғат көріністерін, махаббат сырларын кестелі тілмен айшықтаған әлем поэзиясындағы шоқтығы биік туындыларының бірі. Онда пәк, таза махаббаттың белгісіндей жарық айлы, желсіз түн. жан толқынысына үн қосып, сыбырласқандай қалың ағаш жапырағы, жүрексінген көңіл, бұлықсыған сөзіммен астасып, көлеңкелі, терең сайға гүрілдей құлаған өзен дыбысы, осындай сырлы, сұлу түнде, әлдеқайдан естілген сазды ән, тынымсыз тірлік алмағайып уақыт дабылындай бейсауат үрген ит пен үздік-создық айтақ астында сүйгенімен жолығуға аулаққа асыққан сұлу қыз жанды бейнедей ерекше лирикалық леппен тамаша суреттеледі.
Әнді озім ойнап оқушыға тыңдату.
- «Желсіз түнде жарық ай»әнін талдау
4/4өлшемде жазылған. E-moll тональностінде жазылған.Әнде бір қозғау белгісі бар:фа диез.Лигамен көрсетілген тұстары тремоло штрихымен ойналады.Сегіздік нотаны қағыспен ойнаймыз.Нуктелі нота,жартылық нота кездеседі. Позициядан позицияға ауысу кезеңдері болады. Сабырлы екпінде ойналады.саусақ қойылымдары қатар жүреді.
- Абай Құнанбаев қай жылы қай қалада дүниеге келген?
- Абайдың әкесі кім?
- Абайдың «Желсіз түнде жарық ай» өлеңіне ән жазған кім?
- «Желсіз түнде жарық ай»әні қай жылы жазылды? «Желсіз түнде жарық ай» қандай тональностте жазылған?
- Абайдың қандай әндерін білесің?
- Әнде қандай штрихтар кездеседі?
Қорытындылау. Біз бүгінгі сабағымызда А.Құнанбаевтың «Желсіз түнде жарық ай»әнін үйрендік. Ән халқымыздың рухани байлығы, дәстүріміздің жалғасы болғандықтан оны тек үйреніп қана қоймай, болашақта ары қарай жалғастыру біздің міндетіміз екенін ұмытпауымыз керек.
Үйге тапсырма. А.Құнанбаевтың «Желсіз түнде жарық ай»әнін нота бойынша санап, үзбей ойнау.
Бағалау(смайлик түрінде).
