Музыка сабағын ойын технологиясы арқылы оқыту

Музыка сабағын ойын технологиясы арқылы оқыту

      Музыка - өнердің басқа салаларының түсіндіруге тілі мен күші жетпейтін күрделі бейнелерін адамның сана – сезіміне құйып, ой-өрісін дамуына әсерін тигізетін күрделі құралы

        Мен осы бағыттағы міндеттерді атқаруда ойын технологиясын басшылыққа аламын. Ой-ойыннан басталады.  Баланың қиялы ойын арқылы шарықтайды.

       Ойынның білімділік пен тәрбиелік маңызының зор екенін атақты педагог-психологтар Д.Эльконин, К. Ушинский, Л. Рубинштейн өз  еңбектерінде ерекше қарастырған. Л.С.Рубинштейннің пайымдауынша «Ойын психологиясы – ерекше бір шығармашылықтың түрі, ең біріншіден ойын дегеніміз-саналы түрдегі іс, яғни барлығы бір мақсатқа байланысты бірнеше шығармашылық істер»

 Ақыл-ой жетекшісі

Ойын арқылы халқымыздың тұрмыс-тіршілігін тануға, өнерін, салт- дәстүрін сүюге оны бағалауға тәрбиелесек, екінші жағынан музыка сабағына деген қызығушылығын, белсенділігін арттыру арқылы берілген білімді тез әрі жеңіл, ұмытылмастай етіп қабылдау алға қойған ең негізгі мақсаттың бірі.

                            Өнер мен ойынның ортақтастығы:

Педагогикалық құндылығы:  Теориялық білімді іс жүзінде пайдалану.

Ойын-мақсатқа негізделіп жоспарлы түрде, нақты сабақтың мазмұнына сай болып тақырыптың мәнін ашады.

Ойын түрлері әр түрлі формада өтуі мүмкін.  Мысалы:   жарыс, сұрақ-жауап, сауалнама, конкурс, пікір-сайыс, саханалық көрініс, ережелерге бағыну. т. б.

Ойын элементтерін сабақтың барлық кезеңінде: жаңа сабақ, бекіту қайталау,үй тапсырмасын орындау т. б. кеңінен енгізуге болады.

     Дидактикалық ойындарды музыканы оқытуда кеңінен пайдалану тиімді. Дидактикалық ойындардың бір саласы-ұлттық ойындар. Әр түрлі ұлттардың, қазақ халқының ерекшеліктерін, салт-дәстүрлерін, әдет-ғұрыптарын бейнелейтін «Санамақ» «Бәйге»  «Қыз қуу» «Соқыр теке» т. б ойындар жатады.

     Мысалы: сабақта бәйге жарысын өткізу керек болса, кіріспе бөлімде ата-бабамыздың ұрпақ тәрбиесін ешқашан естен шығармағандығы, қазақтың ұлттық ойындарының бәрі біздер үшін асыл мұра екендігі айтылып, бәйге ойынының ойналу дәстүрі мен мазұмынына тоқтала кетіп, оның ойналуын сабақтың өту барысына сәйкестендіріп алуға болады. Бұл ойын бойынша қайталау сабағында оқушылар жеке қатысып, сұрақтарға жауап беру арқылы бәсекелестік жағдайында жарысқаны тиімді. Тапсырмалар алдын-ала  дайындалады.  Ойын нәтижесі шығарылып, ынталандыру щараларын жасау сабақтың нәтижелі өтуіне септігін тигізеді.

  «Қыз қуу» ойынын тоқсан соңында, үйретілген әндерді қайталау мақсатындағы концерт сабағы кезінде ойнатқан тиімді. Қыз бала әннің басын бастап, ұл бала әрі қарай жалғастырып  фраза бойынша (2 жолдан) кезектесіп орындауы керек. Әнді өз мәнерімен орындамаған немесе сөзін жаттамаған оқушы   жеңілген болып есептелініп тиісті бағасын алады.

Домбырасыз сән қайда

1-шумақ

қайырма

2-шумақ

3-шумақ

қорытынды

Серікжан

Еркегүл

Музыка пәнін ойын технологиялары арқылы оқытуда оқушының білімділік, тәрбиелік, танымдық сондай-ақ жеке басының қасиеттерін қалыптастыра отырып,

әннің ырғағы мен сөзіне мән бере орындау, естігенін мүлтіксіз қайталау, шығарманың оқиға желісін ажырату, нота дыбыстарының ретін білу, топпен жұмыс жасау, аспаптардың үнін ажырату, музыка дыбысының естілуі мен жазылуын білу, шығармашылыққа икемдеп даярлауда тиімді пайдалану үшін  музыка пәні муғалімі  шығармашылықпен, аса сауаттылықпен жұмыс жасауы керек

Ән-музыканың әр сабағы шығармашылық өнерге толы. Жеке дауыста, топтық, ұжымдық әдіспен өн-жыр, терме орындау, тыңдаған музыканың мазмұнына қарай «Гүлше майысу», «Көбелекше ұшу» «Қошақанша секіру» т.б би қимылдарын жасатып қызығушылықтарын арттырамын. Әсіресе бастауыш сынып шығармашылық жұмыстарға өте бейім болады.

«Қазақ халқының музыка өнері» тарауы бойынша қайталау негізінде

«Жұлдызды кезең» дәстүрлі емес зеректік ойын сабағының жоспарын былайша құрып алдым.

1. Ұйымдастыру кезеңі:  Кіріспе.

а) Сабақтың мақсаты, жүру барысымен таныстыру.

ә)  Әділ қазылар құрамын сайлау.

Сабақ жоспары:

 Ән-музыка пәнінің негізгі бағыты-халықтық ән-күй өнерінің жанрлық, стильдік, сипатындағы құрылымдық ерекшеліктері болғандықтан ұлттық музыканың озық үлгілерін жаңа технология негізінде дамыта оқыту менің алдыма қойып отырған басты ұстанымым болып табылады.

Осындай ойын технологиясын пайдалану арқылы өткізген  сабақтарымда баланың ойлауы, сөйлеуі, т.б.тұлғалық жағынан еркін дамуына жол ашылды. Оқушы мен мұғалім, оқушы мен оқушы арасында кері байланыс орнады. Сыныптың бір-бірімен тіл табысуы, ұйымшылдығы артты, эмоциялық көңіл- күйлері көтерілді.

Шаштина Гулбаршин Марксовна музыка пәнінің мұғалімі

          ШҚО. Аягөз ауданы. Емелтау ауылы.

  «Төлеу Көбдіков атындағы жалпы білім беретін орта мектеп» КММ