Сабақтың тақырыбы: Санды 1-ге көбейту, санды 0-ге көбейту
Сабақтың мақсаты:
- Оқушыларды 1 және 0 сандарына көбейтуді үйрету. Көбейтудің және бөлудің дербес жағдайлары туралы білімдерін кеңейту.
- Ойлау қабілеттерін дамыту. Логикалық есептерге қызығушылықтарын арттыру.
- Ұйымшылдыққа, бірлікке тәрбиелеу.
Көрнекілік: проектор, слайд, тапсырмалар
Сабақтың барысы:
Ұйымдастыру кезеңі:
1.Психологиялық дайындық:
Ойға толып санамыз,
Бестік болып бағамыз
Баласындай бір үйдің
Тату болсын арамыз
2.Топқа бөлу. Оқушылар Жұлдыз, Күн, Ай топтарына бөлінеді.
Сабаққа өте жақсы қатысқан оқушы –қызыл, жақсы қатысқан оқушыға – көк, қанағаттанарлық қатысқан оқушы –сары белгі алады.
3. Бүгінгі біздің сабағымыз саяхат сабағы, біз бүгін сендермен ғарышқа саяхат жасаймыз, ғарыштың басқа ғаламшарларына тоқтаймыз. Әр бір ғаламшарда бізді математикалық тапсырмалар күтіп тұр. Ғарыш туралы не білесіңдер ? Ғарыш туралы ойымызды толықтыра түсу үшін, мына бейнефильмға назар аударайық.
Ғарыш кеңістігінде шек жоқ. Оның кеңдігі соншалық, аспан денелерінің бір бірінен қашықтығын Жердегі өлшеммен, айталық километрмен өлшеу мүмкін емес. Жерге ең жақын жұлдыз Күн.Оның төңірегінде Жерді қоса есептегенде 9 ірі аспан денесі айналып жүреді. Олар ғаламшар деп аталады. Олар:Меркурий, Шолпан, Жер , Марс, Юпитер,Сатурн, Уран және Нептун, Плутон. Сонымен қатар ғарышта миллиондаған жұлдыздар, астероидтар, каметалар, т.б. аспан денелері жетерлік.
Ал енді саяхатқа баруға дайынбыз ба?
- Дайынбыз.
Белбеулерді тағайық,
Контакттарды қосайық.
Моторларды тексеріп,
Саяхаттап ұшайық
- 5 4 3 2 1 Кеттік!
Балалар бізге ғаламшарларға жеткенше біз мына тапсырмаларды орындап шығу керекпіз.
- Үй жұмысын тексеру:
Өткенді қайталау:
(40+50)-50=
9-4*2=
2*3=6
3*2=6
Осы өрнектер арқылы ережелерді шығару;
Жаңа сабақ:
- Біз иллюминаторларға қараймыз. Жерден алыстап кетіппіз.
Жаңа сабақты түсіндіру:
3∙1=3 3∙0=0
Есіңе сақта!
- Кез келген санды 1-ге көбейткенде сол санның өзі шығады.
- Кез келген санды 0-ге көбейткенде нөл шығады.
Біздің зымыранымыз Меркурий ғаламшарына жақындады. Меркурий ғаламшары көрінді. Меркурий Жер ғаламшарына ең жақын ғаламшар, оның көлемі Жермен бірдей. Меркурий ғаламшары бұлттармен жабулы.
Ғарышкерлер ғарышты зерттегенде оларды өз дәптерлеріне түсіріп отырады. Біз де ғарыш дәптерлерімізді ашып бүгінгі күнді жазайық. Көркем жазуға 10 санын жазып шығайық.
Біз ғаламшарға қонамыз, бізді инопланетянин күтіп алды.Ол бізден көмек сұрады.
І топ ІІ топ ІІІ топ
8∙1= 12 ∙1= 27 ∙1=
10 ∙0= 25 ∙0= 38 ∙0=
9 ∙1= 30 ∙1= 394∙1=
Біздің зымыранымыз әрі қарай ұшып барады. Зымыранның іші ысып келеді. Өйткені біз Күнге жақынбыз. Біздің зымыранымыз Шолпан ғаламшарының үстімен ұшып барады. Бұл ғаламшар Жерден едәуір кіші. Шолпан ғаламшарының тұрғындары кім жылдам ойынын ойнап жатыр екен біз де өз білімімізді сынап көрейік.
І топ ІІ топ ІІІ топ
(37-13)∙0= (93-70) ∙0= 33∙0+9=
(78+44) ∙1= 20∙(30-29)= 44∙1-0=
5∙0+6∙1= 9∙1-7∙0= 6 ∙0+8 ∙1=
Тапсырманы орындап біз қайтадан ғарышқа ұшамыз.
- Келісі ғаламшарымыз ол Жер. Жер Күн жүйесінің ең керемет ғаламшары.Біздің ғаламшарымызда көліктер түрлері көп. Әуе, суда, жерде жүретін көліктер бар. Ендеше келесі тапсырма көліктерге байланысты.
Автобекетте 10 автобус және 10 жеңіл машина тұрған еді,олардың 15-і жол жүріп кетті. Автобекетте неше көлік қалды? Кері есеп құрастыру.
Алдымызда алып қызыл шар. Бұл Марс ғаламшары. Марс қызыл сары түсті ең жарық жұлдыз.Біз Марс ғаламшарына тоқтап теңдеуді орындап шығайық.
І топ ІІ топ ІІІ топ
с-7=16 15-а=8 12-х=7
Юпитер ғаламшарына ұшып келдік. Бұл ғаламшардың тұрғындары өте көңілді екен. Олар бізді әдемі әуен арқылы қызықты жаттығу орындауға шақырып отыр.Қане Юпитер тұрғындарымен бірге жаттығу орындайық.
Саяхатымызды жалғастырамыз.
Әрі қарай ұшамыз. Қандай әдемі ғаламшар Сатурн. Салмағы мен үлкендігі бойынша Күн жүйесіндегі екінші ғаламшар. Оның қазақша атауы Қоңырқай.
Қызықты есептер
І топ ІІ топ ІІІ топ
Суреттерді Периметрін Үшбұрыштарды тап
құрастыр тап
- Ендігі ғаламшар Уран. Уран - күннен алыс жатқан планета. Ол газдан және қатты ядродан тұрады. Оның беткі қабатын көгілдір тұман жауып жатады. Бұлар бізге Көршісін тап ойынын дайындап қойыпты.
- Келесі ғаламшар Нептун. Күн жүйесінің сегізінші ғаламшары, Күн Жүйесіндегі күннен ең алыс орналасқан ғаламшар.
I топтың сұрақтары:
-1 сағатта неше минут бар?
- Қазір қай мезгіл?
-1 жылда неше ай бар?
- Алғаш рет ғарышқа ұшқан кім?
-1 аптада неше күн бар?
-4-ке 4-ті қосқанда неше болады?
II топтың сұрақтары:
- Біздің мемлекетіміз қалай аталады?
- Адамда неше қол бар?
- Біз қай планетада тұрамыз?
- Неше планета бар?
- 2-ге 5-ті көбейткенде неше болады?
- Сәуір айы қай мезгілге жатады?
III топтың сұрақтары
- «Жер» деген сөзде неше әріп бар?
- 5-ті 3-ке қосқанда неше болады?
- Тоқтар Әубәкіров деген кім?
- Бәйтерек қай қалада орналасқан?
-1 дециметрде неше сантиметр бар?
- Көру мүшесін ата.
8. Соңғы ғаламшар Плутон. Плутон - Күн жүйесінің сыртқы жағында айналатын ергежейлі ғаламшар. Бұл ғаламшардың тапсырмасы сандарды өсу, кему ретімен сана.
І топ ІІ топ ІІІ топ
1000 100 10
Жарайсыңдар сендер біздің достарымыздың көңілінен шықтыңдар. Біз Плутон ғаламшарының тұрғындарымен қоштасамыз.
Біздің зымыран бүкіл Галактиканы айналып Жерге оралды. Отан бізді қарсы алуда. Басқа ғаламшарда жақсы болса да, Жер Күн жүйесінің ең керемет ғаламшары деп келісесіңдер ме? Біз өз Отанымызды, өз қаламызды, мектебімізді, сағынып үлгердік. Жер ғаламшарын көркейтетін нелер деп ойлайсыңдар? Ал енді соларды Жер ғаламшарына орналастырайық.
Сендерге саяхат ұнады ма? Көңіл күйлерін қалай? Не білдіңдер? Не үйрендіңдер? Жарайсыңдар достар. Берілген тапсырмаларды керемет орындадыңдар. Кейін мен сендерге Күн жүйесі туралы толығырақ айтып беремін. Шынымен ғарышкер болу үшін жақсы оқуға, денешынықтырумен шұғылданып, дұрыс тамақтану керек. Ендеше ғарышкер болғыларың келсе сабақтарыңды жақсы оқып, еліміздің атақты ғарышкерлерінің бірі болуға тырысыңдар. Барлығыңызға рахмет.
