Сабақ : Квадрат үшмүшені көбейткіштерге жіктеу.

Топ басшысының бағалауы:

Бағалау жүйесі

1.Үй тапсырмасы ең көбі -5 ұпай

2.1 дұрыс -1 ұпай, ең көбі -5 ұпай

3.Топпен жұмыс істеу белсенділігі, ең көбі -5 ұпай

4. Оқулықпен  жұмыс жасауы, ең көбі -5 ұпай

5. І деңгей тапсырмалары: 1 ұпай.

ІІ деңгей - 2 ұпай

ІІІ деңгей – 3 ұпай

Бағалау бетшелеріндегі ұпай сандары бойынша критерийді қолданып бағалауы:

22-26 ұпай – «5»,

17-21 ұпай – «4»,

12-16 ұпай – «3»,

11 кем – «2»

Рефлексия

Lesson Study – іс-әрекеттегі зерттеу жұмысын жүргізудің ерекше түрі, ол мұғалімдер топтарының Lesson Study –ді бірлесіп жоспарлауын, оқуын, қадағалауын және талдауын көздейді. Осы орайда мен ақпан айында 8"А" сыныбында білім сапасын көтеру,сонымен бірге пән мұғалімдерінің өзара тәжірибе алмасуын, кәсіби шеберлігін, бақылау дағдыларын дамыту, сынып арасында ынтымақтастық орнату мақсатында алгебра пәнінен Lesson Study өткіздім. Зерттеу жүргізу үшін мұғалімдердің бірлесуімен Lesson Study-ді өткізу жоспары құрылды.Біз қатысушылар үш А, В, С деңгейіндегі оқушыларды таңдап алдық. А деңгейіндегі оқушы «Үлгерімі өте жақсы» А. есімді оқушы, В деңгейінде «Үлгерімі жақсы»  Ж. есімді оқушы, С деңгейінде «Үлгерімі орташа» Р. есімді оқушыны таңдап алып, талдау жұмыстарын жүргіздік. Әрбіреуіне мінездеме беріліп, жан-жақты қарастырдық. Зерттеуге қатысушы мұғалімдер  оқушыларды бақылап отырды.Тақырыбым : Квадрат үшмүшені көбейткіштерге жіктеу болды.Осы сабағым мен үшін ерекше өтті. Себебі, сабақтың мақсаты, күтілетін нәтижесі және сабақтың жүру барысы барлығы өте жүйелі түрде болды. Сабағымда сәтті және сәтсіз де тұстары болды. Сабақтарының нәтижесінде біз мынаны ұқтық. А деңгейіндегі оқушы берілген тапсырманы орындап , қасындағы оқушыларға көмектесе бастағаны, В деңгейіндегі оқушы да топпен жұмыс кезінде оқулықтағы тапсырмамен жұмыс жасады, топта есеп шығарып басқа қырынан көзге түсті. Ал С деңгейіндегі оқушы сұрақтарға жауап беріп , топтық жұмыс барысында өз идеяларын ашық айта білді. Бұл зерттеу жұмысы тек оқушылардың білім сапасын көтеруге ғана бағытталып қойған жоқ, сонымен қатар, тәжірибие алмасу, ынтымақтастық орнату болды.Осыған байланысты, пән мұғалімдеріне төмендегідей ұсыныстар жасалды:

-  Өз бетімен жұмыс белгілі бір мақсатқа бағытталған, оқушы орындай алатындай етіп таңдалуы тиіс;

-  Тапсырма бар ынтасын салып жұмыс істейтіндей, қызықты етіп әзірленуі керек;

-  Тапсырмалар жеңілден күрделіге қарай бағытталуы керек;

-Мұғалімге уақытты үнемдей алу;

- Оқушылардың берген жауабын мұқият тыңдап, қатесін түзетіп отыру;

8"А"сыныбында жүргізілген Lesson Study-ді қорытындылай отырып, сабақтағы өз бетімен жұмысты  жетілдіруде  оқушылардың деңгейін міндетті түрде ескерілу керек, қалыптастырушы бағалауды түрлендіре отыра, әр сабақта мұғалімге оқушылардын кері байланыс алу міндетті түрде керек деген түйін жасалды.  Жеке жұмысты берер алдында, оқушылар тақырыпты топта талдаса жақсы нәтижеге жетуге болады. Сабақта бағалау парағын ұсыну, өздері қол жеткізе алатын нәтиже ғана емес, сабақ бойы  қандай іс-әрекетпен айналысатынымен хабардар болып отыруға мүмкіндік береді, бұл олардың өз-өздерін реттеп үйренуге, өз бетімен жұмыс жасай білуге дағдыландырады деген қорытынды жасалды. Ең бастысы, осы зерттеу нәтижесінде 8 "А" сыныбында сабаққа деген белсенділік байқалды.Қорытындылай келе, бұл тәсілдің нәтижесінде біз оқушылардың білімдерін  жаңа тәсілдер арқылы кеңейте алдық.   Бағдарламаның жеті модулін ықпалдастыра отырып, оқушылардың сұрақтарға толық жауап беруіне, ойларын ашық айтуға дағдыланды. Топтық жұмыс арқылы ойларын ортаға салып талқылау, талдау, өз пікірін ашық айтуға дағыдыландыра отырып,бірін-бірі, өздіктерін, жұптарын, топтарын бағалауға үйретіп, оқуға деген қызығушылығын арттырдық. Болашақта осындай әдіс - тәсілдерді қолдана отырып өткен сабақтарыммызбен оқушының білім, білік дағдыларын арттыруды көздеп отырмыз және үлгерімі "С" дәрежесіндегі оқушылармен әлі де жұмыстар жасап "В" дәрежесіне жеткізуге, "В" дәрежесіндегі оқушыларды "А" дәрежесіне жеткізуге тырысамыз.Менің өткізгем сабағым ойдағыдай өтіп, мақсатыма, табыс критерийлеріне жеттім деп ойлаймын.Жалпы табыс критерийлерін орындау арқылы сабақтың жұлдызды сәттері айқындалды. Сонымен қатар, сабақтың басынан соңына дейін оқушылардың оқу , тындалым, айтылым дағдыларына кері байланыс жасалынды.

Қорыта айтқанда, сәтсіз тұстарын келесі сабақта қайталамауды жөн көрудемін.

«А» оқушы –есте сақтауы мен зейіні өте жақсы озат оқушы.Сыныпта өз беделі,өз орны бар өзін сенімді ұстайды тез достасқыш.Алдағы уақытта А оқушымен жұмыс жасау аса қиындық тудырмайды деп ойлаймын

«В» оқушы – есте сақтауы өте жақсы болғанымен,зейіні орташа,оқу екпіндісі. Аналитикалық ақыл-ойы жақсы қалыптасқан, өзін еркін ұстайды, ойын еш қиналмастан еш тежеусіз ашық айтады.В оқушы үшін тапсырмаларды оның зейіні мен есте сақтау қабілетін жетілдіру мақсатында жүргізуім керек деген ойда болдым.

«С» оқушы-есте сақтауы ,зейіні нашар оқушы.Мінезі өте ашық, ақкөңіл,елгезек, адамдардың ықпалына тез ергіш.С оқушының зейіні шоғырланатындай қызығушылығы оянатындай тапсырма беруім керек екендігіне көзім жетті.

Әр топ ақылдасып, ортақ ой-пікірлерді жинақтап нәтижесі ретінде ойларын ортаға салды.Сабақта бірнеше әдіс-тәсілдерді пайдалану арқылы зерттеуге алған оқушыларымның одан әрі өзгергенін байқадым.Төмен деңгейдегі оқушым С-ның деңгейлік тапсырмаға ерекше ден қойып, топ мүшелерімен өз ойын бөліскенін байқадым. Сабақ кезінде зерттеуге алған оқушылардың әр әрекет –қимылын қалт жібермей бақылауға барымды салдым. Берілген тапсырмалар бойынша топтық әңгімелесуден жоғарғы деңгейдегі оқушым А-ның креативті ойлау әрекеті өз тобына көшбасшылық жасап, идеялардың дұрыс бұрыстығына нақты дәлелдермен пікір айтып отырғанын байқадым. Ал орта деңгейлі В-ның сабаққа деген белсенділігі мен қызығушылығы одан әрі арта түсті.