Бір ?рпі бар ?рнекті? м?нін табу

Сабақтың тақырыбы: Бір әрпі бар өрнектің мәнін табу.

Сабақтың мақсаты: Әріпті өрнектерді ажырата алуға және мәнін таба білуге үйрету.

Сабақтың міндеті: 1. Әріпті және санды өрнектердің мәнін таба білуге баулу.

2. Оқушылардың білімділік дағдыларын, ой-өрісін, есте сақтау қабілеттерін дамыту.

3. Оқушыларды ұқыптылыққа, шапшаңдылыққа, білімділікке тәрбиелеу.

Сабақтың түрі: Аралас

Сабақтың типі: Жаңа сабақ

Сабақтың әдісі: диалогты оқыту, сыни тұрғыдан ойлау, бағалау

Сабақтың көрнекілігі: суреттер, кестелер, қима-қағаздар

Пән аралық байланыс: Дүниетану, Ана тілі

Сабақтың барысы:

I.Ұйымдастыру кезеңі

1.Оқушылардың назарын сабаққа аудару

2.Оқу құралдарын түгендеу

Мақсатымыз: Білім алу.

Міндетіміз: Еңбектену, бестік бағаға қол жеткізу.

Ұранымыз: Кел, балалар, келіңдер

Топқа бөлу:

Геометриялық фигуралар

І топ Үшбұрыш

ІІ топ Төртбұрыш

ІІІ топ Шаршы

-Балалар қазір жылдың қай мезгілі?

-Қыс

-Қыс мезгілінен кейін қай мезгіл?

-Көктем

-Көктемде нелер оянады?

-Табиғаттағы тіршілік иелері оянады

-Көктем ерекшеліктерін білеміз бе?

-Қар ериді, жылғалардан су ағады, күн жылиды, найзағай ойнап,жаңбыр жауады, ағаштар бүршік атып, гүлдейді, жер көк желекке айналады, малдар төлдейді, құстар ұшып келеді, гүлер кілемдей жайнайды

-Көктем еңбектерін білеміз бе?

-Айналаны тазалап, жасыл желек егу, жер жыртып көкөністер егу т.б.

-Көктемде қандай мерекелер бар?

-8 наурыз Халақаралық әйелдер күні,

-22 наурыз Мұсылмандардың жаңа жылы,күн мен түннің теңелген кезі

-Алда қандай мереке келе жатыр?

8 наурыз аналар мерекесі

-Аналарға не сыйлаймыз?

-Гүл сыйлаймыз

-Ендеше бүгін біз аналарымызға арнап гүл шоқтарын жасайық. Қане жарысайықшы. Қай топтың гүл шоғында көп гүл болса, сол топ жеңімпаз.

ІІ. Үй тапсырмасын тексеру

«Шынжыр» әдісі бойынша тексеру

І топ ІІ топ ІІІ топ

3+1=4 9-6=3 7+1=8

10-7=3 7-4=3 4+2=6

8+1=9 3-3=0 8-6=2

5+2=7 9-7=2 9-4=5

Формативті бағалау (қол шапалақтау)

IIІ. Өткенді пысықтау. Әр топпен сұрақ –жауап арқылы жұмыс жүргізу.

Топтық жұмыс «Постер» әдісі бойынша орындап қорғау.

Әріпті Санды

өрнек өрнек

Теңдік Теңсіздік

Теңдік

Әріпті өрнек

Санды өрнек

Теңсіздік

-Неге санды өрнектер дейміз?

-Өйткені санды өрнектер сандардан құралған

- Неге әріпті өрнектер дейміз?

-Өйткені әріпті өрнектерде әріптерден құралған.

-Ал ендеше балалар есімізге түсірейікші әріпті өрнектер қандай әріптермен белгіленеді?

-Латын әріптерімен

-Латын әріптерін айтайықшы

-Осы латын әріптерінің қазақ әріптерімен ұқсастығы және айырмашылығы бар ма?

-Қазақ әріптеріне тек қана а мен с әріптері жазылуында ұқсайды,

айтылуында а әріпі ғана ұқсайды.

IV. Жаңа сабақтың мақсатын хабарлау

-Сонымен балалар өрнектер нешеге бөлінеді екен?

-Қандай болып?

-Мінекей балалар енді сендер санды өрнектер мен әріпті өрнектерді ажырата білетін болдыңдар, ал бүгін біз әріпті өрнектердің мәнін тауып, осы өрнектерді оқып, есептер шығарамыз.

V. Жаңа сабақ

«Хат келді» ойыны арқылы әріпті өрнектің мәнін табуды түсіндіру.

(5-b, 5+b мұндағы b=3; 4; 1)

Әр топқа келген хаттағы тапсырма арқылы жеке-жеке қима-қағазбен орындату

Топтық жұмыс

Әріпті өрнектердің мәнін тап, мұндағы b=3; 4; 1.

І топ ІІ топ ІІІ топ

b+1 b+1+3 b+b

-Болғандарымыз қанекей тапсырманы оқып тексерейік.

Болмағандарымыз орындай беріңдер...

№2. Кесте бойынша өрнектерді оқы және олардың мәнін тап.

c	7	5	4	6	1	2	0
c+3

а	7	3	2	8	4	5	0
10-а

Сергіту сәті:

Күн шуағын шашады

Дәптермен жұмыс:

Ұжымдық жұмыс

№4. Есепті шығар.

Шарты:

Асқар – 4 ?

Серік – 6

Шешуі: 4+6=10

Жауабы: Барлығы 10 балық ұстады.

V. Өздік жұмыс:

І нұсқа ІІ нұсқа

5+3 8-5 4+3 9-5

10-3 5+4 10-5 4+6

VІ. Сабақты қорыту

Логикалық тапсырмалар орындау

VІІ. Бағалау

Топ бойынша бағалау

Жеке бағалау

VІ. Үйге тапсырма №3 (143-бет)

Асқар х алабұға, ал Серік 6 алабұға ұстады.

Балалар барлығы неше балық ұстады? (х+6)

Екі аяқ пен екі қол,

Бір ауыз бен бір тілің...

Нешеу болды кәне, бол,

Санап шығар кім бұрын? /6/

Төрт бұрышты үстелдің,

Бір бұрышын кессең,

Онда қанша бұрыш болады? /бесбұрыш/

Он асықтың алтауын,

Досың сұрап алады.

Айтшы, сонда нешеуі?

Өз қолыңда қалады? /4/

Аулада бес үйрек,

Қорада үш үйрек.

Бір үйрек тығылды,

Бір үйрек жығылды,

Қалғаны неше үйрек? /6/

Шығармақ боп кеше есеп,

Жиналған-ды бес есек.

Үшеуі ұйықтап отырды,

Ынталысы неше есек? /2/