Математика сабақтарында ойын элементтерін пайдалану

ҚЫЗЫЛОРДА ОБЛЫСТЫҚ БІЛІМ БАСҚАРМАСЫ

И. Әбдікәрімов атындағы аграрлық техникалық колледжі

БАЯНДАМА

Тақырыбы: «МАТЕМАТИКА САБАҚТАРЫНДА ОЙЫН ЭЛЕМЕНТТЕРІН ПАЙДАЛАНУ»

Оқытушы: Айтбаева Н.

Қоғамдық және жалпы білімдік пәндер пәндік циклдық комиссиясының

отырысында қаралып, мақұлданды

Қызылорда 2016ж.

МАТЕМАТИКА САБАҚТАРЫНДА ОЙЫН ЭЛЕМЕНТТЕРІН ПАЙДАЛАНУ

Айтбаева Назгүл

И.Әбдікәрімов атындағы аграрлық техникалық колледжі

Білім берудің талабы – тұлғаның жан-жақты іс-әрекеттік қабілетін кеңейтіп, оның жалпы өмірлікжәне кәсіби құзырлықтарын дамыту және қалыптастыру. Жалпы білім беру саласының алдына қойған алдына қойған мақсат, ең алдымен математикалық білім беру сапасын арттыру мәселелеріне келіп тірелетіні анық. Ежелгі замандардан бері математиканың алар орны, оның ғылым мен техниканың қарқынды дамуына қосар үлесі, жас жеткіншектерді тәрбиелеудегі маңыздылығы аз айтылған жоқ. Математиканы оқытудың негізгі мақсаты:

• математика – ғылым болмысынан балама ұғымдар. Сондықтан да математика барлық ғылымдардың логикалық негізі – күре тамыры ретінде қарастырылады;

• математика – ең алдымен оқушылардың дұрыс ойлау мәдениетін қалыптастырады, дамытады және оны шыңдай түседі;

• математика - әлемде болып жатқан түрлі құбылыстарды, жаңалықтарды дұрыс қабылдап, түсінуге көмектеседі.

Оқушының математикаға ынтасын дамыту мұғалімнің негізгі мақсаты болып табылады. Оқушының пәнге қызығушылығы – оны табысты да, түбегейлі игерудің негізгі шарты. Пәнге танымдық қызығушылықты дамытудың үш шарты бар:

1. мазмұнның жаңғыртылуы, бұрын жария етілген фактілерді жаңаша сипаттау, хабарланып отырған материалға тарихи бағдар беру, ілімнің практикалық мәнін ашып көрсету және ғылымның соңғы жаңалықтарын, табыстарды жүйелі баяндау;

2. өз бетінше жұмыс істеудің әрқилы түрлерін, оқытудың проблемалық тұрғыда қолға алған материалды зерттеу негіздерінде және оқушының шығармашылық, практикалық жұмыстарына бағытталған оқыту тәсілдері;

3. оқушының қабілетін ұштау, мұғалімнің оқушыға көмек беруге дайын тұруы, олардың мүмкіндіктеріне қолдау көрсету қабілеті, талап қоюшылдығы мен адалдығы,оқушыларды көтермелей білу, сондай-ақ өзара бәсекелесіне көмек көрсете білу қасиеті.

Оқушы назарын аударатын ойына түрткі болатын математика туралы қызықтыесептер, математикалық софизмдер мен ойындар сабақ үстінде өз орнын табу керек. Мұндай есептер оқушылардың математикаға деген ынтасын арттырып, есептерді өздігінен шешуге итермелейді, логикалық ой-өрісін дамытады. Оқушылар бір сарынды есеп шығарудан шаршамас үшін әртүрлі математикалық жарыстар, ойындар ұйымдастырған жөн. Әр мұғалімнің негізгі мақсаты – сабақ сапасын көтеру, оқушылардың сабаққа деген қызығушылығын арттыру, олардыңізденісін, танымын қалыптастыру. Оқытушы математика сабағына оқушылардың қызығушылығын тудыру үшінойындар ұйымдастыруына болады. Оқушылардың математикаға деген қызығушылығын арттырып, белсенді жұмыс істеуін, тез ойлану қабілетін арттыруға дидактикалық ойындар, қазақтың ұлттық ойындары, логикалық ойлауға бағыттайтын ойындардың орны ерекше. Ойындар ұйымдастыруда оқушыларды қызықтыратын тапсырмалар таңдай білу – мұғалімнен үлкен шеберлікті талап етеді. Ойын шығармашылық, ойын-еңбек. Ойнау барысында оқушның дербес ойлау қабілетін дамиды. Математиканың сан алуан сырын сандар әлемінің қызық құбылысын, ойын элементтерімен өрнектеген сабақ қызықты әрі ұтымды. Ойын сабақтарында берілетін тапсырмалар қарапайымнан басталып, біртіндеп қиындап оқушылардың танымдық қызметін белсендіруге назар аударылады. Білім бағалаудың бұл әдісі оқушылардың өзінше ойланып, қорытынды жасауға үйретеді, пәнге деген қызығушылығын арттыруға үлкен әсер етеді. Сонымен бірге оқушылардың математика пәніне қызығушылығын арттыруда, әр түрлі сыныптан тыс жұмыстарды атқарар рөлі өор, тигізер пайдасы ұшан-теңіз.