Просмотр содержимого документа
«"Білгенге маржан" интеллектуалды сайыс»
«Білгенге маржан»зияткерлік сайыс
Мақсаты: Оқушылардың білім деңгейін, шығармашылық ізденісін байқау, логикалық ойлау қабілеттерін, қызығушылықтарын, тіл байлықтарын жетілдіру. Ұйымшылдыққа, ізденімпаздыққа, шығармашылыққа тәрбиелеу. Көрнекілігі: ұлағатты сөздер, интерактивті тақта. «Адамға екі нәрсе тірек тегі, Бірі – тіл, бірі - ділің жүректегі». (Жүсіп Баласағұн) Барысы: І. Ұйымдастыру.
Жүргізуші: - Қош келдіңіздер, қадірлі ұстаздар, әділқазылар және оқушылар! - Қымбатты білім сүйгіш жас достар! Бұл сайыста әртүрлі қызықты сұрақтар мен тапсырмалар ұсынылады. Сайыста жеңу үшін сендер белсенділік танытып ,берілген сұрақтарға өзгелерден тезірек ойланып, жауап берулерің керек және тапсырмаларды дұрыс орындауларың қажет. Бұл сайыс - үлкен еңбек. Сондықтан сайыс кезінде өте ұқыпты, ойларың жинақталған болу керек және тәртіп сақталғаны жөн. Санамыздың өскенін, сөз байлығымыздың молайғанын көрсетейік. Әділ қазылар біздің Тыңдап баға беруге Шақырайық төрге. (Әділқазылармен таныстыру.) - Енді сайысымыздың өтілу ережесімен танысыңдар: І. Топты таныстыру
ІІ. Білгенге маржан
ІІІ. Дұрыс па, бұрыс па?
ІV. Кім жылдам?
V. Намыс дода
VI. Жалғасын тап
ҮІІ.Кім білгір ?
ҮІІІ. Жүректен жүрекке
І топ «Болашақ»
Өнер – білім үйреніп
Болашаққа барамыз.
Бәсекеде әлемдік
Қазақ атын жазамыз!
ІІ топ «Жас қыран»
Жас қыран, алға,
Әрқашан алда.
Қырандай қалқып
Биікке самға!
ІІ. Білгенге маржан
І-топ
Бір тәулікте неше сағат бар? (24)
2. 12 жылда қайталанатын жас (мүшел жас) 3. 2012 жылы Қазақстанға 7 алтын, 1 күміс, 4 қола медаль сыйлаған олимпиада (Лондон)
4. Қобызды ойлап тапқан кім? (Қорқыт)
5. Қазақтың батыр қыздары (Әлия, Мәншүк ) 6. 16 желтоқсанда Қазақстан халқы қандай мерекені тойлайды? (Тәуелсіздік күні) 7. Отанды сүю неден басталады? (Отбасынан)
8. Жүз жасаған қазақ ақыны кім? (Ж.Жабаев)
9. Төрт түлік малға нелер жатады? (сиыр, қой, жылқы, түйе)
10. Абайдың шын аты кім? (Ибраһим)
ІІ-топ
1.ҚР - ның мемлекеттік Елтаңбасының авторларын ата.
2. Біз қай облыста тұрамыз? (ШҚО)
3. Күйді орындайтын адамды кім дейді? (Күйші) 4. Өз алдына дербес мемлекет қандай мемлекет? (Тәуелсіз) 5. Ай атауларын ата. ( Қаңтар, ақпан, наурыз, сәуір, мамыр, маусым, шілде, тамыз, қыркүйек, қазан, қараша, желтоқсан)
6.Адам денесінде неше жұп қабырға бар? (12) 7. Тұңғыш «Әліппе» оқулығын жазған кім? (А.Байтұрсынов)
8.Биыл ҚР - ның Тәуелсіздігіне неше жыл болады? (25 ж )
9.Екі ақынның өлең жарысы қалай аталады? (Айтыс) 10. Жеті атаны айт. (Ата, әке, бала, немере, шөбере, шөпшек, немене)
ІІІ- кезең «Дұрыс па, бұрыс па?»
Мұғалім өз ойын айтады, оқушылар дұрыс болса қол шапалақтайды, бұрыс болса қол шапалақтамайды..
1.Қымыз – түйенің сүті.
2. Наурыз жаз айында басталады
3. Қыз қуу қазақтың ұлттық ойыны.
4. Биыл Абай Құнанбаевтың туғанына 150 жыл.
5. Қазақстан Украин мемлекетімен шектеседі. 6. Қазақстанның бас қаласы – Астана қаласы. 7. Абай- қазақтың ұлы ақыны. 8. Масса бірлігі сантиметр.
9. Сәукеле - қазақтың ұлттық бас киімі. 10. Жер ғаламшары үшінші ғаламшар.
11.2008 жылы Қазақстанда Азиада ойыны өтті.
12. Қуырдақ – қазақтың ұлттық тағамы.
13. 12 сәуір «Ғарыш күні» болып белгіленген. 14.Қазақстан жер көлемі бойынша 5 орында.
15. Биыл Қазақ хандығына 550 жыл .
ІҮ кезең «Намыс дода»
І топ
1. Әтештің екі аяғымен тұрғандағы салмағы 4 кг. Ал бір аяғымен тұрғандағы салмағы неше кг?
2. Алма ағашта 10 алма, ал теректе екеуі артық. Барлығы неше алма?
3. Ағашта 5 қарға, 3 сауысқан отырған еді. Барлық сауысқан және сонша қарға ұшып кетті. Неше қарға қалды?
4. 6 алманы 6 адамға бергенде, әрқайсысына бір-бірден және себетте алма қалатындай етіп қалай бөледі?
1. 1 жұмыртқа 4 минутта піседі. 5 жұмыртқа неше минутта піседі?
2. Қарындаш үшін ол пенал, ал машина үшін не?
3. Үстелдің 4 бұрышы бар еді. Біреуін аралап тастады, неше бұрыш қалды?
4. Айнұрдың 7 жаңғағы бар еді. Біреуін ағасына берген кезде екеуінде теңдей болды. Ағасында неше жаңғақ болды?
5. Екі әке, екі бала театрға билет алды. Театрға неше адам билет алды? (3)
Ү кезең «Кім жылдам?»
І-топ ІІ-топ
Х *5 = 60 9 ? 2 = 18
35 : Х = 5 45 ? 5 = 9
56 ? 7 = 8 72 :х =8
15 ? 5 = 75 20 ? 30 = 50
9 * 8 = Х 17 ? 7 = 10
60 ? 40 = 20 150 ? 30 = 5
6 * Х= 48 9 * 6 = Х
10 ? 0 = 10 17 ? 7 = 10
120 ? 40 = 3 Х: 4 = 9
8 ? 3 = 24 25 ? 5 = 30
VI кезең «Жалғасын тап»
1.Тауықтың түсіне тары кіреді
2.Қалауын тапса қар жауар
3.Соңғы түйенің жүгі ауыр
4.Қоянды қамыс өлтіреді,
Батырды намыс өлтіреді
5.Ұяда не көрсең,
Ұшқанда соны ілерсің
6.Төртеу түгел болса, төбедегі келеді,
Алтау ала болса, ауыздағы кетеді
7.Келісіп пішкен тон келте болмас
8.Ұстаздан шәкірт озар
ҮІ кезең.«Кім білгір ?». (Екі топтың топ басшыларына сұрақ қойылады). 1. Жер серігі ---------- ай. 2. Мұсылмандар діні ----------- ислам. 3. Жылқының төлі -------------- құлын. 4. Қазақстанның 1991 жылы ұшқан ғарышкерін ата.-------- (Т. Әубәкіров). 5. Сиырдың төлі -----------(бұзау). 6. Қырғызстанның астанасы.----------------- (Бішкек). 7. Ұлыстың ұлы қай күні тойланады.------------------(22 наурыз). 8. Қазақстан неше мемлекетпен шектеседі? --------------(5). 9. Жер орбитасымен өзін – өзі айнала отырып, Күнді толық бір айналғанда қанша уақыт кетеді?------------ (365 күн, 6 сағат) 10. Жер өзін – өзі бір рет айналғанда Жер бетінде қандай өзгеріс болады? ------------ (күн мен түн ауысады). ҮІІІ кезең .Жүректен – жүрекке.
Барлығымыз орнымыздан тұрып, бір – бірімізге жақсы тілек айтайық!
Жүргізуші:Жарысымыздың соңғы сәті таяп қалды. Ал, қазір әділқазы сөз алады.Жарыстың жеңімпазын анықтап,мақтау қағазын тапсырады. Қорытынды .
