Жас зияткерлер

Жас зияткерлер

Құрметті оқушылар! Бүгінгі сайысымызды Н.Ә.Назарбаевтың сөзімен бастайық.

«Білімді, интеллектуалды адамдарсыз, озық ғылымсыз Қазақстанның перспективасы жоқ. Қазір адамдардың бәсекелестігі, білімнің бәсекелестігі, ғылымның бәсекелестігі жүруде. Бұған дайындалу қажет».

Осы сайыста көрсеткен білімдерің, күнделікті жақсы оқығандарың – өздеріңнің болашаққа алғашқы қадамдарың болып табылады, деп «Жас зияткерлер» математикалық ойынымызды бастайық.

«Логика өнері - адамның ақыл-парасатын жетілдіруге көмектесетін құрал». (Әбу Насыр Әл-Фараби)

Сабақтың мақсаты:

• Білімділік: Оқушылардың математикаға қызығушылығын, ынтасын, зейінін арттыру, алған білімдерін тереңдету.

• Дамытушылық: Ой-өрісін кеңейту, логикалық ойлау қабілеттерін арттырып, ұжымшылдық қабілетін дамыту.

• Тәрбиелік: Окушыларды ұйымшылдыққа, жолдастыққа, алғырлыққа, белсенділікке және жеке тұлға етіп қалыптастыру.

Көрнекілігі: Презентация, безендендірілген кабинет, нақыл сөздер, карточкалық тапсырмалар, логикалық есептер, әр топқа даярланған үстел.

Түрі: топтық сайыс сағаты

Типі: ойын түрінде

І жүргізуші. Сәлеметсіздер ме оқушылар!

Нақты ғалымдарға қызығушылар.

Есігенін есте тұтып

Оқығанын миға тоқушылар.

ІІ жүргізуші. Сәлеметсіздер ме ұстаздар!

Айтар ойын тұспалдар

Сіз оқытқан оқушылардың

Сәті келді-ау сыналар.

І жүргізуші. Өмірде ойлап тұрсаң бәрі де есеп,

Ауырсаң ішетұғын дәрі де есеп,

Есепсіз өмір сүрген мазмұнсыз-ау,

Дүниенің бар тұлғасы есеп десек.

Есептеген сайысады 4 команда,

Алға озар ең мықтысы осы жолда.

Көпшілік өнерлерін қызықтауға

Шақырайық мүшелерді сайысуға.

ІІ жүргізуші. Шын жүйрік шабысынан танылады,

Нақты білім, терең ойлап сыналады,

Баға берер әділқазы ортамызда

Сіздерге құрметпенен қол соғылады.

1-бөлім. Таныстыру (топтың өзін таныстыруы)

2-бөлім. Полиглот (ең көбі 3 ұпай, 3 тілде; жауабы бұрыс, аудармасы жоқ болса 1 ұпай шегеріледі)

І топ:

1. Доп емес, дөңгелек емес,

Ұқсас бірақ достарым.

Фигура ол ең негізі,

Дәл жауапты қостадым. (шеңбер, окружность, circle)

2. Ел құлағы ... (елу, пятьдесят, fifty)

ІІ топ:

1. Алды-артымыз шексіз де,

Жете алмайсың біздерге.

Сәуле менен кесілді,

Шыққан тегін білсе де. (түзу, прямая, line)

2. Мың қосшыға ... басшы. (бір, один, one)

ІІІ топ:

1. Көк құтанша ақ айдында,

Бір аяқпен тұрады.

Тұмсығымен ол мұнда

Шыр айналып шығады. (циркуль, циркуль, compass)

2. Ең үлкен уақыт өлшем бірлігі. (ғасыр, век, century)

ІV топ:

1. Нәрселерді санағанда,

Керек ол бізге ауадай.

Айтыңдаршы бұл қандай сан

Жан-жағыңа қарамай? (N сандар, N числа, N numbers)

2. Жоқ өзінде бас та, қас та, мойын да,

Ұзындығы жазулы тұр бойында. (сызғыш, линейка, ruler)

3-бөлім. Біліктілік сайысы (карточкалар)

1. Ит пен қоян

Ит өзінен 150 м қашықтықта қоянды көрді. Қоян 2 минутта 500 м, ал ит 5 минутта 1300 м жүгіреді. Қанша уақытта ит қоянды қуып жетеді?

2. Хайуанаттар бағы

Ажар досымен хайуанаттар бағына барды. Ол жерден шыққан соң Ажар досынан былай деп сұрады:

• Сен қанша түйеқұс, қанша керік барын санадың ба?

• Жоқ әрине! – деп таңқалды досы.

• Онда санайық: олардың 30 көзі, 44 аяғы бар. Сонда қанша түйеқұс, неше керік болады?

3. Пойыздар

Екі пойыз бір-біріне қарама-қарсы бағытта шықты. 1-сі Астанадан Семейге 60 км/сағ жылдамдықпен, ал 2-сі Семейден Астанадаға 80 км/сағ жылдамдықпен келеді. Екі пойыз кездескенде, екеуінің қайсысы Семейге жақынырақ болады?

4. Ғажайып лалагүл

Ертегі көлінде ертегі лалагүлі қалыптап жүр. Ол гүл бір тәулікте екі есе өседі және көлдің бетін 137 тәулікте жауып тастайды екен. Ал қанша уақытта екі ертегі лалагүлі көлді жауып тастайды?

4-бөлім. Блиц-турнир (топ басшылар сайысы; 1 ішінде 5 сұраққа жауап беру)

І топ басшысы:

1) Екі қатынас теңдігі (пропорция)

2) Жерден нені көтері мүмкін емес (көлеңке)

3) 2 ондыққа 2 ондықты көбейткенде неше ондық шығады (40)

4) Екі теріс санның қосындысы неге тең? (теріс сан)

5) Сағат 15⁰⁰-де қандай бұрышты көрсетеді? (90)

ІІ топ басшысы:

1) Кері сандардың көбейтіндісі (1)

2) Барыс бір секіргенде 288см ұзындыққа секіреді. Неше метр, неше дм, неше см? (2м, 8дм, 8см)

3) Сағат тілі тәулігіне неше рет тік бұрыш жасайды? (4 рет)

4) Кім барлық тілде сөйлейді? (жаңғырық)

5) 7 адам фотосурет алмасты. Қанша фотосурет таратылды? (42)

5-бөлім. «Крокодил» ойыны (іс-қимылмен)

Теріс сан, турист, күнтізбе, процент.

6-бөлім. «Логика» сандықшасы (газет-буклет, әнмен шығу)

7-бөлім. Қорытынды

І жүргізуші. Жарыстың соңғы сәті таяп қалды,

Дәмеңіз біз өнерді аяп қалды.

Әділқазы сіздерге сөз береміз,

Жеңімпаздар кім болып сарапталды?

ІІ жүргізуші. Алдыңызда жайнаған жүздер әні,

Сіздермен кездесеміз біздер әлі.

Әділқазы, көрермен сау болыңыз

Күтеді бізді жарқын күндер әлі.