Лексикалық тақырыбы: «Жемістер мен көкөністер».

5қаз сынып «Ашық сабақ». Дефектолог: Пазилбаева Бибинур

«Заттардың көлемін, түсін, пішінін ажырата білуді үйрету»

Мақсаты: балалардың геометриялық пішіндер туралы білімдерін қалыптастыра отырып, қарапайым математикалық ұғымдарын бекіту.

Білімділік мақсаты: көкөністер мен жемістерді ажырата білуге, оларды геометриялық пішіндермен сәйкестендіруге үйрету.

Коррекциялық бағыты: ойлау қабілеттерін, тілдерін дамытып, байланыстырып сөйлеуге үйрету.Көргенін суреттеп айту білу қабілеттерін, қолдың ұсақ моторикасын дамыту.

Тәрбиелік мақсаты: балалардың дүниетанымын арттыру, ұжымдылыққа, ұқыптылыққа баулу.

Көрнекіліктер: таратпа материал (геометриялық фигуралар), көкөністер мен жемістердің муляждары, дорба, көкөністер мен жемістердің суреттері, түрлі-түсті қағаз,қайшы, желім.

Сабақ барысы.

1.Психологиялық дайындық.

Біз қандаймыз, қандаймыз,

Шұғылалы таңдаймыз.

Күлімдеген күндейміз.

Ренжуді біз білмейміз,

Қуанамын мен де,

Қуанасың сен де,

Қуанайық достарым,

Арайлап атқан әр таңға.

Дефектолог: алақандарымызды айқастырып, саусақтарымызды ашып, күн сәулесін жасаймыз.

Жемістер мен көкөністерге байланысты тақпақтарымызды кезекпен айтамыз.

Бексейіт: Өсіретін бойыңды,

Өсіретін ойыңды,

Қоянға да азықпыз,

Сәбіздерміз жазықсыз.

Сәтболыс: Картоп біздің атымыз,

Жер астында жатырмыз.

Бір тамырдан тараған

Ағайынбыз бәріміз.

Еңлік: Тал шыбығым бұралып,

Бақшаларда қызарып,

Тұрған ол мен-қызанақ,

Күнге қарап ұялып.

Айбек: Мынау-жүзім, жаным,

Сөлі балдай шырын.

Тәттілігін біледі.

Ара менен шыбын.

Ернұр: Мынау-өрік, күнім,

Ерте ашар гүлін,

Қара өрік, сары өрік,

Ектім екі түрін.

Рауан: Алма баққа барайық,

Алма теріп алайық,

Қол жетпесе алмаға

Секіріп қол созайық.

«Ғажайып дорба» ойыны

Дефектолог: балалар дорбадан әр түрлі жемістер мен көкөністерді (муляж суреттері) біртіндеп алып, заттарды атап, пішінін, түр-түсін, дәмін айтып сипаттайды.

Мысалы: Бұл-алма дәмі өте тәтті, түсі сары, пішіні дөңгелек тәріздес.

Бұл-қияр дәмсіз, түсі жасыл, пішіні сопақ тәріздес.т.б

«Жемістер мен көкөністер» тақырыбына әңгімелесу.

-Қазақстанда қандай көкөністер өседі?

-Қазақстанда қандай жемістер өседі?

-Көкөністердің адам ағзасына қандай пайдасы бар?

-Жемістердің адам ағзасына қандай пайдасы бар?

«Біздің Отанымыз – Қазақстанда көкөністер мен жемістердің көптеген түрлері өседі. Жемістер – адамға өте пайдалы. Жемістерді кептіріп, қақ жасауға болады, әртүрлі дәмді тосаптар мен шырындар дайындайды.Шырынды адамдар сүйсініп ішеді.Жемістер жақсы өсіп мол өнім беру үшін, адамдар жеміс ағаштарын күтеді.Оларды түрлі зиянкес құрттардан сақтау үшін ерте көктемде ағаштарды әктеп, тыңайтқыштармен қоректендіру керек. Көкөністерден қысқа сақтауға салаттар, шырындар дайындайды. Көкөністер – адамның ағзасының өсуі мен дамуына пайдалы түрлі заттарға бай.

«Ретімен қой» ойыны

Дефектолог: балалар «Ғажайып дорбадан» алынған жемістер мен көкөністерді ретімен қойып санайды. «Сол» жаққа жемістерді жинайды, ал «оң» жаққа көкөністерді жинайды. Балалар жемістер мен көкөністерді санап, салыстырады.

«Сиқырлы ағаш» ойыны

Дефектолог: балалар «Сиқырлы ағаштан» жапыстырылған жемістер мен көкөністерді алып артына жазылған жұмбақтарды шешуі керек.

Іші толған шәрбат Дөп-дөңгелек сары Сырты жасыл қатты

Дәмі қандай әйбат Ішінде бар дәні Іші қызыл тәтті.(қарбыз)

Үзесің бірден жүзін Қызығасың көріп

Оның аты- жүзім Оның аты-өрік

Үлкендігі алмадай,

Сырты жанған қызыл от,

Ішін жарып қарасаң-

Жер астында темір қазық. Қалың киімді ұнатады, Майда,майда қызыл шоқ(Анар)

Шеншіндірсең жылатады(Пияз)

Аласа ғана бойы бар, Әрі қызыл,әрі тәтті,

Қабат-қабат тоны бар(Капуста) Татқан жанды таңырқатты(Алма)

Дефектолог: балалар кім қандай жеміс немесе көкөніс алған болса, сол бойынша көкөніс пен жемістің суретін қағаз бетіне түсіреміз.

Сергіту сәті

Дефектолог: Ал, балалар, енді орнымыздан тұрайық, сәл демалып алайық.

Бойыңды сергек тік ұста.

Емін еркін тыныста.

Деміңді ішке тез ал да,

Сол қолыңды соз алға.

Қол ұшына қара да,

Үшбұрыш сыз ауада.

Он қолың бос тұрмасын,

Шеңбер сызып зырласын.

«Дәміне қарай ажырат» ойыны

Дефектолог: үстел үстіндегі көкөністер мен жемістердің бөліктерінен көз жұмулы бала дәм татып, қандай жеміс немесе көкөніс екенін айтуы тиіс.

Сабағымызды жылулық шеңберімен қорытындылаймыз.

«Алма, алма» дейсің.

Алма әкелсем, жейсің,

Айтпады екен деме,

Алманы жумай жеме.