Ыбырай Алтынсарин "Дүние қалай етсең табылады"

Сабақ жоспары

1. Пән аты: Әдебиет

2. Сыныбы: 5 «А»

3. Күні, айы, жылы:12.01.2017 жыл

4. Пән мұғалімі: Альжанова Салтанат Өмірзаққызы

Сабақтың тақырыбы: Ы. Алтынсарин

«Дүние қалай етсең табылады?» атты әңгімесі

Сабақтың мақсаты:

1. Білімділік: Оқушыларға Ыбырай Алтынсариннің «Дүние қалай етсең табылады? » өлеңі туралы түсінік беру, әңгіменің идеялық мазмұнына талдау, оқушыларға ойландыратын тапсырмалар бере отырып, пікірін тыңдау, қорытынды жасау.

2. Дамытушылық: Оқушылардың білімдік танымын , шығармашылық қабілетін, тілдік қорын, ізденістерін арттыру.

3. Тәрбиелік: Оқушыларды еңбексүйгіштікке, мамандық таңдай білуге, ізгілікке баулу, елжандылыққа тәрбиелеу

Күтілетін нәтиже: Оқушылар еңбек етудің маңыздылығын түсінеді, мәтіннің мағынасын түсінеді, өз пікірін айта алады..

Сабақтың типі: жаңа сабақ.

Сабақтың түрі: дәстүрлі сабақ.

Сабақтың әдіс-тәсілі: мәнерлеп оқу, әңгімелеу,талдау.

Сабақтың көрнекілігі: Ы.Алтынсариннің шығармалар топтамасы, портреті, еңбек туралы нақыл сөздер, АКТ, СТО стратегиялары, флипчарт, маркер,дүниежүзілік карта т.б.

Пәнаралық байланыс: тіл, тарих, экология, еңбек.

Сабақтың барысы:

І. Ұйымдастыру кезеңі:

1.Оқушылармен сәлемдесу.

2. Оқушылардың сабаққа қатысын тексеру.

3. Оқушылардың зейіндерін сабаққа аудару.

4. Топқа бөлу.

(Ыбырай Алтынсариннің «Өзен» өлеңі арқылы топқа бөлу.

5. Жағымды ахуал туғызу.

ІІ. Үй тапсырмасын тексеру:

1. Ы.Алтынсариннің өмірі туралы мәлімет жинау, жазу.

2. «Өзен» өлеңін жаттау.

ІІІ. Білім тексеру:

1. «Топтастыру» стратегиясы.

Ы.Алтынсарин туралы не білеміз?

ІV. Жаңа сабаққа дайындық:

1.Сабақ тақырыбын тақтаға жазу

2.Сабақ мақсатын түсіндіру

V. Жаңа тақырыпты түсіндіру:

1. Еңбек туралы видеоролик тыңдату.

2. «Ойлан-жұптас-бөліс» әдісі арқылы оқушылар жұптасып, көрген бейнежазбасын баяндайды.

Кітаппен жұмыс

3. Мәтінді ДЖИГСО әдісі бойынша бөлімдерге бөліп мазмұнын айтады.

4. Рөлдік ойын

1. Автор сөзі:

2. Француз жұртының білімді адамының сөзі:

3. Бейтаныс адамның сөзі:

4. Антонның сөзі:

5. «Кубизм» стратегиясы арқылы оқушылар бір-бірімен сұрақ-жауап жұмысын жүргізеді.

6.Тірек сөздерді үш тілде айту.

I топ

Қайыршы - нищий – beggar

Дүкен – магазин - shop

Еңбек – труд - labour

ІІ топ

Қала – город – city

Жігіт – юноша - lad

Ақыл – ум - mind

7. Тақырыпқа байланысты мақал-мәтелдер айту

Сөздікпен жұмыс

Франк –француз ақшасының атауы.

Мәтіннен көнерген сөздерді табу: купец, реуішті.

VІ. Түсінік тексеру:

«Өз миыңды суретте» стратегиясы арқылы оқушылар мидың суретін салып, сабақ кезінде меңгерген сөздерімен толтырады.

VІІ. Жаңа сабақты бекіту:

1. Венн диаграммасы:

Еңбекқор

Жалқау

1. «Синкуэйн» әдісі

1. Зат есім

2. Сын есім

3. Етістік

4. 4 сөзден тұратын сөйлем

5. Синоним

1. «Екі бетті күнделік» стратегиясы.

Әңгімеден алған әсерім	Пікірім

VIII. Бағалау

Үй тапсырмасын беру

1.«Байлықтың көзі - еңбекте» тақырыбында шағын шығарма жазу.

2. «Дүние қалай етсең табылады?» әңгімесін мазмұндау.

Сабақ жоспары

1.Пән аты: Қазақ тілі

2.Сыныбы: 5

3.Күні, айы, жылы: 08.02.2017 жыл

Сабақтың тақырыбы: Еріндік және езулік дауысты дыбыстар

Сабақтың мақсаты:

1.Білімділік: Оқушыларға тіліміздегі дыбыстарды, соның ішіндегі еріндік және езулік дауысты дыбыстарды меңгерту және олар туралы түсініктерін кеңейту, жаттығу жұмыстары мен қосымша тапсырмалар арқылы бекіту.

2.Дамытушылық: Оқушылардың дауысты дыбыстардың түрлерін ажырата алу дағдыларын арттыру, фонетикалық талдау дағдыларын арттыру.

3.Тәрбиелік: Оқушыларды адамгершілікке, еңбекті дәріптеуге, ана тілді құрметтеуге тәрбиелеу.

Сабақтың типі: аралас сабақ

Сабақтың түрі: дәстүрлі

Сабақтың әдіс-тәсілі: түсіндіру, сұрақ-жауап, жаттығу, салыстыру.

Сабақтың көрнекілігі: тақырыпқа байланысты кесте,үлестірмелер.

Пәнаралық байланыс: қазақ әдебиеті, тарих

Сабақтың барысы:

I.Ұйымдастыру кезеңі:

1.Оқушылармен сәлемдесу

2.Оқушылардың сабаққа қатысын тексеру

3.Оқушылардың зейіндерін сабаққа аудару

4.Топқа бөлу (ашық пен қысаң дауысты дыбыстары арқылы)

II.Үй тапсырмасын тексеру:

1. Ашық және қысаң дауыстылар

2. 246 -жаттығу

ІІІ. Білім тексеру:

Терме диктант

Көкен наркескен семсерін тасқа жанып тұр. Семсерден от ұшқындары ұшады. Бір күні қаладан Әміржан келді. Қыс өтіп, жылы , жайлы жаз келді. Сол уақытта жаңбыр бұлты тауға таман жақындап, жел қатаңдап, күннің күркірегені жиілеп тұр еді.

ІV.Жаңа сабаққа дайындық:

1.Сабақ тақырыбын тақтаға жазу

2.Сабақ мақсатын түсіндіру

V. Жаңа тақырыпты түсіндіру:

Дауысты дыбыстың жасалуы кезіндегі ерін мен езудің қалпына қарай олар еріндік және езулік болып бөлінеді.

Еріннің дөңгеленіп, алға қарай созылуы арқылы жасалған дауысты дыбыстарды еріндік дауыстылар деп атайды. Олар:о,ө,у,ү,ұ.

Езудің кейін қарай тартылуы арқылы жасалған дауысты дыбыстарды езулік дауыстылар деп атайды. Олар:а,ә,е,э,ы,і,и.

Сөздің алдыңғы буынындағы еріндік дауыстылар кейінгі буындағы езулік дауыстылырға әсер етеді. Оны өзіне қарай бейімдеп еріндік дауыстыға айналдырады. Мысалы: құлын сөзі - құлұн болып айтылады. Жазудағы нормасы құлын болғанымен, айтудағы нормасын сақтап айту керек. Себебі, сөздерді дұрыс айта білу де – тіл мәдениетінің бір шарты.

VІ. Жаңа тақырып бойынша түсінік тексеру:

Терме диктант

(еріндік пен езулік дауыстылардың астын сызу)

1.Биыл Абайдың жасы он үшке толған еді. 2. Ескі қыстаудан әрі ұзамай, қалың ағаш сиреп, дала көріне бастады. 3. Мына қызықты көрсін деп, Есен әкесін үйіне шақыруға барды. 4. Талғат берілген бұйрықты орындап, кейін оралғанда, жаудың екі ұшағы оны ортаға алды. 5. Окопта бір бала ұйықтап жатыр.

2.Еріндік және езулік дауыстыларға жұмбақ шығару.

3.Дыбыстық талдау (қыстау, бұйрық)

VІІ. Жаңа сабақты бекіту.

1.Оқулықпен жұмыс

247-жаттығу (ауызша)

• Төмендегі жұмбақ өлеңдердің шешуі қай дауысты дыбыстар екенін табыңдар. Өздерің осы тәрізді жұмбақ өлең шығарып көріңдер.

248– жаттығу

• Мына өтірік өлеңдегі еріндік дауыстары бар сөздерді бір бөлек,езулік дауыстылары бар сөздерді бір бөлек, аралас келген сөздерді бір бөлек жазыңдар.

2.Дидактикалық ойын «Артығы қайсы»

Еріндік, езулік, ашық, қысаң, жуан, жіңішке әріптерді араластырып жазып, артығын оқушылар табу керек.

VІІІ. Сабақты қорыту:

1. Бағалау

2. Үйге тапсырма беру:

1. Еріндік және езулік дауысты дыбыстар туралы түсінік.

2. 249- жаттығу.