Қозыкүрең

Күні: 22. 04. 2016ж

Сабақтың тақырыбы: Қабдеш Жұмаділов «Қозыкүрең»

5 сынып (екінші сағат)

Сабақтың мақсаты:

Білімділігі: «Қозыкүрең» әңгімесінің мазмұнын меңгерту, білім көкжиегін кеңейту. Қазақ-қырғыз халықтары арасындағы тарихи қалыптасқан қарым-қатынастың, адал көңіл-ниеттің, шынайы бауырластығы туралы әңгімелеу. Табиғат перзенті жылқы малына деген сүйіспеншілік көзқарасты ұғындыру.

Дамытушылығы: Оқушының өз бетінше іздене білу, қорытынды, тұжырым жасаудағы машығын дамыту, ой-өрісін, сөздік қорын, ойлау қабілетін арттыру.

Тәрбиелілігі: Адами сезімді қастерлеу, ортақ пікір, тиянақты тұжырымдама жасауға баулу, оқушыларды адамгершілік, қайырымдылық, бірлік, достық, отанды сүюге, бауырластық рухында тәрбиелеу.

Сабақтың түрі: білімді жүйелеу

Сабақтың әдісі: Әңгімелеу, баяндау, сұрақ-жауап, талдау, жинақтау,

ой қозғау .

Сабақтың көрнекілігі: Қ.Жұмаділовтың портреті, кесте-сызба,

интерактивті тақта, слайдтық көріністер

Пәнаралық байланыс: Тарих, бейнелеу өнері

Сабақтың барысы:

І. Ұйымдастыру кезеңі. Психологиялық дайындық

ІІ. Үй тапсырмасын тексеру. (өмірі мен шығармашылығына тоқталу) «Жылдар сөйлейді» топтамасы арқылы Қабдеш Жұмаділов туралы ақпаратты топтастыру.

ІІІ. Жаңа сабақ. І.Қызығушылығын ояту. Ой қозғау.

1. Қ.Жұмаділов «Қозыкүрең» шығармасы туралы не оқыдық ?

1. «Шығарма мазмұны композициясында».

Оқушылар тақтада берілген шығармалардың үзіндісін шығарманың композициясының қай бөлігіне жататынын анықтайды.

Жоспар Үзінділер

1. Оқиғаның басталуы. Алатау қазақ пен қырғыздың құт береке қонысы.
2. Оқиғаның байланысы. Қазақтардың сапарға сайланып шығу
3. Оқиғаның дамуы. Төреқұл әңгімесі.
4. Оқиғаның шиеленісуі Қозыкүреңнің қашып шығуы
5. Оқиғаның шарықтау шегі. Қозыкүреңнің елге оралуы - жаралы

жауынгердің елімен қауышуы тәрізді
6. Оқиға шешімі. Қозыкүрең өлімі

1. Мәтінді талдау

1. Повестен алынған үзіндіні не себепті «Қозыкүрең» деп атаған ?

2. Шығарманы оқи отырып, қай кейіпкердің іс-әрекетіне сүйсіндіңдер ?

3. Қазақ пен қырғыз халқының достығы, ортақ салт дәстүрі туралы не білесіңдер ? (Мәтіннен Ержанның ойларын тауып оқу).

4. Қозыкүреңнің елге қашатынын Саяқбай қайдан білді ?

5. Қозыкүрең елге оралғанда Саяқбай неге жылады ?

6. Төреқұл досы Ағыбайға «Қоянкөк» дөненді сыйға тартуы, оны Ағыбайдың қабылдап тұрып «Берген жомарт емес, алған жомарт» деуі неліктен ?

1. «Кім көп біледі» ойыны.

Жылқыға байланысты қандай мақал-мәтелдерді білесіңдер?

1. Жылқы – малдың патшасы,

2. Түйе – малдың қасқасы.

3. Жүйрік атқа жел қамшы.

4. Жүйрік ат – бірде ат, бірде қанат.

5. Жылқылы елде жау көп, Жатақ елде дау көп.

6. Жүйрікті кекіл қағысынан байқайды.

1. Семантикалық карта.

1. Ой толғаныс. Сөздікпен жұмыс (кесте бойынша)

6. Шығармашылық тапсырма. «Тест шешу» кезеңі.

І. Ералы кімнің әкесі?

1) Ағыбай

2) Төреқұл

3) Қайынжамал

ІІ. Қырғыздар қазақтарға қандай қиыншылық кезінде көмек қолын созды?

1) Соғыс кезінде

2) Көтеріліс кезінде

3) Ашаршылық кезінде

ІІІ. Екі елдің де құт береке қонысы, асыраушы анасы болған мекен қай мекен?

1. Қазақ жері

2. Алатау

3. Тарбағатай

ІV. “ - Бұлар менің жиендерім..... Ұрпақтан қазір менде өздеріңіз білетін жалғыз Қайынжамал ғана қалды ғой” деген сөз кімнің сөзі?

1. Ағыбай

2. Ержан

3. Төреқұл

V. “Қозыкүрең енді бірер күннен кейін Алатау қайдасың деп тартып отырмаса, мұрнымды кесіп берейін” деген кім?

1. Халық

2. Саяқбай

3. Жылқышылар

Сергіту сәті

Үш топқа үш түрлі тапсырма беріледі.

1. Жылқы малының жасына қарай атаулары. (Құлын, жабағы, тай, құнан,дөнен, бесті)

2. Жылқы малы қатысатын жарыс, ұлттық ойын түрлері.(Аударыспақ, кыз қуу, теңге алу, ат жарысы, бәйге, көкпар)

3. Жылқы малының түсіне қарай атаулары. (қаракер, жирен, бурыл, күрең,торы, кер)

1. Қорытынды. Венн диаграммасы

Үйге тапсырма:

«Туған жерді сағындың ба, Қозыкүрең ?» әңгіме желісі бойынша ертегі жазу.