Қабдеш Жұмаділов: «Қозыкүрең"

Батыс Қазақстан облысы

Ақжайық ауданы

Кеңсуат ауылы

Қабдеш Жұмаділов: «Қозыкүрең»

(Қазақ әдебиеті. 5 – сынып)

Ихсанова Шолпан Қуанышқызы

Кеңсуат негізгі жалпы білім беретін мектебі

І санатты қазақ тілі мен әдебиеті пәні мұғалімі

Сабақтың мақсаты:

Білімділігі:оқушылардың алдыңғы сабақта алған білімін тексеру, әңгіме мазмұнын талдау арқылы тереңірек меңгерту;

Тәрбиелілігі: адами сезімді қастерлеу, адал достыққа, сыйластыққа тәрбиелеу;

Дамытушылығы: әдеби шығарма идеясын тануға үйрету, өз бетінше іздене білуін, өзіндікпікірін қалыптастыру,шығармашылық қабілетін дамыту;

Сабақтың типі: білімді жинақтау сабағы

Сабақтың түрі: аралас

Сабақтың әдіс-тәсілдері: талдау, жинақтау, сын тұрғысынан ойлау технологиясының әдістері, шығармашылық жұмыстар

Сабақтың көрнекілігі: Қабдеш Жұмаділовтің портреті, тірек сызбалар, кесте, суреттер;

Пәнаралық байланыс: тіл, тарих, география

Сабақтың барысы:

І.Ұйымдастыру кезеңі: 1. Оқушыларды түгендеу. Реттілік.

Тренинг – «Таныстыру»

Сыныпты алға шығару, оқушылар шеңбер болып тұрады, өздерінің есімдерінің бас әріптерін сын есімдермен тіркестіріп айтып шығады: Мен - ақылды Аружанмын. Мен - жібектей Жұпармын. Мен - батыл Бекжанмын. Мен - әдепті Әлібимін....

Үш түрлі конфеттер таңдату арқылы сыныпты үш топқа бөлу.

ІІ.Үй тапсырмасын тексеру:

1. «Жуан – жіңішке» сұрақтар – «Қозыкүрең әңгімесі бойынша үш топ мүшелері бір – біріне сұрақтар қояды.

«Жуан» сұрақтар – оқушыны ойландыратын, өз ойын, пікірін айтатын сұрақтар болу керек, «Жіңішке» сұрақтар – жауабы мәтін ішінде бар, жеңіл сұрақтар;

Үлгі: «Жуан» сұрақтар –1. Ағыбайдың бөтен елге баруы дұрыс па?

2. Әке аманаты дегенді қалай түсінесің?

3. Ауылда Саяқбай сияқты жылқы малын жақсы білетін адамдар бар ма?

«Жіңішке» сұрақтар – 1. Ағыбай мен Төреқұлды табыстырған қандай жағдай еді?

2. Әңгімедегі Ержан мен Ерқанаттың Ағыбайға қандай туыстығы бар?

3. Қозыкүреңдегі өзгерісті алдымен байқаған кім?

1. «Қозыкүрең» әңгімесі бойынша «Түсініктеме күнделігін» толтыру

1-ші топтың жауабы

Әр топтан бір оқушы шығып жауап береді.

ІІІ. Жаңа сабақ

Үш топқа тапсырма беру

1-ші топқа тапсырма - әңгімеге композициялық талдау жасау

Әңгіменің басталуы Қонаққа бару

Әңгіменің дамуы Қозыкүрең туралы әңгіме

Әңгіменің байланысуы Еділ жағасында

Әңгіменің шиеленісуі Саяқбайдың ескертуі

Әңгіменің шарықтау шегі Қозыкүреңнің қашуы

Әңгіменің шешімі Қозыкүреңнің туған жерге келіп жетуі

Қорытынды Достың сыйы

2-ші топтың тапсырмасы - әңгімені сатылай- кешенді талдау

• 1/ Авторы – Қабдеш Жұмаділов

• 2/ Тақырыбы – «Қозыкүрең»

• 3/ Жанр түрі – проза

• 4/ Идеясы – достыққа адалдық, туған жерге сүйіспеншілік

• 5/ Түйіні – туған жерді сүюге, бауырмалдыққа, достыққа тәрбиелеу;

3-ші топқа тапсырма - әңгімедегі мақал – мәтелдерді теріп жазу

Ашаршылықта жеген құйқаның дәмі кетпес;

Жиеннің назары қатты болады;

Берген жомарт емес, алған - жомарт;

Ер арыса – аруақ, ат арыса – тулақ;

2) «Бес жолды тұжырымдама»

1 – топ - Ағыбай 2 – топ – Төреқұл

1. Ағыбай 1. Төреқұл

2. Ақкөңіл, адал 2. Бауырмал, қонақжай

3. Сайланып шықты, іздеп барды, аманатты орындады 3. Қонақ қылды, қуанды, сыйлады

4. Ағыбай әке аманатын орындады. 4. Ағыбайға кетерінде ат мінгізді.. 5. Жан 5. Пенде

3 – топ – Саяқбай

1. Саяқбай

2. Қарт, көпті көрген

3. Байқады, таныды, арулап жерледі

4. Саяқбай Қозыкүреңді даусынан таныды.

5. Адам

«Ыссы орындық» - әр топтан бір оқушыдан шығып, сұрақтарға жауап береді.

Сұрақ қоятын топ мүшелері оқушыға қиынырақ сұрақ беріп, «ыссы орындыққа» күйдіруге тырысады.

Дұрыс жауап берген оқушыға «Жұлдызды отшашу» марапат көрсетіледі

VІ. Сабақты бекіту

РАФТ әдісі бойынша - шығармашылық жұмыс

2-ші топтың жұмысы

Әр топ аудитория, форма, тақырыпты өздері таңдайды

Аудитория – Қозыкүреңге, туған жерге, шығарма кейіпкерлеріне

Форма – хат, эссе, өлең, сурет, үндеу

Үлгі тақырыптар – «Туған жерге сағыныш», «Туған жерге жеттің бе, Қозыкүрең?»,

«Ұлы достық», «Әке аманаты», «Төрт түліктің патшасы – жылқы»

VІІ. Сабақты қорыту

1. Бағалау

«Екі жұлдыз, бір ұсыныс» - үш топ бір-бірін бүгінгі сабақтағы екі жетістігін және бір ұсыныс айтып бағалайды.

1. Үй тапсырмасын беру:

1. Жылқы – ер қанаты» - эссе жазу