Сабақтың тақырыбы: Сұраулы сөйлем.
Сабақтың мақсаты:
Білімділігі: Оқушыларға сұраулы сөйлемнің мағынасын түсіндіру. Сұраулық мағынаны білдіретін сөздер туралы алғашқы түсініктерін қалыптастыру. Сұраулы сөйлемді тиісті дауыс ырғағымен оқуға жаттығу.
Дамытушылығы: Оқушылардың сөздік қорын, тіл байлығын дамыту, жан-жақты ойлауға үйрету.
Тәрбиелігі: Оқушыларды сауатты жазуға, ұйымшылдыққа тәрбиелеу.
Сабақтың түрі: жаңа сабақ
Сабақтың әдісі: түсіндіру, іздену.
Көрнекілігі: суреттер, слайд,стикерлер
Сабақтың барысы:
І. Ұйымдастыру кезеңі
Балаларды топқа бөлу. (Түстер арқылы).
ІІ. Үй тапсырмасын тексеру
Балалар, үйге қандай тапсырма берілді?Өзіңнің отбасыңа байланысты хабарлы сөйлем жазып келу. Оқушыларға жазып келген сөйлемдерін оқыту.
Балалар отбасы дегеніміз шағын мемлекет.
Қазіргі таңда барлығымыз бір үлкен, көп ұлтты, бейбіт мемлекетте өмір сүріп жатырмыз.
-Балалар, біздің тәуелсіздік алғанымызға неше жыл толып отыр?
-Тәуелсіз мемлекетіміздің тірегі, болашағы – сіздерсіздер.
ІІІ. Жаңа сабақ:
Сұрақты не үшін қоямыз (жауап алу үшін)
Қандай белгі пайда болды, қарайықшы? Сұрақ белгісі.
Осыдан қандай ереже шығарып алуға болады?
Жауап алу мақсатымен айтылған сөйлемді сұраулы сөйлем дейміз. Сұраулы сөйлемнің соңына сұрақ белгісі (?) қойылады: Сенің атың кім? Нешінші сыныпта оқисың? Сұраулы сөйлемнің өзіне тән интонациясы болады: бас жағы көтеріңкі айтылып, соңғы жағы бәсеңдемей, көтеріңкі қалыппен аяқталады.
Сен бүгін киноға барма. Сенде қарындаш бар ма?
Ініңнің қасынан кетпе. Олар кетіп пе?
Сабаққа кешігіп келме. Бүгін досың келе ме?
Бұл сөйлем сұраулы сөйлем болады. Сұраулы сөйлемде –ма, -ме,-пе шылаулары жеке жазылады. Ол көмекші сөз болады.
Көмекші сөзін алып тастасақ, сұраулы сөйлем бола ма? (Болмайды).
Ендеше, балалар біз бүгін сіздермен сөйлемнің екінші түрі сұраулы сөйлеммен танысамыз. Келме сөзіндегі қимыл, іс-әрекеттің болмауын, жүзеге аспауын білдеретін етістік. ма, ме жұрнақтары жалғанады және бірге жазылады.
Аққу туралы не білеміз?Аққу – жыл құсы. Тіршілігінің көп уақытын суда өткізеді, жақсы жүзеді, бірақ сүңги алмайды, құрлыққа сирек шығады. Аққу – жұп құрып тіршілік етеді.
Қыста аққудың біраз тобы Каспий теңізінің жағалауында – Ақтау қаласының маңында қыстап шығады.
ІV.Оқулықпен жұмыс. 175-жаттығу. Ауызша орындалады.
Өлең шумақтарын мәнерлеп оқытып, салыстыру.
Өлеңде қандай ұқсастық бар?
Ал, айырмашылығы неде екен?
Қай ақын сұраулы сөйлемді пайдаланған?
V. Дәптермен жұмыс.
Бүгінгі күннің жадын жазамыз.
Көркем жазу сәті. Аққу- киелі құс.
176-жаттығу. Табиғат тәрбиесі
1 топ Сұраулы сөйлемдерді теріп жазу.
2 топ: «Құмырсқа» сөзіне дыбыстық талдау жасау.
3 топ: Құмырсқаның еңбекқор жәндік екенін дәлелдеу.
4 топ: Сурет бойынша сөйлем құра.
VI. Сергіту сәті.
177-жаттығу.Төрт топқа бір сөйлемнен жазғызу. Сұраулы сөйлемге айналдырып жазу.
178-жаттығу. Өлеңді диалог арқылы мәнерлеп оқу.
-Қандай сөйлемдер оқыдыңдар?
-Сұраулы сөйлем қалай оқылады?
Шығармашылық тапсырма. Оқушыларға сөйлемдер жазылған карточкалар таратылады. Хабарлы сөйлемдерді сұраулы сөйлемге айналдырып жазады.
Толқын кітап алды.
Ол көп оқиды.
Әжем ауылдан келді.
Асқар екінші сыныпта оқиды.
Қанат ерте тұрды.
Мектепке барды.
Қоңырау соғылды.
Сабақ басталды.
VII. Сабақты қорыту.
Бүгінгі сабақта нені үйрендік? Нені білдік? Сұраулы сөйлем жасайтын ма,ме,ба,бе,па,пе көмекші сөздер бөлек жазылатынын білдік.
VIІI. Бағалау: Әр топты жинаған жұлдызшасына қарай бағалау.
Рефлексия: Оқушылар сабақтан алған әсерін бағдаршам көздеріне іледі.
Түсініксіз Жақсы Өте жақсы
Үйге тапсырма: 179-жаттығу. Сурет бойынша әңгіме құра.
Бағалау.
