Модельдің түрлері

6 сынып

Сабақтың тақырыбы: Модель түрлері.

Cабақтың мақсаты:   

Білімділік:  Оқушыларды модель түрлерімен таныстыру.

Дамытушылық: Оқушыларға модельдер және модельдеу туралы түсінік бере отырып ой-өрістерін, білім-білік дағдыларын қалыптастыру.

Тәрбиелік:  Оқушыларды ұқыптылыққа, жинақылыққа тәрбиелеу.

Сабақтың түрі:                   теориялық сабақ

Сабақтың барысы:                       

1. Ұйымдастыру

2. Өткен материалды қайталау

3. Жаңа сабақты түсіндіру

4. Сабақты бекіту

5. Үйге тапсырма

Өткен материалды қайталау сұрақтары

1. Модель дегеніміз не?

2. Модельдеудегі түпнұсқаның маңызы.

3. «Үстел» нысанын модельдеуге нысан келтір.

4. «Найзағай» нысанын модельдеуге мысал келтір.

5. Есепті модельдеудің екі типін атаңдар. Мысал келтіріңдер.

Жаңа сабақты түсіндіру

Модель типтері

Модельдерді қасиеттеріне қарай мынандай топтарға жіктейді:

Модельдерді көрсетілу әдісіне қарай топтау

                Материалдық модельді басқа сөзбен заттық немесе физикалық деп айтуға да болады. Олар түпнұсқаның геометриялық және физикалық қасиеттерін көрсетеді. Материалдық модельдердің қарапайым мысалдарына балалар ойыншықтарын алуға болады.

                Ақпараттық модельді қолмен ұстап, көзбен көре алмаймыз. Себебі, олар тек ақпараттарға ғана құрылады. Мұндай модельдер қоршаған ортаны ақпараррық жағынан зерттеуге мүмкіндік береді.

                Ақпараттық модель дегеніміз – объектінің, процестің, құбылыстың қасиеттері мен күйін сипаттайтын ақпарат жиынтығы және сыртқы әлеммен өзара байланыс болып табылады.

Таңбалық және вербальдік ақпараттық модельдер

                Вербальдік модель дегеніміз – ойша немесе әңгіме түрінде жасалған ақпараттық модель.

                Таңбалық модель деп арнайы таңбалармен, яғни кез келген жасанды тіл құралдарымен көрсетілген ақпарттық модельді айтады.

                Көрсету түріне қарай ақпараттық модельді мынадай топтарға жіктеуге болады:

                Геометриялық модель – графикалық пішіндер мен көлемді конструкциялар.

                Ауызша  модель – иллюстрацияны пайдаланып, ауызша және жазбаша сипаттаулар.

                Математикалық модель – объект немесе процестің әр түрлі параметрлерінің байланысын көрсететін математикалық формулалар.

                Құрылымдық модельдер – схема, графиктер мен кестелер т.б.

                Логикалық модель – ой қорытындысы мен шарттарды талдау негізге алынған іс-әрекеттерді таңдаудың әр түрлі нұсқалары көрсетілген модельдер.

                Арнайы модельдер – ноталар, химиялық формулалар.

Сабақты бекіту сұрақтары

• Ақпараттық модель дегеніміз не?

• Көрсету әдісіне қарай модель қандай топтарға жіктеледі?

• Компьютерлік модельдеу не үшін қажет?

Үйге тапсырма: Модельдер түрлері.

Қортындылау.