Қызықты информатика

Сабақтың тақырыбы: «ҚЫЗЫҚТЫ ИНФОРМАТИКА»

атты интеллектуалды турнирдің бағдарламасы

Сабақтың мақсаты:

1.Білімділігі: Оқушыларға XXI-ғасыр жаңа технология мен ақпараттандыру жолдарын жетік үйрету. Информатика пәніне қызығушылығын арттыру.

2.Дамытушылық:Оқушылардың білімін жетілдіре отырып, өз бетімен жұмыс жасауға дағдыландыру, ой-өрісін және танымдық қабілеттерін дамыту, шығармашылыққа баулу;

өз ойын еркін жеткізе білу, өткенді шапшаң еске түсіру дағдыларын қалыптастыру

3.Тәрбиелік:Әрбір оқушыны тиянақтылыққа, өзіне-өзі талап қоя білуге баулу, көңілін аудару. Сабақта қауіпсіздік техникасы мен тазалық-гигиеналық талаптарын орындату.

Сабақтың түрі: Өтілген тарау бойынша қайталау, сабақ жарыс-сайыс түрінде өтеді.

Сабақтың көрнекілігі: слайд, таратпа материал, компьютер.

Жоспары :

1. Оқушылармен ЕТ кабинетіндегі қауіпсіздік техникасын қайталау.

2. І-кезең «Білімділер» сайысы

1. ІІ кезең «Ойлан да, тап» сайысы

2. ІІІ кезең. «Ғажайып алаң»

3. ІV кезең «Қанша тілді білесің?»

4. V кезең «Кім жылдам?»

Өтілу барысы:

I.Ұйымдастырушылық кезең

• Оқушыларды сайысқа шақыру

II. Сайысты өткізу программасымен таныстыру

• Әділқазылар алқасымен таныстыру

• Сайысты өткізу

• Әділқазылар алқасының қорытынды жариялауы

• Марапаттау

(Қатысатын оқушы 6, әр кезеңнен 1 оқушыдан шығарылып отырады немесе 2 топқа бөліп өткізуге болады.)

Сабақтың барысы:

Мұғалім:

Сәлем бердік, құрметті ұстаздар мен ата-аналар, әділ-қазылар мен оқушылар!

Құрметті компьютер сүйер жеткіншектер, сіздерді бүгінгі өткізгелі отырған «Қызықты информатика» атты интеллектуалды турнирімізді ашық деп жариялаймыз. Бұл кештің сіздерге информатикадан алған білімдеріңізді жетілдіруге, пәнаралық байланысты нығайтуға пайдасы зор екендігін айта кеткіміз келеді.

Мұғалім:

Бүгінгі өткізгелі отырған «Қызықты информатика» атты интеллектуалды турнирімізге 2 команда қатысады.

Мұғалім:

Ең алдымен сіздерге осы ойында әділ бағасын берер әділқазылар алқасымен таныстырайық.

Әділ халқым берерсің әділ баға

Өнері мен өренін салыстырып.

Мұғалім:

Төрағасы, төбе билер, жюрилер

Әділетпен кеңес құра біліңдер – дей отырып сайысымыздың 1-ші кезеңі «Білімділер» сайысын бастаймыз.Бұл кезеңде жарыс сұрақтары қойылып, жоғары бал алған оқушылар ІІ-кезеңге қабылданады.

І-кезең «Білімділер» сайысы

1. АЛҒАШҚЫ ЕСЕПТЕУ ҚҰРЫЛҒЫСЫ (САУСАҚТАР)

2. ПЕРНЕТАҚТА ҚАНДАЙ ҚҰРЫЛҒЫ? (КОМПЬЮТЕРДІҢ ЕНГІЗУ ҚҰРЫЛҒЫСЫ)

3. КОМПЬЮТЕРДІҢ АТАСЫ КІМ? (Ч.БЭББИДЖ)

4. БАСПАҒА ШЫҒАРУ ҚҰРЫЛҒЫСЫН НЕ ДЕП АТАЙДЫ? (ПРИНТЕР)

5. КОМПЬЮТЕРДІҢ НЕГІЗГІ ҚҰРЫЛҒЫЛАРЫН АТА (ЖҮЙЕЛІК ҚОРАП, МОНИТОР, ПЕРНЕТАҚТА)

6. КОМПАКТ-ДИСКІЛЕРДІ ОҚУ ҚҰРЫЛҒЫСЫ (CD-ROM, CD ДИСКЖЕТЕК)

7. КОМПЬЮТЕРГЕ АҚПАРАТ ЕНГІЗУ ҚҰРЫЛҒЫЛАРЫ (СКАНЕР, ПЕРНЕТАКТА, МАУС)

8. ГРАФИКАЛЫҚ АҚПАРАТТЫ КОМПЬЮТЕРГЕ ЕНГІЗЕТІН ҚҰРЫЛҒЫ (СКАНЕР)

9. КОМПЬЮТЕРЛІК ВИРУСТАРДЫ ЖОЯТЫН БАҒДАРЛАМА (АНТИВИРУС)

10. ПРИНТЕРДІҢ НЕШЕ ТҮРІ БАР (3)

11. АҚПАРАТТЫҢ ЕҢ КІШІ ӨЛШЕМ БІРЛІГІ (БИТ)

12. ИНТЕРНЕТПЕН БАЙЛАНЫС ЖАСАЙТЫН ҚҰРЫЛҒЫ (МОДЕМ)

13. ЗИЯНКЕС ПРОГРАММА (ВИРУС)

14. АДАМ МЕН КОМПЬЮТЕР АРАСЫНДАҒЫ ҚАРЫМ-ҚАТЫНАС (ИНТЕРФЕЙС)

15. ДҮНИЕЖҮЗІЛІК КОМПЬЮТЕРЛЕР АРАСЫНДАҒЫ БАЙЛАНЫС ОРТАСЫ (ИНТЕРНЕТ)

16. СУРЕТ САЛУҒА АРНАЛҒАН БАҒДАРЛАМА (PAINT)

17. 1 КИЛОБАЙТ НЕШЕ БАЙТҚА ТЕҢ? (1024)

18. ЕКІЛІК САНАУ ЖҮЙЕСІНІҢ НЕГІЗІ ҚАНДАЙ САНДАР? (0 ЖӘНЕ 1)

19. ФАЙЛДАРДЫ ЖОЮ КЕЗІНДЕ ҚАУІПСІЗДІК ҚАЛТАСЫ ? (СЕБЕТ)

20. МЕҢЗЕРДІ ЖОЛДЫҢ СОҢЫНА АПАРАТЫН ПЕРНЕ? (END)

Мұғалім:

Компьютер – болашаққа бастайды

Келешекке білім қуған жастарды

Қадам басып, ХХІ ғасырға,

Барлық әлем жаңалығын тастайды, - дей келе ендігі кезек іріктеу кезеңінен өзінің білімділігімен, алғырлығымен, тапқырлығымен танылған оқушылардың алған балдарына қарай бір оқушы ойыннан шығарылады.

(Әрі қарай 5 оқушы ойынды жалғастырады.)

Мұғалім:

ІІ сайысымыздың кезегі бойынша әріптерді ауыстыру арқылы дұрыс сөзді табайық.

ІІ кезең «Ойлан да, тап» сайысы

Компьютерде берілген сөздерден дұрыс сөздерді құрастырулары керек.

Терчесвин-винчестер, такедис-дискета, сорецпро-процессор, рептьюкром-компьютер, марапгром-программа, кышма-мышка, дакротре – редактор, нюме меню, инрпрет- принтер, каромфинита - информатика

Мұғалім: Сайысымыздың ІІ туры бойынша балы жоғары оқушылар сайысымыздың келесі турына өтеді де балы төмен оқушымызға рахмет айтамыз

(Әрі қарай 4 оқушы ойынды жалғастырады.)

Мұғалім:

ІІІ кезең. «Ғажайып алаң»

Бұл сайыста әр оқушы өзінің қалаған сұрақты таңдай алады. Мұндағы берілген сұрақтар тек пернетақтаға байланысты берілген.

20 (сол жақта) – Үлкен әріппен жазуға болатын перне (Caps Lock)

20 (ортада) – Функционалдық пернелер саны нешеу (12)

20 (оң жақта) – Курсорды сөздің немесе сөйлемнің басына әкелетін перне (Home )

30 (сол жақта) – Келесі қатарға көшіруге мүмкіндік жасайтын перне – (Enter )

30 (ортада) – Бағдарламаны тоқтатады немесе бастапқы қалыпқа келтіретін перне (ESC)

30 (оң жақта) – мәліметті солға қарай өшіретін перне (Backspace)

10 (сол жақта) – мәліметті оңға өшіретін перне (delete)

10 (ортада) – Бұл пернені баспасақ санды тере алмаймыз? (NumLock)

10 (оң жақта) – Алғашқы және артқы мәліметтерді көре алатын перне (PageUp, PageDown)

Мұғалім: Сайысымыздың ІІІ кезеңі бойынша балы жоғары оқушылар сайысымыздың келесі кезеңіне өтеді де балы төмен оқушымызға рахмет айтамыз

(Әрі қарай 3 оқушы ойынды жалғастырады.)

Мұғалім:

Ана тілім - арың бұл,

Ұятың боп, тұр бетте,

Өзге тілдің бәрін біл

Өз тіліңді құрметте – деп Қадыр Мырзалиев айтқандай, сайыскерлеріміздің тіл білімін тамашалайық.

ІV кезең «Қанша тілді білесің?»

• Ақпараттың қайнар көзі (табиғат, природа, nature)

• Фонограф бағдарламасы қандай мәліметтерді өңдейді? (дыбыс, звук, sound)

• «Ас-адамның арқауы», ал компьютердің асы...(ток, ток, current)

• Программадағы немесе мәтіндегі кемшілік (қате, ошибка, error/mistake)

• Қоршаған орта және онда жүріп жатқан процестер туралы мәліметтер (ақпарат, информация, information)

• Жіпке ілдім мен өзін, Кіп-кішкентай күн көзін. (шам, лампочка, lamp)

• Компьютермен жұмыс жасауды жеңілдететін қосымша құрылғы (тышқан, мышка, mouse)

• Логикалық көбейтудің атауы (және, и, and)

• Сәлем ненің патшасы? (сөз, слово, word)

• Кітап ненің бұлағы?(білім, знание, knowledge)

ІІ жүргізуші: Сайысымыздың ІV кезең бойынша ұпайы жоғары оқушылар сайысымыздың келесі турына өтеді де, ал ұпайы төмен оқушымызға рахмет айтамыз

(Әрі қарай 2 оқушы ойынды жалғастырады.)

Мұғалім: Сайысымыздың соңғы кезеңі «Кім жылдам?» сайысымызбен жалғастырамыз.

V кезең «Кім жылдам?»

Бұл сайысымыздың шарты бойынша соңғы қалған екі сайыскерімізге бір сөз беріледі.

1. АҚПАРАТТАНДЫРУ

Осы сөз әріптерінен кім жылдамдатып бірнеше сөз құрастырып берген оқушы жеңімпаз атанады.

Мұғалім:

Сонымен бүгін біз информатика пәні бойынша «Қызықты информатика» сайысын өткізіп, ең жақсы ойын көрсеткен оқушы жеңімпаз атанады, марапатталады.

Мұғалім:

Сондай-ақ ойынды жақсылап бағалап отырған әділқазылар алқасына, қатысып отырған қонақтарымызға рахметімізді айтамыз.