«Жанкелдин атындағы орта мектебі» ММ
Сыныптан тыс жұмыс
«Информатика әлемі» сайысы
Сыныптары: 8-9 сынып оқушылары
Информатика пән мұғалімі: Қылишаева Р.
2016-2017 оқу жылы.
Сабақтың тақырыбы: «Информатика әлемі» сайысы
Сыныбы: 8 «А, Ә», 9 «А, Ә» - сыныптар
Өтілетін күні: 26 қаңта 2017 жыл
Сабақтың мақсаты:
Білімділік: Оқушылардың информатика пәнінен меңгерген білімдерін тиянақтау.
Дамытушылық: Оқушылардың ойлауын, компьютерлік сауаттылығы мен іскерлігін, танымдық қабілетін, логикалық сауаттылығын дамыта отырып, олардың пәнге деген қызығушылығын, белсенділігін арттыру.
Тәрбиелік: Пәнге, білімге, шығармашылыққа, ойын еркін жеткізе білуге, топта бірлесе жұмыс істеуге, тәртіптілікке, сабырлылыққа, еңбек сүйгіштікке, ұқыптылыққа тәрбиелеу, ұшқыр ойлы, шығармашылық қабілеті бар жеке тұлғаны қалыптастыру.
Сабақтың түрі: дәстүрлі емес сайыс сабақ
Сабақтың әдісі: сұрақ – жауап, практикум, көрсете баяндау, топпен жұмыс.
Сабақтың көрнекілігі: Интерактивті тақта, компьютер
Cабақтың барысы:
1. Ұйымдастыру кезеңі. Ұйымдастыру кезеңінде оқушылар өз орындарына отырғызылады. Әр топта 2 оқушыдан болады.
Құрметті ұстаздар, оқушылар және көрермендер!
Барлықтарыңызды бізбен бірге қызықты «Информатика әлемі» атты информатика ғаламшарына аттануға шақырамыз. Өздеріңізбен бірге ойлау жылдамдығын, тапқырлықты, күлкіні, шапшаңдықты алып жүруді ұмытпаңыздар.
Сайысымызға 8-9 сыныптарынан құралған төрт топ «Информатика пәнінің алғырлары» сайысуға келіп отыр. Біздің бүгінгі өткізілгелі отырған сайыс сабағымыз информатика апталығына байланысты информатикадан алған білім деңгейлерін анықтау. Әр топ өздеріне қойылған тапсырмаларды бірлесіп, ақылдасып шешулеріне мүмкіндіктері бар.
Бүгінгі сайысымыздың әділ қазылар алқасымен таныстырып өтейін:
Әділ қазылар алқасының мүшелері:
1.
2.
3.
Әділ қазыларға бағалау парағы таратылып беріледі.
Сайыс шарты мен өтуі:
Сайыс 5 кезеңнен тұрады.
1. Қайсысы артық
2. Құпия сурет
3. Ғажайып алаң
4. Ойлан да тап
5. Ребусты шеш
Енді сайысымызды бастаймыз.
1-кезең. «Қайсысы артық?» Бұл кезеңде әр жолда белгілі бір тақырыпқа байланысты сөздер берілген соның ішінен артығын табу. Әр дұрыс жауапқа 1-ұпайдан.
- Санау жүйесі, разряд, ұяшық, екілік сан, бит, сегіздік.
- Логика, пікір, және, оналтылық, немесе, дизъюнкция.
- Жүйелік тақша, деректер базасы, процессор, жад, қатқыл диск, монитор.
- Компьютерлік вирус, микропроцессор, ішкі жад, сыртқы жад, жүйелік шина.
- Операциялық жүйе, Windows, UINX, көпміндетті жүйелер, Windows 95, санау жүйесі.
- Файлдық, жүктейтін, драйверлік, желілік, сақтайтын, компьютерлік вирус.
- Графика, растрлық, векторлық, мәтін, кескін, фракталдық.
- Кесте, жол, ұяшық, баған, Paint, Microsoft Excel.
- Процесс, таңдау, интернет, модификация, құжат, түсініктеме.
- Сызықтық, тармақталу, сандар, қайталау, тізбекті, цикл.
2-кезкң. «Құпия суреттер.» Бұл кезеңде сұрақтар беріледі. Әр сұрақтың артында сурет жасырылған. Әр дұрыс жауапқа 5-ұпайдан.
Компьютер (ағылш. computer — «есептегіш»), ЭЕМ (электрондық есептеуіш машина) — есептеулерді жүргізуге, және ақпаратты алдын ала белгіленген алгоритм бойынша қабылдау, қайта өңдеу, сақтау және нәтиже шығару үшін арналған машина.
Пернетақта компьютерге ақпарат енгізу және оның жұмысын басқару үшін пайдаланылады.
Тінтуір (ағылш. mouse — тышқан) — бейнебетте көрсетілген белгілі бір тілдесу элементтерін меңзеп, оларды бөлектеу үшін пайдаланушы қолданатын құрылғы.
Принтер (ағылш. printer) — мәтін мен кескіндерді қағазға немесе басқа да басып шығарылатын арқауларға шығаруға арналған құрылғы
Модем (ағылш. modem, modulator-demodulator) — сандық сигналдарды аналогтық сигналдарға айналдыратын және керісінше амал жасайтын электрондық құрылғы.
Жүйелік блок – енгізуді шығаруға айналдыру үшін қажет болатын өңдеуші құралдар орналасатын компьютердің негізгі бөлігі.
ФЛЕШ-ЖАД (ағылшынша flesh — жарқыл) — электрлік жолмен жазылған мәліметтерді есте сақтай алатын микросұлба (чип) түрінде жасалған жад түрі.
Сканер Компьютерге мәтінді немесе бейнені енгізу құралы.
3-кезең. «Ғажайып алаң.»
Бұл кезеңде топтар ұяшық таңдайды. Таңдаған ұяшық номері бойынша ұпай алады.
10-ұяшық. Алгоритмнің неше қасиеті бар? (4)
10-ұяшық. Алгоритмнің неше түрі бар? (3)
10-ұпай. Меншіктеу таңбасы? (:=)
10-ұпай. Алгоритм жазылу жолдарының неше түрі бар? (4)
20-ұпай. Div дегеніміз? (бүтін бөлу)
20-ұпай. Mod дегеніміз? (бөліндінің қалдығы)
20-ұпай. Begin дегеніміз? (блок басы)
20-ұпай. Const дегеніміз? (тұрақты константа)
30-ұпай. Integer қандай тип? (бүтін)
30-ұпай. Real қандай тип? (нақты)
30-ұпай. Boolean қандай тип? (логикалық)
30-ұпай. String қандай тип? (тіркестік)
40-ұпай. Алгоритм дегеніміз? (берілген есептің шығару жолын реттелген амалдар тізбегі түріне келтіру)
40-ұпай. Сызықтық алгоритм дегеніміз? (іс-әрекеттердің тізбектей орындалуын сипаттайтын алгоритм)
40-ұпай. Тармақталу алгоритмі дегеніміз? (іс-әрекеттің логикалық шартын тексере отырып, тармақтала орындалуын сипаттайтын алгоримдер)
40-ұпай. Циклдік алгоритм дегеніміз? (Іс-әрекеттердің тізбегі бірнеше рет қайталанып отыратын алгоритмдер)
4-кезең. «Ойлан да тап!» Информатика сөзінен жаңа сөздер құрастыру. Интерактивті тақтаға шығып әр топ тапқан жаңа сөздерін жазады. Жаңа сөздерді көп тапқандарына байланысты топтарды бағалау. Әр сөзге 1-ұпайдан.
4-кезең. «Ребусты шеш.» Дұрыс жауап 10-ұпай.
Жауабы: Компьютерлік графика.
Жауабы: Растрлық графика.
Жауабы: Векторлық графика.
Жауабы: Мәтіндік редактор.
Осымен «Информатика әлемі» атты сайысымыздың кезеңдері аяқталды. Жеңімпаздарды анықтау үшін сөз кезегін қазыларға береміз. Жеңімпаздар жүлделеріңіз құтты болсын. Назарларыңызға рахмет!
