Тарау бойынша ?айталау саба?

Ақтөбе облысы, Қобда ауданы, Қызылжар орта мектебі Физика және информатика пәнінің мұғалімі Нурмуханова Самал Сагатовна

7 сынып

Сабақтың тақырыбы: Қайталау сабақ Сабақтың мақсаты: Білімділік: Оқушылардың алған білімдерін тексеру, қайталау, бекіту және қорытындылау. Дамытушылық: Ойлау қабілеттерін жетілдіру, ой- өрісін дамыту, өз бетімен ізденуге, шығармашылық дағдыларын дамыту. Тәрбиелік: Алдарына қойған мақсаттарына жетуге, өздеріне сенімді болуға, жауапкершілікке, топпен жұмыс істеуге тәрбиелеу. Сабақтың көрнекілігі:  Слайдтар, интерактивті тақта, физиикалық құралдар Сабақтың түрі: Саяхат сабақ Сабақтың типі: Білімді жинақтау, жүйелеу Сабақтың әдісі: Деңгейлеп-дамыта оқыту Сабақтық барысы: І. Ұйымдастыру ІІ.Үй тапсырмасын тексеру ІІІ.Өткен тақырыптарды қайталай отырып, есептер шығарту ІҮ.Қорыту Ү.Бекіту ҮІ.Бағалау ҮІІ.Үйге тапсырма беру І. Ұйымдастыру: Оқушыларды түгелдеп, назарын сабаққа аударамын. Сабақты бастамас бұрын сынып оқушыларын екі топқа бөлемін. Топтарын таныстырады. Әр топта басшы тағайындалады. Топ басшысы өздерінің тобының ұпай сандарын есептеп отырады. І топ «Физиктер» ІІ топ «Астрономдар» «Байқоңыр» ғарыш айлағынан «Зымыран»  ғарыш кемесімен саяхатқа шықпас бұрын 2 топ өз тобын таныстырып өтеді. І топ-Физиктер; Ұраны: «Жарыс десе жанамыз, алғырлықпен озамыз» Көңілді физиктер, Бар өнерін алдарына салады. Кім білімді, көп оқыған болса егер, Бүгінгі күн жеңімпазы болады. ІІ топ-Астрономдар; Ұраны: «Қандай сынақ болсадағы беріспе, әрқашанда үміткерміз жеңіске» Жиналған ылғи дарындар, Жүректе от, жалын бар. «Астрономдар» тобын халайық, Қол соғып қарсы алайық. Аталған екі топ ғаламшарларға барып-келуі үшін бірнеше кедергі-тапсырмаларды орындауы керектігі туралы спутниктен хабарлама келді І. Сергіту (ауызша тапсырмалар) а) «Физика тілінде сөйлесек» ә) «Физикалық шамалар» ІІ. Танымдық құпиясы (суреттермен жұмыс) б) «Дәлдеп көзде» ІІІ. Өнертабыс (деңгейлік тапсырмалар) г) Деңгейлік есептер ғ) Графикалық диктант ІҮ. Нені жасай аламын? (тәжірибе жасау) д) «Физикалық тәжірибелер» Ү. Рефлексия кезеңі. (бүгінгі сабақ не жайында болды? Сабақ несімен ұнады?) Ал, енді таныс болсақ, «Зымыран» ғарыш кемесі ұшуға дайындаламыз.

І. Сергіту «Меркурий» ғаламшарына ұшып жеттік. Бұл ғаламшарда «Физика тілінде сөйлесек» деп аталады. І және ІІ топқа сұрақтар беріледі.

"Физиктер" тобына:

1.  Манометр грек тілінен алғанда қандай мағына береді? - Манометр -грекше «манос»- сирек, тығыз емес, «метрео» – өлшеймін

2. Инерция дегеніміз не? - Инерция – латынша – қозғалыссыздық, әрекетсіздік

3. Деформация қай тілден алынған, мағынасы қандай? - Деформация – латынша- бүліну, бұзылу, иілу, бұралу.

4. Кинетикалық мағынасы қандай?- Кинетикалық – грекше «кинетикос» – қозғалыс

5. Атмосфера грек тілінен қандай мағына береді?- Атмосфера – грекше «атмос» – бу, ауа, «сфера» – шар

6. Күнге ең жақын планета?- Күнге ең жақын планета - Меркурий

7. Қозғалыстың неше түрі бар?- Екі түрі бар: бірқалыпты және бірқалыпсыз

8. Молекула дегеніміз не?- Заттың химиялық қасиеттерін бойына сақтаған оның ең кіші бөлшегі

9. Уақыт қандай прибормен өлшенеді?- Уақытты сағатпен өлшейді

10. Күштің өлшем бірлігі?- Ньютон

«Астрономдар» тобына

1. Барометр не үшін қолданылады? - Барометр – грекше «барос»- ауырлық, «метрео» – өлшеймін

2. Диффузия қандай мағына білдіреді?- Диффузия- латынша – жайылу, таралу

3. Динамометр грек тілінен алғанда қандай мағына береді? -Диномометр – грекше «динамис» -күш, «метрео» – өлшеймін

4. Потенциалдық қандай мағына береді?- Потенциалдық – латынша «потенция» – мүмкіншілік

5. Анероидтар дегеніміз не?- Анероидтар – грекше «анероид» – сұйықсыз.

6. Масса дегеніміз қандай шама?- Денелердің өзара әрекеттесуі кезіндегі жылдамдықтарының өзгеру дәрежесін анықтайтын физикалық шама.

7. Орын ауыстыру дегеніміз не?- Қозғалыстағы дененің бастапқы орнын келесі орнымен қосатын бағытталған кесінді

8. Қанша зодиак шоқжұлдыз бар? - 12 зодиак шоқжұлдыз бар

9. Аспанда қанша планета бар?- Күн жүйесінің құрамында сегіз планета бар.

10. Дене массасын өлшейтін аспап? - Таразы

«Физикалық шамалар» Бұл бөлімде балалар біз «Шолпан» ғаламшарына бет аламыз. Мұнда физикалық шамалардың орындары ауыстырылып беріледі. Соларды тауып, үш тілде айтасыз.

Адуан – аудан – площадь – region, square

Эгрняси – энергия – энергия – energy

Мжсұы – жұмыс – работа –work

Мкеөл – көлем – объем – volume

Уқаыт – уақыт – время – time

Ассма – масса - масса - mass

Үшк - күш – сила - fast

Қылдыджам – жылдамдық - strength

ІІ. Танымдық құпиясы «Марс» ғаламшары. Осы ғаламшарға бару үшін «Дәлдеп көзде» тапсырмасын орындайымыз..

ІІІ.Өнертабыс  «Сатурн» ғаламшарына барайық. Деңгейлік тапсырмалар берілген, соларды орындап, ары қарай сапарымызды жалғастырамыз. «Деңгейлік есептер»

А-5 Роликті коньки киген екі бала бір – бірінен кері итеріліп, қарама қарсы жаққа қарай сәйкес 3 және 4 м/с жылдамдықпен сырғанап кетті. Бірінші баланың массасы 36 кг. Екінші баланың массасы неге тең? А-5 3,1Н күш әсер еткен кезде 6 см ұзарған серіппенің қалыңдығын табыңдар? В-10 Денеге әрекет ететін ауырлық күші 10 кН. Ол дененің массасы қандай? В-10 Әрқайсысының ұзындығы 420 м екі пойыз бір біріне қарама – қарсы бірдей 54 км/сағ жылдамдықпен қозғалып келеді. Екі пойыз кездескен соң ең соңғы вагондары ажырағанға дейін қанша уақыт кетер еді? С-15 Массасы 7кг шкафты орнынан жылжыту үшін қандай күш жұмсау керек? Үйкеліс коэффициенті μ=0,3 С-15 Шынжыр табанды ДТ - 75M тракторының массасы 6610кг, ал оның екі шынжыр табанының тіреу ауданы 1,4м². Oсы трактордың топырақ бетіне түсіретін қысымын анықтаңдар.

Келесі саяхатымызды «Уран» ғаламшарына жалғаймыз. Бұл ғаламшарда берілетін тапсырма «Графикалық диктант»

ІҮ. Нені жасай аламын?

Енді саяхатымызды «Нептун» ғаламшарына жалғайық. Бұл ғаламшарда бізді күткен қандай тапсырма бар екен?«Физикалық тәжірибелер» деген бөлімге тоқталайық. Столда ыдыста тұрған су, маргансовка, шариктер, сызғыш, стакан физикалық құралдардың ішінен өзің жасап білетін физикалық тәжірибеңді көрсет.

Ү. Рефлексия кезеңі (Білімгерлердің жауаптарын тыңдау) - бүгінгі сабақ не жайында болды? -Сабақ несімен ұнады?

Қорытынды:  Біз ғарыш әлеміне сяхат жасап, 7 сыныпта өткен физика сабағының материалдарында қайталадық. Ғарыштан келген екі топтың жеңгенін бізге қазір әділ қазылар хабарлайды. Қорытынды дайын болғанша үйге тапсырманы жазып алайық. Үйге тапсырма: «Физика» тобы: Құмға қанша қысым түсіресің? (2 жағдайда есептеп шығар) «Астрономия» тобы: Судың және майдың ыдыс қабырғасына түсірілетін қысымын есептеңдер.(Сұйықтардың деңгейлері бірдей) Әділқазылар қорытындысынан кейін бағалау, марапат түрінде өтеді. Бағалау:  Ғарыш әлемінен саяхаттан келген «Физиктер», «Астрономдар» топтарынынң мүшелерін арнайы естелік сыйлықтармен марапаттап, сабағымызды аяқтаймыз.