Шш дыбысы және әрпі. 26 – бет

Қызылорда облысы,Қармақшы ауданы,

А.Жанпейісов атындағы №105 мектеп-лицейінің

бастауыш сынып мұғалімі

Орынбаева Ғалия

19 – ұйымдастырылған оқу іс - әрекетінің технологиялық картасы

Мектепалды даярлық тобы

Мұғалімі: Орынбаева Ғ

Білім беру саласы: Қатынас

Бөлімі: Сауат ашу және жазу

Оқу іс-әрекетінің тақырыбы:  Шш дыбысы және әрпі.    26 – бет.

Оқу іс-әрекетінің мақсаты: Өтілген дыбыстар туралы балалардың білімдерін бекіту. Балалардың ойлау қабілеттерін, қиялын дамыту (буын құрау, сөз құрау, жұмбақ шешу, жаңылтпаш айту). Ш дыбысы және оның әріп таңбасымен таныстыру. Балалардың ш дыбысы бар сөздерге мысалдар келтіртіп, сол сөздерді қатыстырып бірнеше сөйлем құрату арқылы байланыстырып сөйлеуге үйрету, ұғымталдыққа тәрбиелеу. Жапзуға қолдарын жаттықтыру.

Оқу іс-әрекетінің көрнекіліктері: кеспе әріптер, текшелер.

Әдіс-тәсілдер: түсіндіру, сұрақ-жауап, әңгімелесу.

Қостілділік компонент: шана – санки, шаш – волос, ашу – открывать.

Іс-әрекет

кезеңдері

Тәрбиеші әрекеті

Балалардың

іс-әрекеті

Мотивациялық-қозғаушылық

І. Ұйымдастыру кезеңі. 1. Жылулық шеңбері.  Шаттық шеңберіне тұрып, бір-біріне жылы лебіздерін білдіреді.

Ұйымдастыру-іздестіру

ІІ. Негізгі бөлім.  1. Педагог жұмбақ жасырады:          

Зулап түсіп төменге,      Шыға алмас менсіз бөгенге.    (Шана)

    Шана сөзіне дыбыстық талдау жасайды.

 - Шана сөзін айтып көріңдерші, ең бірінші қандай дыбыс естіліп тұр?

   Ш әрпімен танысу: ш дыбысының баспа түрін көрсетеді. Ш әрпін ауада жазып көрсетеді.

2. Тіл ұстарту жаттығуы.     Шы-шы-шы

                                                                  Әкем менің аңшы.

3. Дәптермен жұмыс.   Ш дыбысына байланысты берілген суреттердің аттарын атап, оларға дыбыстық талдау жасайды. Қайшы, шаңырақ, ағаш сөздерінде ш дыбыс қай жерде тұрғанын талдатады, яғни ш дыбысының сөздегі орнын практикалық жолмен түсіндіреді. Үлгіге қарап, үзік сызықтарды қосып, ш әрпінің баспа түрін жазады. Торкөздегі ш дыбысының орналасқан орнына қарай сөз құрастырту. Сөзжұмбақ шешкізу.

4. «Сөз ойла, тез ойла» дидактикалық ойыны. Ш дыбысына сөз ойлату, сөзді дұрыс айтқан балаға ұсақ ойыншықтардан бір-бірден беріп тұрады. Сөзді көп әрі дұрыс ойлаған болса, көп ойыншыққа ие болады. Кімнің ойыншықтарының саны артық болса, сол бала ұтады. Мысалы: шана, шар, шие, машина, ағаш, шымшық. Осы сөздерге сөйлем құрату қажет. Бұдан кейін таныс дыбыстарды есте сақтау үшін сол дыбыс басталатын нәрселердің суретін көрсетіп, қай дыбыстан басталатынын тапқызу.

5. Педагог  жұмбақ жасырады. Тікен-тікен тік пісте,

                                                Қысы-жазы бір түсте.    (Шырша)

6. «Дүкен» дидактикалық ойыны. Шарты: балалар кеспе әріптермен ш дыбысы кездесетін сөздерді құрастырып жазады. Мысалы: шана сөзін құрастырған бала «сатушыдан» ойыншық шананы сатып алған болып есептеледі. Сол сияқты сатылымда машина, шие, шар, т.б. заттар болады.

Жұмбақ шешеді.

Балалар тәрбиешімен бірге жұмыс жасайды.

Ойынды ойнайды.

Дәптердегі сөздерді оқиды.

Рефлексивті-түзетушілік

ІІІ. Оқу іс-әрекетін қорыту.  - Шырша сөзі қай дыбыстан басталады? Ш дыбысы дауысты дыбыс па? Дауыссыз дыбыс па?

Күтілетін нәтиже:

Нені біледі: Ш  дыбысымен таныстыру, сөз құрату, буын ішінде бекіту, дыбыстық талдау жасату.

Қандай түсініктерді игерді: балалардың есте сақтау, ойлау қабілеттерін дамыту.

Меңгерген дағдылары мен іскерліктері: балаларды Ш  дыбысы бар сөз, сөйлем ойлауға үйрету.