№15 Сүлеймен Карабалин атындағы жалпы орта білім беретін мектеп
Ашық сабақ
Мектепалды даярлық «б» тобы
Тәрбиеші:Муратова.Н.М
Құлсары-2017 жыл
Бекітемін:
Күні:17.02.17
Білім беру саласы: Әлеуметтік орта
Бөлімі: Қоршаған дүниемен таныстыру
Тақырыбы: «Нан дастарқанға қалай келеді»
Мақсаты: Балаларға нанды қадірлеуге үйрету. Нанның дастарқанға қалай келетіндігін айтып, оған көптеген адамдардың еңбегі арқылы келетіндігін түсіндіру.Нан туралы нақыл сөздерді ұғынуға, жаттап алуға дағдыландыру. Бақылағыштығын, қиялын дамыту.Еңбек адамдарын сыйлай білуге, әрбір адамның нанды үнемді пайдалана білуіне тәрбиелеу.
Іс әрекет бөлімдері
Педагогикалық іс әрекет
Балалардың іс әрекеті
Ынталандыру
Арайлап таң атты,
Алытын сәуле таратты
Жарқырайды күніміз
Жарқырайды даламыз!
Сәлеметсіздер ме? Ұстаздар
Сәлем,жарқын жүзді достарым!
Өлең жолдарын қайталату
Ұйымдастыру
Жаңа сабақ
Жаңа сабақ.
“Нан”
Анасы, баласы,
Дүкеннен нан алып,
Көңілді келеді,
Үйіне оралып.
Дән бірақ өспейді
Дүкеннің төрінде.
Тек еңбек-ісі игі
Жеткізер өнімге.
Әділ Ахметов
Енді біз осы дастарқанға нанның қалай келетінін мына суреттерден көретін боламыз.
- Көктемде мына суреттегі тракторлар жерді жыртып, мынандай бидай дәнін себеді. - диханшылар жаз бойы егілген дәнді суарып, күтіп, баптайды.
- Күз болғанда жайқалып, бидай өсіп шығады. Өсіп шыққан бидайды комбайншылар орып, машиналарға салып береді
- Көліктер оны элеваторға тасиды. Элеваторда бидайды жылдап сақтауға болады.
- Қажет бидайды диірменге апарып, одан ұн жасап шығарады
- Дайын болған ұннан наубайханаларда түрлі нан өнімдерін шығарады.
- Міне балалар, біздің дастарқанымызға нан осындай көп еңбектің арқасында келеді екен.
Ойын «Қайсысы артық»
Шарты: Берілген суреттердің ішінен нан өнімдеріне жатпайтын тағам түрлерін шығарып тастаулары керек.
Дәптермен жұмыс:
Берілген суреттерді ретімен орналыстыру керек.
Сиқырлы пеш:
Балалар қамырдан әртүрлі пішіндегі тәтті нандар жасайды.Оны сыйқырлы пеште пісіреміз.
Тыйым сөздер
1.Нанды бір қолмен үзбе
2.Нанды, дастарқанды баспа.
3.Нанды аяққа баспа
4.Нанды төңкеріп тастама
Ойын «Тез ойла»
Ойынның шарты: Мамандық түрлері аталады. Солардың ішінен тақырыпқа сай мамандық иелері аталса балалар қол шапалақтаулары керек. Мысалы: Дәрігер, мұғалім, егінші, тракторист, наубайханашы, есепші, комбайыншы, диханшы, т.б.
Мультфильм:
Әли мен Айя
“Талқан,нан,еңбек”
Балалар тыңдайды
Балаларға суреттер арқылы сабақты түсіндіру
Балаларға ұнды көрсетеміз.
Нан өнімдеріне жатпайтын тағамдарды алып тастайды
Кітаптағы тыйым сөздердің мағынасын түсіндіру
Балалар тақырыпқа сай мамандық иелерінің атауы естілсе қол шапалақтайды.
Қорытындылау
Балалар, біз бүгін не туралы әңгімелестік?
Нан дастарханға қалай келеді?
Нанды не үшін қадірлеуіміз керек?.
Балалар сұрақтарға жауап береді
Күтілетін нәтиже:.
Білуі тиіс: Нанның дастарханға келу жолын түсіндіру
Түсінігі: Диқандардың еңбегін түсініп, құрметтей білу.
Көрсете білу: Қамырдан түрлі пішіндегі тәтті нандар дайындауды
