| Мотивациалық қозғаушы | Тәрбиеші балаларға ыммен «отырыңдар», «сөйлемеңлер», «тынышталыңдар»-деп белгі береді. Ым-ишарат. -Міне, балалар, көрдіңдер ме, сөзсіз өмір сүру қандай қиын, ал біз бәріміз өз ойымызды сөз арқылы айта аламыз. | Балалар тәрбиешіні қалай түсінгендеріне байланысты іс-әрекет жасайды.
|
| Іздену ұйымдастырушы | - Балалар, қазір мен бір сөз айтамын. Мысалы: «сиыр», енді сендер бір сөзден айтыңдар. Ал шатасып кетпес үшін мына стаканға бір сөз айтқан сайын бір қарындаштан салып отырайық. Мен «сиыр» сөзін айттым, бір қарындаш салайын.Тағы да кім сөз айтады?Ең срңында қарындаштарды санап, тәрбиеші қорытынды жасайды. -Міне, біз қандай көп сөз білеміз, айта берсек әлі де көп. -Сендер байқадыңдар ма, кейбір сөз ұзақ дыбысталса, енді бір сөз қысқа дыбысталады. Сол себепті сөздер ұзын және қысқа болады. Мына екі сөзді тыңдаңдар:үй және кітапхана. Осы сөздердің қайсысы ұзақ, ал қайсысы қысқа айтылады? -Біз ол сөзді өлшеп көрсетейік: екі қолдың алақанын біріктіріңдер. Сөзді дыбыстай бастаған кезде алақандарыңды аша бастайсыңдар. Ал дыбыстап болысымен, сол сәтте тоқтай қалыңдар (Бұл жаттығу екі үш баламен жекелеп жүргізіледі, алты сегіз сөз айтылады.) Сергіту жаттығуы: Көгінде күн нұрын төккен, Жерінде гүл жұпар сепкен. Неткен сұлу, неткен көркем! Осы менің туған өлкем! Алтын дәнді даласы бар, Ақ күмістей қаласы бар, Неткен сұлу, неткен көркем! Осы менің туған өлкем -Балалар, біздің елордамыз, бас қаламыз қай қала? Астана қаласының көрікті жерлерінің көркем суреттерін көрсетеді. -Астана қаласы «а» дыбысынан басталады. «А» дыбысы дауысты дыбыс, оны әндетіп айтуға болады. Ауыз қуысынан кедергісіз шығады. «А» дыбысының дұрыс айтылу артикуляциясы мынадай: «а» дауысты дыбысын айтқанда ауыз кең ашылып, тіл ауыз қуысында еркін жатады. Дауыс шымылдығы ашық болады. Осылай «а» дыбысы жасалады. -Ал енді «а» дыбысынан басталатын сөздерден мысал келтіріңдерші. Тәрбиеші балалардың ойлаған сөздерін буынға бөлулерін сұрайды. -Ал енді «а» дыбысын ауада жазып көрейік. Жұмыс дәптері. Дәптердегі №3 тапсырма бойынша орындалады. Жеке жұмыс жүргізіледі. |
Балалар бір-бірлеп сөз айтады: -Доп -кітап -ойыншық -балабақша
Балалар тәрбиеші сұрағына жауап береді. Қалған балалар қайталап отырады.
Балалар олардың ұзақтығын анықтайды.
Балалар өлең мазмұнына байланысты қимыл –қозғалыстар жасайды.
-Астана қаласы.
Балалар көреді, есте сақтайды.
-А-а-а
-Алма, Алматы, алмұрт, апельсин, апа, ата.
-А- ғаш, а- на, ай –на «А» әрпін ауада жазады.
Дәптерде берілген тапсырмаларды орындайды.
|
| Рефлексивті коррекциялаушы | Тәрбиеші жұмбақ жасырады. Күн нұрын шашқан асқардан, Алатау-алып тас қорған Бас қала аты-Астана, Қай әріптен басталған? -«А» дыбысы дауысты ма, дауыссыз ба? -Бір-бірімізді түсіну үшін не айтамыз? -Сөздер қандай болады? -Ендеше маған бір ұзақ сөз, бір қысқа сөз айтыңдаршы. -Бүгін қандай дыбыспен таныстыңдар? -«А» дыбысы қандай дыбыспен таныстыңдар? -Сөздер қандай болады? -Өте жақсы,балалар! Сендер бүгін өте ақылды әрі зерек екендеріңді көрсете білдіңдер. | Балалар жұмбақ жауабының «а» дыбысы екенін табады.
-«А» дауысты дыбыс оны әндетіп, созып айтуға болады. -Ұзақ және қысқа болады. -Балабақша. Бала. -«А» дыбысымен таныстық. -Дауысты дыбыс. -Сөздер ұзақ және қысқа сөз болады. Балалар тәрбиешіден естіген мақтау, мадақтауларына қуанады. |
